Erloju adimendunak, gurasoen kontrol gosea asetzeko
Udako oporrak gainean, non dagoen uneoro jakiteko erloju adimenduna erosi diozu seme-alabari? Ez duzu bakarrik uzten, arduraz jokatuko ez duen beldurrez? Egungo belaunaldi gaztea inoizko kontrolatuena dela diote The Guardianen, eta dagoeneko adinez nagusi diren heldu gainbabestuak ikustea ez da hain arrotza.
Haur eta gazteek etxean (eta Interneten) denbora asko eta kalean gutxi ematen dutela kritikatzen dugu, baina aldi berean aske ibiltzea murrizten, mugatzen eta espazioak ixten dizkiegu, adierazi dute kultura digitalean aditu diren The Guardian egunkariko kazetariek. Helduok gure haurtzaroan auzotik bizikletan orduak ematen genituela, baina heldu horiek gaur egun seme-alabei non dauden jakiteko GPS gailuak jartzen dizkietela, kontrol erregularrak ezartzen dizkietela eta darabiltzaten sare sozialak miatzen dituztela diote, Z deituriko belaunaldia dela inoizko monitorizatuena gurasoen aldetik.
Azken finean, hainbat gailu eta teknologiak ez ote duen sortu haurrak etengabe monitorizatuta izateko beharra eta adikzioa.
Norbere beldurrek, seme-alabak babesteko nahiak, konfiantza faltak, bide zuzena egingo dutela ziurtatzeko asmoak… seme-alabak gehiegi kontrolatzera garamatzate batzuetan, eta haiengatik kezkatzea logikoa eta naturala den arren, gehiegizko kontrolak ageriko ondorio negatiboak izan ditzake. Adituek garbi diote: frustrazio, arazo, min eta ondoez guztiak saihesteak ez dio utziko haurrari horiei aurre egiteko estrategiak garatzen; are, ez du ikasiko bizitzako gertakari txarrak toleratzen; uste dugunaren kontra, autoestimuan, konfiantzan eta segurtasunean ere ez diogu batere mesederik egingo; zer esanik ez autonomia eta independentzian, pertsona menpeko bihurtuko ditugu.
Gainbegiratzea, akonpainamendua egitea, aholkatzea, laguntzea, irakastea… ongi dago, baina manipulatzea, haien ordez erabakitzea edota autonomiarik ez ematea ez da bidea, huts egiten ere utzi behar zaie, diote adituek.
Lagun irakasleak kontatu du unibertsitatean ikasten ari den gazteari nota aldatzeko eskatzera joan zela lehengoan haren ama, irakaslearengana
Unibertsitatera eta medikuarenera, gurasoekin
Gaia atera da gure lagun taldean, eta gehiegi babesturiko seme-alaben adibideak haizatu ditu bakoitzak, seinale zenbateraino dagoen zabalduta. Kuriosoa da, gainera, adibideak ez direla haurrenak izan, jada helduaroan dauden (behar luketen) seme-alabenak baizik. Lagun irakasleak kontatu du unibertsitatean ikasten ari den gazteari nota aldatzeko eskatzera joan zela lehengoan haren ama, irakaslearengana; medikuak kontatu du behin baino gehiagotan gertatu zaiela paziente gazteengana (eta ez hain gazteengana) zuzendu eta galderak ondoan duen gurasoak erantzutea, esan behar izateraino galderak pazienteak erantzun behar dituela (zeina isilik eta otzan egon ohi den), ez gurasoak; eta supermerkatu batean lanean ari den lagunak azaldu du gazte bat bertan lanean hasi eta hurrengo egunean haren ama etorri zela, langilearen arropa itzultzera eta azaltzera semeak ez zuela gehiago han lan egingo.
Gaiaz gehiago: Haur babestuegiak. Seme-alaben esanetara
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
Telefono mugikorra edukitzeko adina atzeratze aldera, indarrak batu eta dagoeneko 3.000 familiaren babesa duen elkartea sortu dute Nafarroan: Mugikorrik Gabeko Nerabezaroa. 50 establezimenduk aukera emango diete gazteei, behar dutenean bertako telefono finkotik deiak egiteko... [+]
Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.
Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]
Umea gelan eranzten utzi, eta ni lau minutuan jantzi naiz, bi pasa behar izan ditudalako pulamentuzko kulerorik ez dudala ohartzeko, eta souvenir moduan gordeta nituen norbaiten kaltzontziloak janzteko. Nik bakarrik jakingo dut galtzen azpian Spiderman daramadala. Hogeita bost... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
