Intsektizida neonikotinoideen bi urterako debekua nahikoa ote?
Bigarrenean bai. Joan den martxoan, Europako Elikadura Katearen eta Animali Osasunaren Batzorde Iraunkorra bildu zen, EBk proposatuta, hiru intsektizidaren debekuaz eztabaidatu eta bozkatzeko. Debekuaren aldekoak gailendu ziren, baina ez gehiengo nahikoaz. Astelehenean, Europako Apelazio Batzordean berriz bozkatu zuten, eta hamabost estatuk eman zuten imidacloprid, tiametoxam eta klotianidina debekatzearen aldeko bozka, martxoan baino bi gehiagok.
Zortzik bozkatu dute kontra, eta lau abstenitu dira. Gehiengoak loteslea izan gabe jarraitzen du, baina oraingoan Europar Batzordeak bere proposamena aurrera eramatea ebatzi du. Alemaniak botoa aldatu izana erabakigarria izan da, nonbait.
Datorren abenduan jarriko da indarrean debekua, eta ez uztailean, hasiera batean Europar Batzordeak iragarri zuen bezala. Izan ere, denbora eman nahi diete nekazariei hazi berriak erosteko. Gogoan hartu behar da debekuarekin batera, hiru intsektizidekin tratatuak izan diren haziak saldu eta erabiltzea galaraziko dela.
Neurria ez da erabatekoa, ordea. Printzipioz bi urteko iraupena izango du, eta lau laboreri baizik ez die eragingo: ekilorea, koltza, kotoia eta artoa.
Aldi baterako merkatutik kenduko dituzten hiru substantziak neonikotinoideen familiakoak dira, eta hainbat ikerlanek frogatu dute erleen populazioaren beherakadarekin zerikusia daukatela.
Tiametoxam Syngenta multinazionalak ekoizten du, eta gehienbat Cruiser izen komertzialarekin saltzen da. Imidacloprid eta klotianidina beste erraldoi batek saltzen ditu, Bayerrek. Lehenbizikoak izen komertzial asko ditu, akaso Gaucho da zabalduena; eta klotianidina, berriz, Poncho izendapenarekin ikusiko duzu dendetan, besteak beste.
Syngenta zein Bayerreko bozeramalek haserrea agertu dute Europar Batzordearen erabakia dela-eta, baina hiru plagizida neonikotinoideok guztiz debekatu ez izana haien garaipen txikitzat har ere har daiteke.
ARGIA astekariaren 2.366. zenbakian argitaratu genuen erreportajeak konpainia biek azken urtean egindako lobby kanpainaren berri ematen du.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Erleek jaiotzetik hil arte duten joera bat da garbitzeko gaitasuna. Jaio bezain laster hasten da bera jaio den abaraska garbitzen, puskatu dituen argizari zatiak erlauntzatik kaleratzen.
Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.
Erlauntza batean erregina bakarra dagoenez eta denen ama denez, bera dela agintari esaten da, baina ez da erabat zuzena. Erregina oso garrantzitsua da, baina erabaki garrantzitsuenak erle langileek hartzen dituzte.
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Azkainen izan da Mattin Jauregi Egonarria saioko aurkezlea eta erlezaina, mundu horretan erreferentea den Mikaela Untsainen etxean. Erleak iraun dezan gaur egun erlezainen beharra dagoela azaldu dio, erlezainik gabe galdu egingo dela. Zein oinarriren gainean lan egiten duen... [+]
Neguko inausketa sasoia gainean dugu, hemen dator epaitzeko, epaiak egiteko garaia: epaila. Aspaldi dugu epaila martxotua eta inausketa lanak noiznahi eta nolanahi egiten dira, tartean krimen izugarriak.
Erlauntzaren jaiotza erregina estali baten errutearekin hasten da. Hemen ere betikoa, arrautza ala erregina ote zen lehena…
Lehen sektorean arazoak gorantz doazela nabari da: klima krisia, kutsadura, lehengaien prezio altuak edo lursailak eskuratzeko zailtasunak…
Bertatik bizi nahi dugunok badakigu zer dagoen, badakigu zailtzen doala sektorea, baina jarraitu edo hasi nahi duen jendea ere bada... [+]
Fenomeno berezia da erlakumeena, erleen biziraupena bermatzen duen prozesu naturala. Eguraldi epelak loraldi oparoak dakarzki eta loraldien oparotasunak erleen “emantzipazioa”.
Erlezaintza dastatzeko hona errezeta: propoliz ondutako izokina pipermin eztiaz eta limoi erre kremaz.
Langileek aukeratuko duten arrautza batetik jaioko da belaunaldi berrien erregina. Erregina-jelez beterik izango du abaraska, goserik pasa ez dezan 15 egunez eta ederra eta galanta egin dadin.
Ardiak dituen edonor ahal da artzain? Edo ardiak gustuko dituen afizionatu bat besterik ez? Ez dakit non kokatu neure burua, erlezain izan nahi dut eta agian batzuentzat banaiz, baina noiz da bat erlezain?