Tolosako inauterietan poliziak begian zauritutako gaztea indarkeria polizialaren biktima gisa aitortzeko eskatu du Xuhar herri plataformak. Mobilizazio batera deitu du martxoaren 16rako, Tolosan.
Xuhar herri plataformak agerraldia egin du asteazkenean, Josu Erkoreka Eusko Jaurlaritzako Segurtasun sailburuak Tolosako (Gipuzkoa) inauterietako istiluen harira egindako adierazpenak salatzeko. Leporatu diote begian foam jaurtigaiak zauritutako 16 urteko gaztea "erreduntzat" hartzeko "kanpaina" egiten ari dela, eta biktima gisa aitortzeko eskatu diote. Hori salatzeko eta polizia ereduaren aldaketa exijitzeko mobilizazio batera deitu dute, martxoaren 16an, Tolosan.
"Xuhar istiluetan parte hartzen ari zela esan zuen Erkorekak. Aurpegia estalita eta botilak jaurtitzen ari zirenen alboan zegoela gertatzen ari zen guztia grabatzen", esan du herri plataformak. Erkorekaren jarrera salatu dute zalantzan jartzeagatik Ertzaintzak gaztea zauritu izana eta errua gazteari botatzeagatik.
Kritika egin diote ere Villabona-Amasako (Gipuzkoa) EAJko zinegotzi Arantzazu Rojori, Tolosako gertakaria salatzeko eta argibideak eskatzeko mozio batean esandako hitzengatik: "'Xuhar ez da tirokatua izan', eta bestelako astakeriak esan zituen".
Poliziak "inpunitate osoz" esku hartze "neurrigabeak" egiten dituela eta horiek justifikatzeko "aitzakiak" aurkitzen dituela salatu du plataformak, eta horren guztiaren jatorria polizia eredua bera dela: "Xuhar indarkeria polizialaren biktima izan dela aitortzea nahi dugu".
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.
PSGren aurkako partidaren aurretik izandako karga polizialean zauritu zuten pilotakada batez emakumea.