Eredu energetikoaren inguruko jardunaldiak, asteazkenetik larunbatera Gasteizen
Berriztu Araba!-k, bestelako eredu energetiko baten aldeko herri mugimenduak, “Trantsizio energetikorako premia” jardunaldiak antolatu ditu azaroaren 29tik abenduaren 2ra.
Asteazkenean hasiko dira jardunaldiak, Aldabe gizarte etxean. Instituzioek trantsizio energetikorako izan ditzaketen tresnen inguruan arituko dira bertan. Ostiralean, “egungo egoeraren argazki bat osatu nahi dute”. Ikuspegi feminista batetik, egungo errealitatea azalduko du Yayo Herrerok Errekaleorren. Amaitzeko larunbatean, autogestio energetikoko esperientziak bilduko dituzte, Lakabe, Tosu eta Errekaleorreko herritarren eskutik.
Urtebeteko ibilbidea egin du Berriztu Araba! mugimenduak. “Mehatxu” bati erantzuteko sortu bazen ere hasieran, energiaren problematika ikuspegi sakonagoarekin landu nahi dute mugimenduko kideek asteazkenetik larunbatera egingo dituzten jardunaldietan. Francking-aren aurkako mugimenduan du jatorria Berriztu!-k.
Armentia-2ren aurkako borrokatik, eredu energetikoa zalantzan jartzera
Armentia-2 gas putzua zulatzeko proposamenari aurka egiteko sortu zen Berriztu! dinamika, horretarako kanpainak eta mobilizazioak antolatu zituzten. “Albiste on bat” heldu zitzaien orduan, Espainiako Ingurumen Ministerioak tramiteak luzatu zizkion gas putzua zulatu nahi zuen SHESA enpresari.
Eusko Jaurlaritza ere saiatu zen tramitazio azkar baten bitartez zulaketak egiteko baimenak lortzen, baina Espainiako Gobernuak tramiteak modu egokian egiteko eskatu zion, Hala Bedin irakurri daitekeenez. Datorren urteko aurrekontuetan ez du diru partidarik aurreikusi Eusko Jaurlaritzak gas putzuen esplotaziorako Araban.
“Mehatxua ordea ez da bukatu”, adierazi dute mugimenduko kideek. Prozesua momentuz geratu bada ere, SHESA enpresak bere aurrekontuetan putzu berriak zulatzeko partidak izendatu baititu, zulaketen baimenak lortzeko dokumentazioa prestatzen ari da enpresa.
Duela hiru urte onartutako Klima Aldaketaren aurkako legean jasota zegoen neurria
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]
Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Hego Euskal Herrian energia berriztagarrien makroproiektuen zaparradari zenbakiak jarri dizkiogu erreportaje honetan. Datuek marrazten duten mapan, Nafarroak gori-gori jarraituko du eta Araban daude kontzentratuta EAEn enpresek egin nahi dituzten energia zentralen %75,4. Hori... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Arabako hamazazpi talde, elkarte eta herri mugimenduk deituta, milaka lagun elkartu dira larunbat arratsaldean Gasteizen, euripean. Bilbo plazatik abiatutako manifestazioak Foru plaza bete du ibilbidearen amaieran. Arabako landa eremua mehatxatzen duten makroproiektu guztien... [+]
Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]