Erdoganek operazio militarrak iragarri ditu Kurdistanen aurka
Turkiako presidenteak igandean adierazi du operazio militarrak hasiko dituela Eufrates ibaiaren ekialdean, Siriako Kurdistanen. “Afrinen, Jarablusen eta al-Baben sartu gara. Orain Eufratesen ekialdean sartuko gara”, adierazi du.
YPG Herri Babeserako Unitateek kontrolatzen duten eta AEBetako armadak presentzia handia duen eskualde honetan sartu nahi du Erdoganek, mugan “segurtasun esparru” bat sortzeko. Ankarako Gobernuak lehenagotik adierazi zuen eskualde honetan sartzeko asmoa, eta AEBekin adostu zuen Siriaren eta Turkiaren arteko iparraldeko mugan “segurtasun esparru” bat sortzea. Hala ere, Donald Trumpen administrazioa esparru horren sorrera moteltzen ari dela salatu du Erdoganek.
Mugimendu militar berriak iragartzean, Errusia eta AEBei haien berri eman diela baieztatu du Erdoganek. Siriako Kurdistango eskualde hau guztiz estrategikoa da. Eufratesen beste aldean duela urtebete baina gehiago hasi zen Turkia mugimenduak egiten, YPGei esparrua kentzeko. Izan ere, YPGak “erakunde terrorista” bezala daude sailkatuta Turkian. Kurdistango Herri Babeserako Unitate hauek AEBen aliatu nagusiak izan dira Daesh-en aurkako gerran, eta hori argi ikusten da AEBek Sirian dituzten base militarren banaketarekin; Siriako Kurdistanen hamar base militar baititu Trumpen administrazioak.
Siriako Gerraren egoera
Turkiak operazio militarrak iragarri dituen esparruan, 80 km baina gutxiagoan lau base militar dituzte AEBek, Kobane eta Ain Issa hirien artean. Sirian egoera ez da asko aldatu azken hilabeteetan. Siriako armadak herrialdearen esparru handiena izaten jarraitzen du, hiri nagusiak barne: Damasko, Homs, Latakia eta Aleppo, adibidez. Daesh marginala da gaur egun, eta Siriaren ekialdean bakarrik ditu gune batzuk kontrolpean. Idlib eskualdea, ipar mendebaldean, Jabhat al-Nusra salafisten eta Siriako opositoreen artean dago banatuta. Idliben iparraldean, Afrin hiriaren inguruan, Turkia da nagusi.
Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]
Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.
255 eserlekutatik 177 eskuratu ditu al-Assaden “Batasun Nazionala” izeneko hautagaitzak.
Gatazka armatuan bederatzi urte beteta eta musukoak jantzita hautatu dituzte parlamentuko kideak Sirian. Assaden aldeko hautagaiak nagusitzea aurreikusten da. Bitartean, konstituzio berri bat osatzeko negoziatzen ari dira oposizioa eta Baaz alderdia.
Siriako Idlib hirian 33 soldadu turkiar hil ditu Siriako armadak. Turkiako Gobernuak eraso hau “traizio” bezala ulertu, eta ezohiko batzar bat egin ostean, Siriako hiru eremutan jomuga militartzat hartu dituzten 200 gune bonbardatu dituzte.
Ehunka hildako eta ehunka milaka iheslari utzi ditu Turkiaren azken erasoaldiak Rojavan. Giza krisia handitu heinean, galderak ere pilatzen hasiak dira Siriako kurduen etorkizunaz.
Siriako Yarmouk errefuxiatu gunean (Damasko) jaio zen 1988an, palestinar familia baten baitan. Pianoa zuen ogibide, baina gerrak dena kendu zion. Sarraskiaren erdian musika egiten jarraitu zuen ordea, eta irudi haiek gure hedabideetako orrialdeak bete zituzten. Oinez iritsi zen... [+]
Gerra hasi baino lehen, Siriak 20 milioi biztanle zituen. Egun, populazioaren erdia baino gehiago desplazatuak dira, Siriako zonalde batetik bestera edo atzerrira ihesean ateratakoak. Nafarroara iritsitako hiru siriarrekin aritu gara, hemen bizi duten errealitatea ezagutzeko... [+]
Milioi erdi hildako inguru, milioika desplazatu eta manipulazio informatiboen zerrenda amaigabea dira Siriako gerra hibridoak utzi dituena. Kanpo faktoreek azaltzen dute Sirian gertatutakoaren parte handia. Mendebaldeak eta bere aliatuek gerra hibridoa egin diote Siriari... [+]
Faiza Abdi Kobane kantoi kurduko Legebiltzarreko presidentea da, eta hango gonbidatuen etxean ongi etorria egin zion Durangotik joandako ordezkaritzari. Emakume hurbila, beroa eta alaia da. Munduan barrena ibilitakoa, Sobietar Batasunean eta Espainiako Estatuan izan da, besteak... [+]
Zazpi urte eta erdiz luzatu den gerra basatiak Siriako gizartea zein neurritan aldatu duen ondo jabetzeko denbora beharko da. Potentzia handien kontrolpean, lekuko armada eta milizien arteko guduek herrialdea errotik eraldatu baitute. Interpretazio geopolitikoak eta... [+]
Donald Trumpek AEBen aldetik eten duela Iranekin nuklearraz sinatutako tratua, Israelek Irango armadari eraso diola agerian lehenbizikoz eta arma berriekin, aurretik Mendebaldeko potentziek eraso egina ziotela Siriako gobernuari... Ekialde Hurbileko suteen –Palestina,... [+]