Erbesteratu katalanek arrazoi politikoak argudiatu ahal izango dituzte euroagindua ukatzeko
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio Europak; horien artean, "objektiboki identifikagarria" den giza taldeen aurkakoak.
Europako Batasuneko Justizia Auzitegiak euroaginduak ukatzeko irizpideak zehaztu ditu: Kataluniako buruzagi independentista erbesteratuek ezingo dute Espainiaren euroagindua orain arteko argudioekin ukatu, baina bide berriak ireki zaizkie.
Orain arte immunitaterik gabeko erbesteratu bakarra da Lluis Puig, eta Espainiako Goreneko Pablo Llarena epaileak hura Espainiaratzeko eskatu zion Belgikari. Azken honek, ordea, euroagindua ukatu zuen argudiatuz Gorenak ez zuela eskumenik auzian, baizik eta Kataluniako Justizia Auzitegi Nagusiak. Horregatik, epaiketa bidegabe bat izateko arriskua zuela ebatzi zuen Bruselako Apelazio Auzitegiak.
Europako Batasuneko Justizia Auzitegiak ez du babestu Belgikaren argudioa. Hala ere, bestelako bideak ireki ditu: batetik, euroagindua bete aurretik Bruselak aztertu ahalko du ea Espainiak sistematikoki urratzen dituen epaiketa justu baterako eskubideak; eta bestetik, Espainiaratzea ukatu ahal izango du frogatuz gero "objektiboki identifikagarria den" giza talde baten aurkako jazarpena dagoela.
Belgikak faktoreok aztertu eta frogatu beharko ditu. Ezingo du Llarena epailearen eskuduntza faltarik ebatzi; bai, ordea, "ageriko inkonpetentzia bat" frogatuz gero.
Gaur gaurkoz, Carles Puigdemontek, Toni Cominek eta Clara Ponsatik immunitatearen babesa dute, europarlamentariak direlako. Baina horrek hala jarraitu ala immunitatea galdu, martxoan ebaztekoa da Justizia Auzitegia. Galduz gero, Espainiako Gorenak berriz ere jarri ahalko luke Espainiaratzeko euroagindua.
Puigek Belgikaren babesa lortu bazuen ere, orain, Espainiako Gorenak eta Pablo Llarenak berriro eskatu dezake hura Espainiaratzea.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Dakigunez, Hego Euskal Herriko Independentismo Instituzionalak ibilbide-orri jakin bati ekin dio. Espainiako Estatuarekin itun berri bat sinatzea. Bide horrek zenbait aldagai ala premisa nagusi erabiltzen ditu. Hala nola: PSOE ezkerreko alderdia da; Espainiako Estatua... [+]
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
Xabier Zabaltza Perez-Nievas historialaria, idazlea eta EHUko irakasleak 'Euskal Herria heterodoxiatik' izeneko liburua plazaratu berri du. Bertan dio Euskal Herria ezinbestean euskara eta euskal kulturaren bidez eraiki behar dela eta horretarako funtsezkoa dela euskara... [+]
“Inoizko [EAEko] parlamenturik abertzaleena” vs. “Independentismoa minimo historikoetan dago”. Bi baieztapen horiek azken aldian entzuten ditugu, eta areagotu dira Araba, Bizkaia eta Gipuzkoan apirilaren 21ean izandako hauteskundeen ondotik. Bi esaldi... [+]
Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]
Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]
Euskal Herriaren eta Kataluniaren independentzia aztergai da atzerrian. Nevadako Unibertsitateak, Renon, Ameriketako Estatu Batuetan, liburu mamitsua argitaratu berri du, ingelesez, Pro-independence movements in the Basque Country and Catalunya [Independentziaren aldeko... [+]
Espraiarekin estali dituzte Ipar Euskal Herrian gutxienez 25 frantsesezko izendapen panel. Uztailaren 10ean hasi zuten ekintza, eta U14 kolektiboak egiletza aldarrikatu du. Bihar manifestazioa deitua dute Donibane Lohizunen.
Berriz ere, euskararen aferak hartu ditu azkenaldian lerroburuetako batzuk. Epaitegi batek euskararen eskakizuna zuen lanpostu baten baldintzen kontra deliberatu duela. Inkesta soziolinguistiko batek esanguratsuak diren datuak eman omen dituela. Lapurdi, Baxenafarroa eta... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]