Iaz 47 emakume hil zituzten Espainian, eta aurten lau dira jada indarkeria matxistagatik hildakoak. Espainiako Barne Ministerioak hainbat neurri onartu ditu emakumeak eraso matxistetatik babesteko helburuarekin, eta eztabaidak aurrera jarraituko duela dirudi: erasotzaileen aurrekari penalen berri emateko baliabide juridikoak aztertuko ditu. Fiskaltzak babes neurri gehiago eskatu ditu.
Asteartean eta asteazkenean Fernando Grande-Marlaskak zuzentzen duen ministerioak polizia indarrak bildu ditu, tartean Ertzaintza eta Foruzaingoa. Onartu dute "kasu batzuetan" erasotzaileei eskumuturreko telematikoak jartzea biktimek eskatu gabe ere, emakumeengandik urruntzea kontrolatzeko. Kasu horiek izango lirateke andrea arrisku maila ertainean, altuan edota muturrekoan dagoela baloratzen dutenean fiskalek. Berria-k jaso duenez, iaz eraildako emakumeen %43k salaketa jarria zuten aurrez, baina horien herenek baino gutxiagok izan zuten babes neurriren bat.
Bileran, ontzat jo dute erasotzaileen arriskugarritasuna baloratzeko formulak eguneratzea. Emakumeen Aurkako Indarkeriari Buruzko Aretoko fiskal Teresa Peramatok iritzi dio egungo datu sistemekin "ez dela nahikoa", eta Barne Ministerioak onartu berri dituzten neurriek ere ez dutela baliabide nahikorik bermatzen.
Aurrekari penalen babesa, eztabaidan
Beste eztabaida puntuetako bat izan da erasotzaileen aurrekariak ezagutaraztea, emakumeen babeserako baliagarri izan daitekeenetan. Iazko emakumeen hilketen %40an, gizonak aurrekari penalak zituen. Azkenean ez dute aldaketarik erabaki horren inguruan, baina eztabaidatzen jarraituko dutela iragarri dute. Peramato fiskalak berak ez zuen begi onez ikusi aurrekarien berri modu orokortuan ematea, datuen babeserako legea urratzen duela argudiatuta.
Bestalde, Clara Campoamor elkarteko abokatu José Miguel Fernández López de Uraldek, Radio Euskadin eskainitako elkarrizketa batean, balantza beste aldera lerrokatu du: "Aurrekari penalak datu publikoak dira, ez pertsonalak. Emakumeen bizitzarako eskubidea horren aurretik dago", azaldu du asteazkenean.
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.