Erasoen aurrean elkar-babesa, antolakuntza eta autodefentsa
Azkeneko hilabeteetan Euskal Herrian eta hemendik kanpo izandako eraso LGBTfobiko bortitzek, nolabait, sexu disidenteoi barrenak mugitu zizkigutela ikusita, eta azkenaldian “gorroto delituen” inguruan izan diren irakurketa eta erabilpen interesatuak direla eta, Ehgam-en berrameste prozesuan gai honi heltzeko beharra ikusi dugu eta horrela egin dugu azaroaren 4an Hernaniko Urumea Herrigunean.
Bazirudien azaroaren 4ko arratsaldeko eguraldi busti, ilun eta hotza, Hernaniko Urumea Herrigunean lantzeke genuen gaiari testuinguru aproposa jartzeko eskatua izan zela, izan ere, lantzea nahi genuen gaia erasoena zen. Alegia, hauen atzean ezkutatzen den LGBTfobia eta hauen aurrean sexu askapenerako mugimenduak nola jokatu beharko lukeen eztabaidatzea.
Bertaratutakook interesez eta arduraz ikusi genuen erasoen eta hauei aurre egiteko modu zein estrategien afera. Saioaren hasieran, gaiak asko zeharkatzen gaituela eta hamaika emozio pizten dizkigula komentatu genuen: beldurra, bakardadea, ezinegona, tristura, amorrua, amorru deskontrolatua... Bai eta honen aurrean, gure artean elkartzea, elkar-babestea, amorrua politizatzea edota erantzun politiko bat artikulatzea bezalako erantzunak aukera posibleak izan daitezkeela ere.
Saio guztian, mugimendu feministak genero indarkeriaren aurrean erabili eta erabiltzen duen hainbat estrategia eta begirada presente izan genuen: autodefentsaren ideia, antipunitibismoa, kazetaritza feminista,...
Hau horrela, hausnartu beharreko hiru ardatz proposatu genituen saioa egituratzeko: autodefentsa zein antolakuntza, instituzioen papera eta informazioaren kudeaketa. Beraz, erasoen aurrean kontuan eduki beharreko hiru dimentsio hauek ardatz hartuta, talde txikietan gogoetatuz eta ideiak elkar-trukatuz aritu ginen.
Eraso LGBTfobiko bat jazotzean, nola informatu, noiz informatu, zein baliabide erabili, nola ez jausi morboaren espektakuluan, fokua non jarri...?
Autodefentsa eta antolakuntza
Mugimendu feministak autodefentsaren ideiari egindako ekarpenak gogoan izanda, aspektu honetan, ideia horretatik garatutako tresnak baliatu eta mugimendu feministarekin elkarlanean aritzeko gogoak agertu ziren.
Kolektibotasuna, elkar-babeserako espazio eta sareak, elkar indartzeko eta ahalduntzeko prozesu zein espazioak... izan ziren behin eta berriz aipaturiko ekintza eta ideiak. Izan ere, askotan erasoen aurrean bakardadea eta hurbileko sexu disidenteekin elkartu eta gaia lantzeko beharra agerikoa izan zen.
Instituzioen papera
Instituzioen papera lantzerakoan, beste behin, feminismotik egiten den irakurketa antipunitibista izan zen ardatz eta nolabait zigor punitibista edo zigortzaileen ideiatik aldentzeko beharra. Baina aldi berean, hau guztia garatze bidean topa ditzakegun mugak, trabak eta zailtasunak argi gelditu ziren ere.
Erasoen eta LGBTfobiaren izaera estrukturala ateratako beste gai bat izan zen eta, egun, horri aurre egiteko diharduten tresna juridikoak, hala nola “gorroto delituak”. Azken tresna hori zalantzan jartzearen beharra ere berretsi genuen.
Informazioaren kudeaketa
Eraso LGBTfobiko bat jazotzean nola informatu honen inguruan, noiz informatu, zein baliabide erabili eta tankerako zalantzak sortzen dira maiz. Eta honi dagokionez, medio askotatik sortu nahi den “morboaren espektakuluan” ez jaustea eta jokabide hori salatzea aipatu zen. Baita ere erasoaren arrazoiez gabiltzanean, fokua non jarri behar den edota erasotzailearen profilaren inguruan aritu behar garen ala ez. Honetan kazetaritza egiteko begirada feministaren ideia eta garrantzia azpimarratuz.
Saioak hasierako hausnarketa txiki bat izateko intentzioa zeukan eta horrela izan zen. Gogoeta hauetatik ateratako ideia, proposamen eta zalantzak, hurrengo baterako balizko hausnarketan sakontzeko baliabide interesgarriak izan daitezke. Izan ere, sexu askapenerako mugimendutik, erasoen aurrean badaukagu zer hausnartu, kolektibo eta mugimendu ezberdinekin artikulatu eta erantzun bat emateko beharra.
.jpg)
* Ehgam berramestuz ekimena
- Irakurri hausnarketa zikloaren lehenengo saioaren kronika: Noiz bukatzen da armairua, historia eta memoria
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Ángeles Cruz zinemagilea da, baina ahaztu itzazu industria horren dinamika patriarkal, arrazista eta kapitalista guztiak. Misteka herri indigenakoa eta lesbiana izanik, "komunitatea" da Cruzek gehien errepikatzen duen hitzetako bat. Hortik egiten du zinema, eta... [+]