Txosnagunearen aurkako “erasoak” salatzeko manifestazio jendetsua egin dute Tolosan
Inauterietan txosnagunea jartzeko izan dituzten zailtasunak salatzeko manifestazioa egin du Tolosako Txozna Batzordeak inauterietako lehen egunean. Tolosako Udalaren eta zenbait eragileren jarrera salatu dute. Udala "oso haserre" agertu da eta desadostasunaren oinarria "eztabaida politikoa" dela nabarmendu du.
Tolosako Txozna Batzordeak inauterietan txosnagunea jartzeko izan dituzten zailtasunak salatzeko manifestazioa egin du ostegun gizenean, "Eraso guztien gainetik, txosna defendatu" lelopean. Urtero txosna aurrera ateratzeko oztopoak izan dituztela, eta aurten bi "eraso politiko" gehitu zaizkiola salatu du Txozna Batzordeak. Batetik, EAJ-k txosna "ahultzeko" Euskal Herri Plazan jartzeko debekua, eta bestetik, Txozna Batzordearen parte izan zen Ezker Abertzaleak Mugimendu Sozialistako eragileak "txosnarik gabe uzteko saiakera".
"Erasoaren dimentsioa handia da" gaineratu du Batzordeak. Tolosan 900 sinadura bildu zituzten txosna Euskal Herri Plazan jartzeko eta horren aldeko borroka "deslegitimatu eta kriminalizatu" dutela esan du, militanteen gaineko "irudi ilun eta gatazkatsua" zabaltzeko aprobetxatuz. "Txosna batzorde paralelo bat sortzen saiatu dira Mugimendu Sozialistako eragileen betoan oinarritzen dena eta aurrera begirako proiekzioa eman diote, hau da, erasoarekin jarraitzeko borondatea adierazi dute. Eta hori dena aniztasunaren izenean", gehitu du.
"Aniztasuna" esatean, "politikoki funtzionalak" zaizkien talde eta norbanakoei buruz ari direla leporatu die Txozna Batzordeak. "Eragile hauek lan militante bidez indarra hartu duten txosna batean parte hartu ordez, nahiago dute boikotera pasa, aniztasuna aldarrikatuz", gaineratu du. Gainera, azpimarratu du Ezker Abertzaleak ez duela zalantzarik izan gainontzeko "eragileen gainetik pasa eta plaza bereganatzen saiatzeko".
Bestalde, Txozna Batzordeak Tolosako Udalaren jarrera "sozializazio eta aldarrikapen gune independente bati mugak" jartzeko saiakeratzat jo du: "Urtez urte ikusten ari gara geroz eta zailtasun gehiago daudela herriko plazetan instituzioz kanpoko ekimenak antolatzeko. Herriko festetako txosnez gain, zapalkuntzei aurre egin nahi dien edozein ekimen publikori geroz eta traba administratibo gehiago inposatzen zaizkio".
"Eraso orokor" bezala deskribatu dute egoera, eta kartel bat pegatzea, kontzertuetako baimen bat lortzea edota eragile politikoen "finantziazio politikoa bermatzea" geroz eta zailagoa dela diote. Beraz, indarrak batzeko eskaera egin du Batzordeak: "Modu desinteresatu eta politikoan guztion finantziazio eta sozializazio guneak sortzeko eskubidearen defentsa kolektiboa egin behar dugu. Hori baita aniztasunaren bidea gure ustez".
Udala haserre
Tolosako Udala bere aldetik "oso haserre" agertu da, Tolosaldeako Atariak Olatz Peon alkateari egindako elkarrizketan. Txosnaren inguruko afera guztiaren desadostasunaren oinarria "eztabaida politikoa" dela nabarmendu du. Era berean, alkateak adierazi du udalak beti aldarrikatzen duela ariketa horretan espazioa denona dela eta denontzat izan behar duela. "Orain, eragileetako batzuek ez omen dute uste GKS-k hori betetzen duenik. Baina lehen betetzen al zen espazio publikoaren erabilera hori?"; gehitu du. Tolosak horrelakorik "ez duela merezi" ere esan du, eta inauteriak modu "alai eta baketsuan" bizitzeko deia egin du.
Era berean, Txozna Batzordeak gogorarazi du beti egongo direla prest "zapalkuntzei aurre" egin nahi dieten eragileekin batera txosna antolatzeko eta gune horiek "jasaten dituzten erasoei" aurre egiteko. Festarako deia ere egin du: "Oztopo guztien gainetik antolatzea lortu dugun egitarauaz gozatu, gu behintzat gertatutakoaren ondoren inoiz baino gogotsuago eta indartsuago gaude".
Urtea hasi zenetik 64 espediente ireki ditu Arabako Aldundiak fakturazio sistema hori ez erabiltzea leporatuta, tartean, "txosna batzuen" aurkakoak. Gasteizko Txosnen Batzordeak abuztuko jaien aurretik iragarri zuen uko egiten ziola Ticket Bai ezartzeari eta Aldundiak... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Udaltzaingoaren azken egunotako "gehiegikerien" aurrean, Bilboko Konpartsen Federazioak elkartasuna adierazi die manteroen kolektiboko lagunei, Areatzan egindako elkarretaratzean.
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Arabako Aldundiak TicketBai sistema ezartzea exijitzen die txosnei, eta uko egiten dio Gasteizko Txosnen Batzordeak. Hala ere, jaietan txosnak jarriko dituztela ziurtatu du batzordeak. “Erasoa” Euskal Herriko jai herrikoi eta herri eragile guztien aurkakoa dela... [+]
Lizarrako Udalak datozen jaietarako aurreikusia dagoen jai herrikoien egitaraua arriskuan jarri du. Txosnak erdigunetik kendu eta urrun eta baztertua dagoen zonalde batera eraman nahi ditu.
'Jalgi belak mastara, eta euskara plazara!' lelopean ospatuko dute Donostiako Aste Nagusi Pirata, abuztuaren 10etik 18ra.
Autobus-geltokiko parkingean txosnak jartzea debekatu du Lizarrako Udalak. San Benitora lekualdatu nahi ditu, baina Festagirok uko egin dio inposaketa horri. Emakumeentzat leku arriskutsua dela, udalak herriko eragileak jaietako dinamika sozialetik urrundu eta isolatu nahi... [+]
Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.