Erasoak sare sozialetan eta espazio publikoan modu anonimoan salatzeko tresna sortu du Amurrioko neska* gazte feminista taldeak. "Entzun Gaitzatela!" du izena eta internet bidez dago eskuragarri.
Otsemeak, Amurrioko neska* gazte feminista taldeko kideek, sare sozialen bidez eman dute jakitera "Entzun Gaitzatela!" plataforma jarri dutela abian: erasoak modu anonimoan salatzeko tresna. Adierazi dutenez, eraso anitz ari dira ematen Amurrion "azken boladan" neska* gazteen aurka, jai giroan eta gaueko aisialdiaren eremuan batez ere. Horregatik ikusi dute erasoak publikoki salatuko dituen plataforma sortzeko beharra. Izan ere, "harreman eredu sanoen alde apustu" egiten dutela azaldu dute eta, "jaiak, plazak eta gauak" gozatzeko eskubidea dutela aldarrikatu.
Ikusezin gera daitekeen edozein eraso publiko egiteko tresna anonimoa da Entzun Gaitzatela!. Interneten eskuragarri dagoen inkesta bat betez salatu daitezke gertakariak, eta sare sozialak eta espazio publikoa erabiliko ditu talde feministak jasotako eraso horien berri emateko, kartel eta argitalpenen bidez. Inkesta betetzen duten pertsonen nortasuna ez da inon gordeta geratuko.
Kontatu nahi duen horren muga bakoitzaren eskuetan dagoela ziurtatzeko, erantzunak ez dira nahitaezkoak. Hau da, norberak erabakitzen du inkestaren zein galdera erantzun eta zein ez.
Entzun Gaitzatela! "gure arteko babesa sendotzeko eta saretzeko" erabili nahi dutela ere azaldu du Otsemeak-ek. Edozein eratako laguntzarik behar duenarentzako prest agertu dira, eta sare sozialetan edo posta elektroniko bidez (otsemeak@gmail.com) harremanetan jartzeko aukera dagoela gogorarazi dute.
Plataforma berri bat sortu dugu ??
Azken boladan herrian eman diren erasoen berri izan gara. Hauek sare sozialetan eta espazio publikoan modu anonimoan salatzeko tresna da #EntzunGaitzatelahttps://t.co/PPeTZq4006 pic.twitter.com/6ar24kBnWF
— OTSEMEAK! (@Otsemeak) September 25, 2021
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]