Aste Nagusia hasi zenetik jazo diren erasoei erantzuteko, jaien laugarren egunean protokoloa aktibatu dute. Elkarretaratzea egin dute asteartean, gertakariak gaitzesteko.
Jaiak hasi eta ordu gutxira jazo zen salatutako lehen erasoa. Emakume batek larunbatetik iganderako goizaldean sexu eraso saiakera pairatu zuela jakinarazi zuen. Antzerako gertakariek, baina, ez dute etenik izan, eta Konpartsek salatu egin dituzte jazo diren emakumeen aurkako eraso fisikoak eta sexu eraso saiakerak. Protokoloa aktibatu zuten asteartean, eta elkarretaratze jendetsua egin zen iluntzeko 19:30ean, Areatzako zubian.
Protokoloa aktibatu aurretik jazotako azken erasoa astearte goizaldean izan zen, Urkixo zumarkalean. Bilboko Udaltzaingoak jakinarazitakoaren arabera, kalean erretzen ari zen emakume bat bortizki heldu zuen gizon batek eta ukituak egin zizkion. 40 urteko erasotzailea atxilotu egin zuten udaltzainek, eta emakumeak salaketa jarri du.
Konpartsek azpimarratu nahi izan dute bi emakumeren kontrako erasoak konpartsakide batzuei esker eten ahal izan zirela, eta pertsona horien jarrera goraipatu dute: “Azpimarratu gura dugu pertsona horien jarrera kementsua, erasoren bat sumatu dutenean ez dutelako beste albo batera begiratu, baizik eta inplikatu dira bitartekaritza eginez”. Jarrera horiek eredutzat hartuta, herritar orori dei egin die “bortxakeria patriarkaleko forma guztiak desagerrarazteko borrokan” erantzukizunez ardurak hartzera. Emakumeeak, bestalde, autodefentsa feministatik errebeldiaz ahaldundu eta armatzera deitu dituzte.
Protokoloa aktibatu zen egun berean, beste eraso bat gertatu zen, honakoa Ugalde kaleko etxebizitza batean. Gizon batek bere bikotekideari eraso egin zion, eta ostean hilabeteko haurrarekin atxiki zen etxebizitzan. Ertzaintzak atxilotu egin zuen gizona, emakumeari eraso egitea eta haurra atxikitzea leporatuta.
Haurra onik atera zen. Emakumea, aldiz, ospitalera eraman behar izan zuten, zaurituta. Erasotzaileak polizia etxean jarraitzen du, epailearen aurretik igarotzeko zain.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]