Eraso matxisten aurrean EHUk erasotuak babesten ez dituela salatu du Hainka taldeak
Leioako campusean egin dute prentsaurrekoa Hainka Ikasle Feminista taldekoek, ostegunean. Martxoaren 8an irakasle baten partetik jasandako erasoa eta honen aurrean EHUk izandako jarrera pasiboa salatu dituzte.
Iragan martxoaren 8an pairatutako erasoa izan dute hizpide ostegunean Leioako campusean. Azaldu dutenez, egun hartan deituta zegoen greba feministaren harira egindako egitaraua aurrera eramaten ari ziren, gizonezko irakasle batek makilaz mehatxu egin eta bi emakume* jo zituenean. Adierazi dutenaren arabera, eraso honetaz gaindi, irakasle honek hainbat urtetan kolektibo gutxietsien aurkako jarrera zapaltzailea izan du, hainbat irakasle, langile eta ikaslek salatu dutenez. “Egun hartan irakasle honek izandako jarrera ezin dugu ulertu jokabide isolatu gisa, baizik eta emakumeon* aurkako jarrera orokor baten azken muga bezala”, adierazi dute.
Jakinarazi dutenez, “erasoa burutu duen irakaslea ez da edozein irakasle”. Unibertsitatean bertan zein beste instituzio batzuetan kargu garrantzitsuak eta kontaktu sare zabala dituela, eta Medikuntza eta Erizaintzako Fakultateko ikasleen etorkizuna baldintzatzen duen figura dela eman dute aditzera. Erasotzailearen boterea tarteko, eta “vendetta pertsonal batengatik” honek norbaiten ibilbide profesionala zapuztu zezakeela kontutan hartuta, bide judiziala ez jarraitzea erabaki dute.
Bide judiziala baztertuta, EHUko Errektoretzaren Berdintasun Sailera jo zuten “babes eta laguntza bila”. Hainbat irakaslerekin, Medikuntzako dekanotzarekin eta Errektoretzarekin ere hitz egin zuten, eta Berdintasun Sailak erasoa burutu zuen irakasleari espedientea irekitzeko prozesua martxan jarriko zela adierazi zien, baita berauek babesteko prestutasuna ere, talde feministak azaldu duenez. “Prozesu honen hasiera, ordea, nahiko iluna izan zen. EHUko sail ezberdinen artean eztabaidak hasi ziren eta orokorrean denek eskuak lotuta zituztela ulertarazi ziguten (…) Bazirudien inork ez zuela esku-hartu nahi”. Azkenean barne espediente bat irekiko zela jakinarazi zitzaien EHUtik, eta berri gehiagorik ez zuten izan ikasleetako batzuk testigantzak ematera deitu zituzten arte. Azaldu dutenez, hasieran biktimatzat ezagutu zituen instituzioak erasotzaile gisa aurkeztu nahi zituela antzeman zuten.
“Erasotzailea inongo damurik gabe dabil fakultatean zehar, mespretxua erakutsiz mugimendu feministarekin lotzen duen ikasle orori (…) EHUri galdetu diogunean ea hainbeste denbora eta gero nola doan aurreko ikasturtean martxan jarritako prozesua, hau izan da jasotako erantzuna: espedientatuari, hots erasotzaileari soilik emango zaiola emaitzaren berri”, azpimarratu dute.
Egoera honen aurrean, EHUk biktimak ez dituela babestu eta prozesu administratiboa itxi asmoz hauek errudun sentiarazten saiatu dela salatu dute. Erasoa pairatu zutenei kasuaren gainean hartuko den erabakiaren berri ez ematea gaitzesteaz gain, EHU erasotzailearen konplizetzat jo dute: “Kanpora begira eta paperaren gainean, EHUk bere burua instituzio progresista eta feminista gisa aurkezten du (…) Prozesu honekin erakutsi du bere benetako izaera: honelako erasoen aurrean, erasotzailearen anonimotasuna eta pribilegioa babestu dituen instituzio bat, biktimak alde batera utzi dituena”.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]