Eraso matxistek ez dute etenik
Astelehenean, 55 urteko gizon bat atxilotu dute Iruñean etxekide zuen emakumeari ukituak egitea egotzita. Egun berean, 27 urteko gizonezko bat atxilotu dute Berrizen, bikotekideari labanaz eraso egiteagatik. Bi lagunek behin-behineko kartzela zigorra jaso dute asteburuan Gijonen bi emakume bortxatzea egotzita. Biktimetako bat Bergarakoa da.
Asteburu honetan, bi emakumek salatu zuten lau gizonezkok bortxatu egin zituztela Gijonen. Ostiraletik larunbaterako gauean gertatu zen erasoa, eta hurrengo goizean salatu zuten komisaldegian 22 eta 23 urteko andrazkoek. Biktimetako bat bergararra da.
Ustezko lau erasotzaileak atxiloketa judizialean izan dituzte larunbatetik. Orain, Gijongo Instrukzio Epaitegiak behin-behineko espetxeratzea ezarri die horietako biri. Beste biei, biktimengana hurbiltzeko debekua eta komunikazio debekua ezarri diete, Asturiasko Justizia Auzitegi Gorenaren arabera.
Bergarako Martxanterak talde feministak erasoa salatzeko elkarretaratzera deitu zuen astelehen arratsaldean. “Erasorik ez erantzunik gabe!” lelopean “antolakuntza, elkar-babesa eta autodefentsa feminista” aldarrikatu zituzten.
Berrizen, larri zaurituta
Astelehenean, Berrizen, 27 urteko gizonezko bat atxilotu dute, bikotekideari labanaz eraso egitea egotzita. Emakumea aste gutxitako haur batekin zegoen, gizonak eraso egin zionean. Zauri larriak ditu andrazkoak, horietako batzuk lepo inguruan, eta Gurutzetako ospitalera eraman zuten helikopteroz, arta medikoa jasotzeko.
Auzokideek Berrizko belodromoaren inguruan ikusi zuten zauritutako emakumea, eta ustezko erasotzailea ihes egiten ari zela konturatu ziren. Ertzainek erasoaren lekutik hurbil aurkitu zuten gizona, jaioberria berarekin zeramala. Momentuz, erasotzailea axilotuta dago, epailearen aurretik pasatzeko zain.
Aste honetan gertatutakoa salatzeko, Udalak komunikatu bat zabaldu du, eta hainbat eragilek elkarretaratzea deitu dute 19:00etan Berrizko Urtiaga Plazan.
Duela hilabete eskas egin zuten azkenekoz eraso matxisten aurkako salaketa, antzeko gertakari baten harira. Anboto hedabidearen arabera, 24 urteko gizon bat atxilotu zuten bikotekide ohia labanaz erasotzea egotzita. Erasoa Basaurin gertatu bazen ere, Berrizen zuen etxean atxilotu zuten gizona.
Iruñean, sexu ukituak
Iruñean, Espainiako Poliziak 55 urteko gizon bat atxilotu zuen astelehenean, etxekide zuen emakumeari sexu erasoa egitea egotzita. Andrazkoak eta bere semeak gizonezkoarekin partekatzen zuten etxebizitzan gertatu zen erasoa. Biktimak Poliziaren aurrean egin zuen salaketa, eta azaldu zuen gizonezkoak bi egunez jarraian eraso egin ziola. Lo egon bitartean hurbildu zitzaion eta bere borondatearen kontra sexu ukituak egin zizkion.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]