Eraso lesbofoboa Donostian: “Ez izan erasotzailearen konplize, erantzun dezagun kolektiboki”
Donostiako Ondarreta hondartzan itsasotik atera eta komentarioak, begiradak, argazkiak, askotariko irainak eta mehatxuak jasan behar izan ditu emakume talde batek. “Lesbiana putak, nazka ematen duzue, ez zarete batere femeninoak…”. Inguruan zegoen jendearengandik ez dutela babesik jaso ere nabarmendu du lagun taldeak. “Horrelako biolentzia” salatzeko protesta egin dute, astearte honetan.
Pasa den igandean, arroparik gabe itsasoan bainu bat hartzetik ateratzen ari zirela, gizon batek argazkiak atera zizkiela salatu dute emakumeek. Argazkiak ezabatzeko agintzera gerturatu zirelarik, beste gizon batek hitzez etengabe eraso zituela gaineratu dute, tartean mehatxu ugari eginez. Gaztelaniaz, “lesbiana putak, nazka eta botagura ematen duzue, ez zarete batere femeninoak, joan guraizearena egitera, zorra putak… eta horrelako beste hainbat. Gertatutakoa ez da soilik eraso bollofoboa, eraso lodifobo, matxista, putofobo, klasista, faxista izan da”, gaineratu dute.
Inguruan jende askok egoera ikusi arren, ez zutela babesik jaso ere aipatu dute. “Utzi Kursaala ortzadarrez margotzeari, ez izan erasotzailearen konplize, erantzun dezagun kolektiboki erasoen aurrean”, aldarrikatu dute. Hain juxtu, astearte arratsalde honetan protesta egin dute, “horrelako biolentziari irmo eta gogor” erantzuteko. Borroka transfeministan jarri dute indarra.
Bikote homosexualari harria bota diote Uribarri-Ganboan
LGTBfobiaren Aurkako Egunaren bueltan ere, halako erasoen berri ematen aritzea bada esanguratsua. Donostiako horrez gain, adibidez, beste eraso bat salatu dute egunotan Uribarri-Ganboan. Arroiabeko hondartza nudistaren inguruan, gizon bikote bati “marikoi zikina” oihukatu eta harria bota diete. Harriarekin gizonetako bat jo dute eta honek salaketa jarri du Ertzaintzan.
Ikusgune Gasteizko LGTBI+ Behatokiak urteroko txostena argitaratu du, 2021eko erasoen datuekin. 27 gertakari LGTBI+fobiko zenbatu ditu iaz, eta transfobiak eta gorroto diskurtsoak hazten jarraitzen dutela nabarmendu dute.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
LGBTIfobiaren Kontrako Egunean, kolektiboaren instrumentalizazioaz, gure gorputz, desira eta harremanak birplanteatzeaz, etiketez eta erasoez hitz egin dugu Ehgam Euskal Herriko Sexu Askapenerako Mugimenduko kide batekin. "Marika txuri naizen honek eskubide batzuk lortu... [+]
Euskal Herri osoko hiri eta herrietan egin dira mobilizazioak LGTBIfobiaren Aurkako Nazioarteko Egunean. Bilbon azken asteetan ezagutu diren hilketak izan dituzte bereziki gogoan.
Gaurko egunez 1990ean, Osasunaren Munduko Erakundeak erabaki zuen homosexualitatea "gaixotasun mental" gisa gehiago ez hartzea. Geroztik, egun hau erabili da salatzeko zer diskriminazio jasaten duten lesbiana, gay, bisexual, transgenero eta intersexualek. LGTBI... [+]
Francisaldia zikloa antolatu du Errenteriako Udalak, Francis trabesti homosexuala hil zuten eguna, LGTBfobiaren aurkako eguna eta sexu askapenerako eguna batuz. Herriko kaleak aldarrikapenez bete nahi dituzte, “pertsona guztiontzako gune seguruak eta askeak izan... [+]
Aimar Elosegi Ansa ‘Moio’ kalea inauguratu dute Hernanin maiatzaren 14an, LGTBfobiaren aurkako egunaren harira. Omenaldi xume eta hunkigarria egin diote Elosegiri, bere buruaz beste egin zuen gazte transexualari, eta eskerrak eman dizkiote transfobiaren aurka herria... [+]
Azken urteko datuak eman ditu Ikusgune Gasteizko LGBTI+fobiaren aurkako Behatokiak: gertakari gutxiago zenbatu dituzte Araban, baina gertakarien artean gora egin dute erasoek eta gorroto-diskurtsoek. Transexualen kontrako intzidentziak ere handitu direla salatu du Behatokiak.
Armairuaz, LGBT mugimenduan bizirik diren eztabaida eta borroka moldeez, sexu askapenaz, lumafobiaz, korronte erreformista eta erradikalaz, haurren identitatearen eraikuntzaz, espazio bizigarriez... aritu gara Hiruki Larroxa kooperatibako Egoitz A. Albeniz eta Ibai... [+]
ELAk gogoeta egingo du ekainaren 28an, LGBTIQ+ mugimenduaren sustrai antikapitalistak zaindu beharraz. Horretarako formazio jardunaldia antolatu du Iruñean.