Musuka ari ziren bi emakume Gasteizko taberna batetik kanporatu zituztela salatu dute
Gasteizko mugimendu transmaricabollo eta feministak eman du eraso lesbofoboaren berri. Azaldu du ez dela lehen aldia halakorik gertatzen dena eta hori salatzeko manifestazioa deitu dute gaur.
Larunbat gauean gertatu zen erasoa. Bi emakume musukatzen ari ziren Gasteizeko taberna baten barruan, bertako arduradunak bultzaka kanporatu zituenean.
Emakumeek salaketa jartzea erabaki zuten eta Ertzaintzaren egoitzara gerturatu ziren. Bertan jasotako tratua txarra izan zela eman dute aditzera. Izan ere, euren testigantza “kolokan” jarri zutela azaldu dute. Horrez gain, “gertatutakoa eraso bat ez zela izan” esan zietela ere azaldu diote ARGIAri Gasteizeko mugimendu transmaricabollo eta feministatik. Gaineratu dute ez dela egoera hori ematen den lehenengo aldia. Izan ere, udatik hona hiru bider salatu dute “Ertzaintzak txarto tratatu izana”.
Tabernako jabeari dagokionez, ez du adierazpen publikorik egin. Eta berarekin harremanetan ez direla jarriko adierazi dute salatzaileek. Gasteizeko Udaletik ere ez dute deirik jaso. Irabazi koalizioak publikoki eskatu zion Gasteizeko udalari erasoa salatzeko.
Gasteizeko mugimendu transmaricabollo eta feministak aditzera eman duenez, larunbatean gertatutakoa “askatasunaren kontrako eraso zuzena da”. Hori dela eta, manifestaziora deitu dute ostegunerako 20etan Gasteizeko Andra Mari Zuriaren plazatik abiatuta.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Larunbatetik iganderako gauean, jende gehiagorekin batera Hondarribiko jatetxe batetik ateratzen zelarik gizon bati beste batek iseka eta irain homofoboak egin zizkion eta jo egin zion aurpegian. Ertzaintzak erasotzailea izan daitekeena identifikatu du. Astearte arratsalde... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
50 apaiz gay italiarrek sinaturiko gutun irekiak hautsak harrotu ditu Eliza Katolikoan: ezin dutela beren sexualitateaz hitz egin, trabak jartzen zaizkiela eta seminarioetatik homosexualitatearen aurkako gorrotoa bultzatzen dela salatu dute.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.
Peppa Pig haurrentzako telesailean bi ama dituen hartzatxoa ageri da kapitulu berrietako batean, eta berau debekatzeko eskatu dio RAI telebista publikoari Fratelli D’Italia alderdi politikoak. Eskuin muturraren beste ateraldi bat da, bai, baina italiarrek gainean dituzten... [+]