Eraso egin diote Frankismoa ikertzen ari den abokatu baten bulegoari
Gustavo Garcia abokatuaren Vigoko bulegoa hankaz gora jarri, eta margoketa faxistak egin dituzte ezezagun batzuek, joan den igandean: "Gorriari tortura" eta "Gora frankismoa", besteak beste. Argentinak Frankismoko krimenen aurka aurkeztutako helegitean hartzen du parte Garciak, eta Fundacion Galega Contra a Impunidadeko kide da.
Horrez gain, bufetean svastikak egin dituzte. Baina ez hori bakarrik. Erasotzaileek koadroak zulatu, liburuak apurtu eta gelan zehar barreiatu dituzte. Txikitutako objektuen gainean, gorotza bota dute.
Alternativa Galega de Esquerda alderdiak erasoa eta “ixiltasun konplizea” salatu ditu. Ekintza “zitala” da, haren ustez: “Frankismoaren garaiak ekartzen ditu gogora eraso honek, bestelako ideiak defendatzea oso garestia izan zitekeen uneak”.
“Pasibitatea”. Hori da AGEk gainontzeko alderdiei leporatzen diena. Era horretan erasoei “zilegitasuna” ematen dietela deritzo.
Gertaeraren ingururko iritzia eskatu dio Espainiako Gobernuak Galizian duen ordezkariari. Izan ere, AGEren aburuz, “ez da ekintza isolatu bat”.
“Espainiako estatu osoan egiten dituzte eraso faxistak”, kritikatu dute.
Iruñea, 1939. Urte hasieran, hiriko zezen-plaza kontzentrazio-esparru modura erabili zuten frankistek. 3.000 gerra presorentzako edukiera izan zuen ofizialki; Nafarroan une horretan fronterik ez zegoenez, gerra presotzat baino errepresaliatu politikotzat jo behar dira han... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Gasteiztarrarekin bederatzi dira ihesaldian parte hartu zuten identifikatutako pertsonak. Guztira, Nafarroako DNA Bankua sortu zenetik 43 pertsonaren datuak lortu dituzte.
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
Migratzaile familia batek irekitako denda baten aurrean ikur frankistak jarri dituztela salatu du Zurekin Nafarroa ezker koalizioak. Fiskaltzari eraman dizkiote datuak, gorroto delitu bat egon daitekeelako pankarta horren atzean.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]