Eraldatuta dator Kilometroak jaia
Ohiko guneak goitik behera aldatu ditu Kilometroak jaiaren aurtengo edizioak, hitzaldiak ere antolatu dituzte urriaren 2 honetarako eta ezusteko bat baino gehiago prestatu dute. “Jai parte-hartzaileagoa” izango da, “aldarrikapenari toki handiagoa emango diona”.
Urriaren 2an, Ibarran ospatuko da aurtengo Kilometroak, Irribarra lelopean eta herriko ikastetxe bakarra, Uzturpe ikastola, gidari duela. 1970eko hamarkadan sortua, zailtasunez betetako bidea izan zela azpimarratu du ikastetxeko zuzendariak, jaiaren aurkezpenean. Gaur egungo zailtasunak ere kontatu ditu: ikastolako eraikina proiektu pedagogikora egokitzeko eraberritze lanetan, zimentuak ukitu ziren, istripuz, eta barrakoietara aldatu behar izan dira ikasle ugari, urte eta erdiz. Kanpo espazioa egin gabe gelditu zen eta “tamalez, patioa ez da jolastu, esperimentatu edo kirola egiteko toki aproposena, arriskutsua ere bada”. Kilometroak jaiaren dirua berau egokitzeko erabili nahi da.
Jai eredu berria ere izan dute aipagai aurkezpenean. “Ikastolen jaiak beti izan dira auzolan erraldoia, euskara eta euskal kulturaren plazak, gure proiektuari atxikimendua eta elkartasuna adierazteko ekimenak”, azaldu dute Kilometroak Kultur Elkartetik, jaiak biziko duen eraldaketan azpimarra eginez: “Jai parte-hartzaileagoa, aldarrikapenari toki handiago emango diona, tamainaz gureagoa” izango da, besteak beste.
Eredu berria
“Aurtengo aldaketa nagusietako bat, kultura kontsumitzeaz gain, hura esperimentatzea, bizitzea, parte-hartzea” izango da, antolatzaileen hitzetan. Eta islatuko da prestatu dituzten lau guneetan –aurten guneak ez dira tematikoki edo adinka bereiziko–: “Sormena” gunean, esaterako, tailer bidez eskulanetan edota bertsogintzan aritzeko aukera izango da, baita zirkoan, dantzan eta artisautzan sakontzeko ere. “Haurren hiria” gunean, Francesco Tonucci pedagogoaren filosofiari jarraiki, haurrak erdigunean jarri eta besteak beste “baso majikoa” prestatu dute, ipuinak, fantasia, irudimena eta abentura protagonista. Gipuzkoako 20 ikastolen arteko jolas-joko topaketa ere izango dute eta eguerdian, goizean zehar gazteek eurek kozinatutako jakiekin bazkaria eta kontzertu txikia egingo dute. “Euskal musikaren ibilbidea” eta “Gastronomia” guneek ere eskainiko dute esperimentatzeko aukerarik.
Eguerdiko 12:00etan, gune guztietan une horretan burutzen ari den ekitaldietan etena izango da eta “Txoria-txori” abestuko dute denek batera.
Hiru hitzaldi
Goizeko 10:45ean, gogoetarako parada izango da, hiru hitzaldiren bidez. Jakoba Errekondo eta Javi Rivero “Ama” tabernako sukaldaria tertulian jarriko dituzte, “Baratzetik gastronomiara: iraultza baterako gakoak” gaia abiapuntu. “Ekologista naiz, baina...” hitzaldi-partehartzailea gidatuko du Gorka Egiak, kontsumo ohiturez hausnartzeko. Nerea Mendizabalek, azkenik, “Familia gatazka eta estresaren aurkako pilulak” gaiari helduko dio.
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.
Kilometroak Ibarran ospatu dute urriaren 2an, "Irribarra" lemapean. Aurtengoaren berezitasuna izan da eremuak ez dituztela adinka bereizi eta ez dela kontzertuen gune bakar bat izendatu, eta jolas zein kirol aukera zabala izan dela. Horrekin, festa giro... [+]
Infinitu irribarra egitasmoa aurkeztu dute aurtengo Kilometroak Ikastolen aldeko festaren berrikuntza gisa: irribarrez ateratako argazkiak webgunera igotzera animatu dituzte herritarrak, irribarreen mapa bat osatzeko. Ibarran ospatuko den jaiari atxikimendua emateaz gain,... [+]
Nekane Artola Gipuzkoako Ikastolen Elkarteko lehendakariak hartu du gaur eguerdian (urriak 4) Kilometroetako lekukoa Zizurkilgo Joxe Arregi plazan, Zubimusu Ikastolako arduradunen eskuetatik. Gipuzkoako Ikastolen esku geratu da, beraz, 2021. urteko Kilometroak antolatzea... [+]
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Ikastolen Elkartearen Kilometroak egitasmoak eta Mintzola Ahozko Lantegiak antolatu dute beka hau lehen aldiz. 3.000 euroko diru-saria jasoko du hautatua izango den ikerlariak. Apirilaren 2 arte dago aurkezteko epea.
Kilometroak 2020 festa nagusia urrian izango bada ere, ikastola buru-belarri ari da urte osorako ekintzak antolatzen. Ekintza horietako bat Kilometroak txikia jaia izango da, eta igandean egingo dute, eskualdea girotzen hasteko.
Urriaren 6an izan da Ikastolen Elkarteak Gipuzkoan antolatzen duen Kilometroak jaiaren azkena, bai behintzat orain arteko moduan. Hurrengo urtekoa, Amasa-Villabonakoa, txikiagoa izango da eta parte-hartzea sustatuko dute.
Aurtengo Kilometroak jaia antolatzen ari den Zarauzko Salbatore Mitxelena ikastolan, bigarren ikasturtea du Birsortu proiektuak. 5 urteko haurren esperimentazioa eta imajinazioa bultzatzea du xede, baita bizikidetzaren parte diren konplizitatea, negoziaketa eta liskarrak lantzea... [+]
Antolatzaileak oso pozik agertu dira igandean Oñatin Kilometroak Jaiak eman duenarekin: "Egun biribila izan da, bikaina". Eta bertaratu diren guztiei eta eguna arrakastatsua izan zedin lan egin duten boluntario guztiei esker ona adierazi diete.
Ez zaio arrotza Kilometroen jaien prestaketa Oñatiko Txantxiku Ikastolari. 1989an egin zuten aurreneko aldiz, eta irailaren 24an bigarrenez hartuko du jaia herriak. Mende erdia bete du aurten ikastetxeak, eta berrikuntza pedagogikoaren zurrunbiloan iritsi da urtemugara.
Kilometroak'16 ospatuko dute igandean Bergaran, Aranzadi ikastolaren eskutik, Demasa lelopean. Gipuzkoako ikastolen jaialdiak 40. edizioa izango du aurtengoa.