Erakundeen gardentasunerako web atariak: nahikoa al dira demokrazian sakontzeko?
Azken urteotan, komunikazio eta informaziorako teknologien garapena baliatuz erakunde publikoek datu ugari paratzen dute euren atarietan gardentasunaren izenean. Baina nahikoa al da hori bestelako gobernantza eredu bat bultzatzeko? Aurtengo Euskarabildua jardunaldian Gobernu Irekietarako behar diren teknologien inguruan hausnartuko dute.
Barack Obamak 2009an Transparency and Open Government memoranduma aurkeztu zuenetik eta 2011n plazetan herri mugimendu berriak sortu zirenetik, tresna berritzaileen bidez informazio ugari zabaltzen dute erakunde publikoek euren atarietan.
Aitzitik, software librearen filosofiatik abiatutako doktrina edo “gobernu irekia” baterako beste osagai batzuk ere ezinbestekoak dira, Armel Lecoz eta Ciry Lageren diagramaren arabera: parte hartzea eta lankidetza. Eta inoiz baino informazio gehiago dugun arren, badirudi inoiz baina lotura txikiagoa dagoela erakunde publikoekin.
.png){kind=link}
Urriaren 25ean Donostiako San Telmo Museoan egingo den Euskarabildua jardunaldietan, gobernu ireki hori lortzeko behar diren teknologien inguruan hausnartuko dute hain zuzen. Besteak beste, hitz egingo dute Xabier Barandiaran filosofoak, Aragoiko Gobernuko Raul Olivánek –herrialde horretan sortu duten gobernu irekirako laborategiaz–, eta Errenteriako Udaleko Eñaut Graciak.
Iametza Interaktiboak eta Ametzagaiña Taldeak antolaturik, jardunaldietan garrantzia berezia izango dute herritarrek datu irekien gainean duten ardura eta erantzukizunari buruzko iritziek. Javier Bikandi Eusko Jaurlaritzako Irekia.eus atariko arduraduna arituko da gai horretaz, baita Deustuko Unibertsitateko Miren Gutierrez eta HirikiLabs-eko Ibai Zabaleta ere, nor bere eremutik.
Eta jakina, gardentasun eta parte hartze atari horietan euskararen presentzia zein den ere aztertuko dute. Eli Pombok eta Marko Txopiteak gure hizkuntzak halako teknologia libreekin duen harremanaz hitz egingo dute. Amaitzeko, bogan dagoen pribatutasun legeaz ariko da, bere aldetik, Biantik kooperatibako Ion Turrilas
Jardunaldietan izena emateko epea zabalik dago oraindik eta www.euskarabildua.eus atarian sartu besterik ez dago.
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak... Badirudi azken aldian Internetetik toxikotasuna baino ez dugula... [+]
Euskal Herriko hainbat zentro teknologikotako ordezkariek parte hartuko dute euskarazko ahots teknologiaren egoera eta etorkizuna aztertuko dituen mahai-inguruan, Jon Torner ARGIAko kazetariak gidatuta. Topaketa urriaren 17an izango da, Donostiako San Telmo museoan egingo den... [+]
EducaMadrid software librean oinarritutako hezkuntza plataforma 2002an jarri zen martxan Madrilgo Erkidegoan eta egun milioi bat erabiltzaile inguru ditu. Bertako kide Daniel Estebanek plataformaren aurkezpen praktikoa egingo du urriaren 17an Donostiako San Telmo museoan egingo... [+]
Belén Ivars Softcatalà-ko kideak, katalana Interneten eta teknologia berrietan sustatzeko lanean ari den irabazi asmorik gabe elkartearen jardunaren berri emango du urriaren 17an Donostiako San Telmo museoan egingo den Euskarabildua jardunaldian.
Maider Likona informatikariak gidatutako solasaldi baten bidez, Alexis Guirlé Izarralde taldeko zuzendariak eta Xabier Garmendia Abaila kooperatibako kideak datu zentro lokalak eskaintzen dituzten euren proiektuei buruz hitz egingo dute. Era berean, datuen kudeaketa... [+]
Marta G. Francok, Las redes son nuestras (Sareak gureak dira) liburuaren egileak, Internet deszentralizatua berreskuratzearen garrantziaz hitz egingo du urriaren 17an Donostiako San Telmo museoan egingo den Euskarabildua jardunaldian.
Manuela Battaglini datuen etikan eta pribatutasunean espezializatutako abokatua Inteneteko gobernantza ereduari buruz ariko da urriaren 17an Donostiako San Telmo museoan egingo den Euskarabildua jardunaldian.
Artifiziala ez den teknologia izango du goiburutzat Iametza komunikazio enpresak, ARGIA eta Ametzagainarekin elkarlanean, antolatu duen Euskarabildua jardunaldiaren 13. edizioa. Teknologiaren erabilera "etikoagoa, iraunkorragoa eta bideragarriagoa" aldarrikatuko dute,... [+]
Aurtengo Euskarabildua topaketa teknologikoa (iAmetzak antolatzen duena urtero) urriaren 17an izango da Donostian, San Telmo Museoan. "Artifiziala ez den teknologia" jarri diote goiburu gisa, adimen artifizialaren oldarraldi garai honetan "inoiz baino... [+]
Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]
Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.
Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.
Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]
Herritar gehienontzat hiru kontzeptuek esanahi bera izan ohi dute: teknologia burujabetza eta software librea sinonimoak dira, baita librea izatea eta kode askekoa izatea ere. Baina nahiz eta harremana duten kontzeptuak izan, ez dira gauza bera.