Erakunde armatuko kidetza delitua kendu diete Causa Galizako bederatzi auzipeturi
Guardia Zibilak polizia operazio egin zuen 2015ean, Causa Galiza erakunde armatu baten “beso politikoa” zela argudiatuta. Espainiako Auzitegi Nazionalak akusazioa beheratu die orain, eta terrorismoa goratu izana leporatzen die militante independentistei. Causa Galizak adierazi du ebazpen berriak operazioaren oinarri politikoa agerian uzten duela, eta bere proiektu independentistaren alde lanean jarraituko duela.
Causa Galiziak berak jakinarazi duenez, atzera egin du Espainiako Auzitegi Nazionalak erakunde armatuko kidetza delitua egozten zien bederatzi militante independentisten aurkako akusazioan . 2015eko urrian eta Jaro Operazioaren barnean, Guardia Zibilak polizia operazioa egin zuen Galizia osoan. Eloy Velasco epaileak terrorismo delitua egotzi zien atxilotuei, eta Causa Galizaren jarduna debekatu zuen behin-behinekoz. Causa Galizari erakunde armatu baten “beso politikoa” izatea leporatu zion epaileak, eta bederatzi independentistei erakunde horrentzako propaganda eta komunikazio lanak egitea.
Pixkana, ordea, orduko akusazioetan atzera egin du Auzitegi Nazionalak. 2016ko abenduan Causa Galizaren jarduna berriz ere baimentzea erabaki zuen salbuespen epaitegiak. Hilabete honen hasieran, bederatzi independentisten aurkako akusazioa aldatu du: erakunde armatuko kidetza delitua alboratu eta terrorismoa goratzea leporatzera pasa da. Hain zuzen ere, hori da Jaro II operazioan atxilotu zituzten Ceivar antolakundeko kideei egozten dieten delitua. Orain, hamabi akusatuen aurkako kausa sumario bakarrean bateratu dute.
Causa Galizak adierazi du hurrengo egunetan Auzitegi Nazionalak ebazpen berria emango duela sumario honen inguruan. Ebazpen horrek “kausaren artxibatze definitiboa” ekarri dezake, edo “atxilotutako independentista guztien edo haietako batzuen” prozesatzea.
Independentziaren aldeko lanean jarraituko du
Erakunde independentistaren irudiko, ebazpen judizialak arrazoia eman dio berak urteetan defendatutakoari: “Causa Galiza ez zen 'beso armatu' bat, eta bere militanteak ez zeuden jarduera ilegaletan murgilduak”. Jaro operazioarekin Guardia Zibilak “proiektu politiko” bat desegin nahi izan zuela salatu du, “Galiziarentzako proiektu kolonialaren antipodetan egote soilagatik”.
“Egitasmo politiko independentista bat, masa bokazioa duena, egunerokoan eragiteko gaitasunarekin. Independentziaren alde egiten duten eta erregimen autonomikoaren aurka dauden sektore herritarrak antolatzeko gaitasuna izango duena”, adierazi dute.
BNG alderdiak deituta, Galiziako Aberri Egunean egin dute ekitaldia. Igandean, “mugarik gabeko” nazioaren aldeko deia zabaldu dute, “politika berde eta feminista” eraikitzeko asmoz.
Causa Galiza eta Ceivar antolakundeetako hamabi militante independentista epaitu dituzte Madrilgo Auzitegi Nazionalean, legezkoak eta publikoak izan diren jardueretan oinarrituz terrorismo delituak egotzita. Fiskaltzak 102 urteko kartzela zigorra eskatzen zuen denera, baita bi... [+]
Urriaren 19an makroepaiketa bat hasiko da Madrilgo Auzitegi Nazionalean. Hiru egunez Causa Galiza eta Ceivar antolakundeetako hamabi militante independentista epaituko dituzte, terrorismo delituak egotzita, legezkoak eta publikoak izan diren jardueretan oinarrituz. 102 espetxe... [+]
Akusatuen zigorraz gain, bi plataformen disoluzioa eskatu du auzitegiak. Terrorismoaren goratze delituak egin dituzten erakundeetan parte hartzea leporatzen diete. Akusatu bakoitzarentzat lau eta hamabi urte arteko espete zigorrak eskatu du Fiskal Nagusiak.
Espetxeetara Martxaren hamahirugarren edizioa berezia izan da Galizian. Lehendabiziko aldiz, partaideek ez dute urruneko espetxeetara bidaiatu beharrik izan preso galiziar independentistei berotasuna helarazteko. Borrokan jarraitzeko deia luzatzen dute presoen aldeko... [+]
Datorren larunbatean aurkeztuko dute ekimena Santiago de Compostelan. Kataluniako Òmnium Cultural elkartearekin antzekotasunak dituztela adierazi dute sortzaileek.
Galiziar preso independentisten senide eta lagunak biltzen dituen Que voltem para a casa! elkarteak deituta, dispertsioa salatzeko Marcha às cadeias izeneko martxa egingo dute Espainiako Estatuko hainbat espetxetara, otsailaren 3an eta 4an.
Espainiako Auzitegi Nazionalak zazpi urte eta sei hilabeteko espetxe zigorra ezarri dio Raul Agulheiro galiziar militante independentistari, defentsak, fiskaltzak eta Estatuko Abokatuak akordioa lortu eta gero. Fiskaltzaren hasierako zigor eskaria 29 urtekoa izan zen. 2014an... [+]
Jarduna urtebetez etetea agindu dio Espainiako Audientzia Nazionalak Causa Galizari, “prebentzio neurri” gisa. 2015eko urriaren 30ean Causa Galizako 9 kide hartu zituzten atxilo, “komunikatuak hedatzea, terrorismoa goratzea eta Exercito Guerrilheiro do Povo... [+]
Joan den urriaren 30ean Causa Galizako bederatzi militante atxilotu eta gero, espainiar Auzitegi Nazionaleko Eloy Velasco epaileak galiziar talde independentistaren aktibitatea bi urtez eteteko agindua eman zuen. Urtarrilaren 24an manifestazioa egin zuten Santiago de Compostelan... [+]
Goizean goiz hasi du Guardia Zibilak "Resistencia Galegaren inguruaren aurkako" operazioa. Poliziako iturriek esan dutenez bederatzi lagun atxilotu dituzte, den-denak Causa Galiza talde independendistako kideak, "terrorismoa goratzea" eta "Resistencia... [+]