Eraikinik gabe utzi zuten Ziburuko Kaskarotenea ikastolak hamar urte bete ditu
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera egitea lortu du, hamar urte betetzeraino. Apirilaren 29an ospatuko dute.
2014ko ekainean zabaldu zen albistea: Ziburuko Herriko Etxeak erabaki zuen Kaskarotenea ikastolarekin zuen akordioa ez berritzea. Ondorioa: ikastola lurrik eta eraikinik gabe geratuko zen. Baina hainbat gurasok abiatutako proiektuari eutsi eta eraikinean jarraitzea erabaki zuten, beste alternatibarik eskaini ezean. Guy Poulou auzapezak epaitegietara eraman zuen kasua, eta ikastolak auzia irabazi zuenean, Paueko Auzitegira jo zuen auzapezak; bigarren horretan, Poulouren aldeko epaia eman zuten.
Hala, 2014ko irailean trabaz betetako bideari ekin zion ikastolak: eraikinetik botarazteko, argindarra moztu zien auzapezak –linterna eta kandelekin jardun behar izan zuten–, bertan jarraitzen zuten egun bakoitzeko 100 euroko isuna ezarri zieten, Polizia bidaltzearekin mehatxatu zituzten…
Txanponaren beste aldean, Euskal Herri osotik elkartasun uholdea jaso zuen Kaskaroteneak eta manifestazio jendetsua egin zuten Ziburun bertan, azaroan. Garbi azaldu zuen ikastolaren orduko lehendakari Laida Mujikak: "Ziburun ez gara hamar familia bakarrik, gure gibelean da Euskal Herri guztia”.
Garbi azaldu zuen ikastolaren orduko lehendakari Laida Mujikak: "Ziburun ez gara hamar familia bakarrik, gure gibelean da Euskal Herri guztia"
2015 urte hasieran, egoerari buelta ematea lortu zuten: Seaskak lur eremu bat erosi eta beste eraikin batean ekin zioten irakasle eta ikasleek. 15 haur ziren denera. Borroka horren guztiaren fruituak nabariak dira: 70 ikasle ditu gaur egun Ziburuko ikastolak. “Azkenean, gure ikastolak irtenbide duin eta iraunkor bat berreskuratu du, burasoen zorroztasunari eta Euskal Herri osotik jasotako elkartasunari esker”, kontatu dute Kazeta.eus-en. Gainera, Herriko Etxearekin nabarmen hobetu dute harremana.
Apirilaren 29an, ospakizuna
Hilaren 29an egingo ditu hamar urte ikastolak, eta egitaraua prest dute dagoeneko. Goizeko 11:00etan hasiko dute ospakizuna, Pontx pailazoarekin. Aperitifa, herri kirolak, animazioak, bazkaria, euskal kantak eta kontzertuak izango dira ondoren.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Astelehen gauean su hartu du Donamartiriko (Nafarroa Beherea) ikastolako eraikin batek. Ez da zauriturik izan, baina kalte material handia eragin du suteak.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]