Eragile andanak deitu du euskalgintzak Baionan antolaturiko manifestaziora
Larunbat honetan iraganen da manifestazioa Baionan, Azterketak euskaraz! eta Euskarari trabarik ez! leloak lehen lerroan jarriz. Hitzordua 17:00etan Suprefetura aitzinean jarri dute.
Euskal Konfederazioa, Seaskako ikasle, irakasle eta gurasoak, Euskal Herrian Euskaraz, Ipar Euskal Herriko euskal komunikabideak, Gazte Euskaltzaleen Sarea, Iparra Hegoa, LAB sindikatua, EAJ, EH Bai... eragile andanak bat egin du apirilaren 22 honetan Baionan jarritako hitzorduarekin.
Azterketak euskaraz egitearen aldarrikapena ezarri dute lehen lerroan euskalgintzako eragileek, baina orokorragoa izanen da aldarria: euskaraz duintasunez eta trabarik gabe bizitzea. Lapurdi, Nafarroa Beherea eta Zuberoako euskalgintzako eragileak biltzen dituen Euskal Konfederazioak euskara sustatzeko hizkuntza politika eraginkorra eskatuko du beste behin eta gaur egungoa hobetu beharra azpimarratu dute: "Hizkuntza politika blokeatua da. Euskararen Erakunde Publikoa tresna bat da, baina ez du baliabiderik bere lana egiteko", Peio Jorajuria Seaskako lehendakariaren hitzetan.
EEPren aurrekontua ahulegia izanik, ez daiteke hizkuntza politika eraginkorrik bideratu, eta gainera, euskararen alde ari diren eragileentzako diru-laguntzak ere eskasak direla dio konfederazioak: "Zer etorkizun du hizkuntza politikak berau biziarazten duten elkarteek behar bezala ibiltzeko baliabiderik ez badute?", galdetu zuen Euskal Konfederazioko Sebastien Castetek martxoan egindako prentsaurrekotik.
Euskalgintzako egiturak "prekaritatean"
Izan Aek, Uda Leku, euskarazko komunikabideak ala beste, Ipar Euskal Herriko euskalgintzako eragileak baldintza kaskarretan doaz aitzina. Batetik hizkuntza ez delako ofiziala eta pairatu diglosia bortitza delako, eta bestetik, euskararen aldeko hizkuntza politika eraginkorrik ez delako. Egoera hori salatzeko hitzordua izanen da larunbateko Baionako manifestazioa.
Seaskako ikasleak ere aritu dira modu askotan protestarako deia zabaltzen. Besteak beste, Baionako Estitxu Robles kolegioko 22 ikasle eta lau irakasle asteartean abiatu ziren Bordeletik Baionara: 200 kilometro bizikletaz, larunbateko manifestaziora iristea helburu. Bideo bidez ere dabiltza giroa berotzen:
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Aurreko edizioetako esperientziak oinarri hartuta, antolatzaileek “Euskaraldia gaindituko duen Euskaraldia” egitea proposatu dute. Iruñean, Nafarroako Antzerki Eskolan, aurkeztu dute 2025eko maiatzaren 15etik 25era egingo den Euskaraldiaren laugarren edizioa.
"Euskaldunentzako Jabetze Eskola. Menpeko perpausa izateari uzteko langintzak" eskola antolatu da Gasteizen Izaskun Arrue Kulturguneko (IAK) programazioaren barruan eta UEUren laguntzarekin. Eskolaren dinamizatzailea da Manex Agirre Arriolabengoa (Aramaio, 1982)... [+]
Gasteizko Izaskun Arrue Kulturguneak (IAK) eta UEUk elkarlanean Euskaldunentzako Jabetze Eskola martxan jarriko dute, euskaldunok ahaldundu, eta ondorioz, jendartea eraldatzeko asmoz. Aurkezpen hitzaldia urriaren 30ean egingo du Garikoitz Goikoetxeak. "Hizkuntzaren... [+]
Euskalgintzaren Kontseiluak antolatutako "Ongi etorri Euskararen Mundura" jardunaldiak izan dira Gasteizen ostegunean eta ostiralean. Egun bi bete-beteak, eta mahai gainean Euskararen normalizazio prozesuan euskal herritar berriak integratzeari buruzko praktikak... [+]
Euskal Herrian Euskarazek manifestazio nazionala deitu du abenduaren 7an. "Hizkuntza larrialdiaren aurrean Euskararen Errepublika eraikitzea beharrezkoa" dela aldarrikatu du mugimendu euskaltzaleak. Mundu mailako eskuin muturraren hazkundeari “euskaratik eta... [+]