Bizkaian eta Gipuzkoan egin bezala, EAEko estatus politiko berriak Euskal Herria nazio gisa aitortzea eta erabakitzeko eskubidea jasotzea eskatu dute Arabako Batzar Nagusietan alderdi abertzaleek.
Asteazkenean Arabako Batzar Nagusietan egindako bilkuran, beste behin EH Bilduk eta EAJk bat egin dute erabakitzeko eskubidea eskatzeko, aurretik Gipuzkoan eta Bizkaian egin bezala.
Euskal Autonomia Erkidegoko estatus politiko berriak erabakitze eskubidea jaso eta gainontzeko euskal lurraldeekin harremanak estutzeari buruzko eztabaida izan dute batzar nagusietan, eta mozioari jarritako erdibideko zuzenketak EH Bilduren eta EAJren aldeko 28 boto jaso ditu; kontra, berriz, PSE, PP eta Voxen hemeretzi boto izan ditu; eta bi abstentzio, Elkarrekin Podemosenak.
"Demokratikoki adierazitako herritartasun askea erabakitzeko eskubidearen bitartez azaleratzen da"
Onartutako testuak dio estatus politikoaren elementu zentral bat "Euskadi nazio gisa aitortzea" izan behar duela, eta era berean erabakitzeko eskubidea ere aipatzen du: "Demokratikoki adierazitako herritartasun askea erabakitzeko eskubidearen bitartez azaleratzen da".
Nolanahi ere, estatuarekiko harremanak "aldebikoa" izan behar duela dio EAJren eta EH Bilduren artean adostutako mozioak: "Elkarren arteko aitorpenean oinarrituko da eta berezko gaien berezitasunak babesteko eskumen eta beharrezko tresnak izango ditu".
EAJko batzarkide Iñaki Ruiz de Galarretak esan du Gernikako Estatutua "osorik" beteta egon beharko lukeela aspaldi eta bere alderdiak "eskumen bakoitza transferitzeko egindako borroka" gogoratu du.
EH Bilduko Eva López de Arroyabek, berriz, ohartarazi du "baldintza berriak sortzeko abagunea" dela honakoa, eta horregatik iritsi nahi izan dutela gehiengo bat sinbolizatzen duen akordiora.
Mozioaren kontra azaldu dira PSE, PP eta Vox. Sozialisten hitzetan Gernikako Estautuaren babesle izan dira "beti", baina ez da "gizartea hautsiko duen abentura independentista" batean sartuko. PPk ere "abentura independentista" deitu dio ekimenari, eta Voxek "Espainia hautsiko" duela esan du.
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Bere burua 2027ko Frantziako Estatuko presidentzialetako garaile gisa irudikatzen duena –Marine Le Pen– gogorki zigortu du Parisko Auzitegi Korrekzionalak, lau urteko kartzela-zigorra, 100.000 euroko isuna eta batez ere, bost urtez aurkezteko debekua bideratuta. Tonu... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
