Erabakitzeko eskubideak ez du mugarik
Muga administratiboen gainetik, erabakitzeko eskubidea aldarrikatzen duen herri bat garela irudikatu dute Irun, Hendaia eta Hondarribiko herritarrek. Hiru herriotatik abiaturiko martxek bat egin dute amaieran, eta eskualde honetan ere herri galdeketak egiteko "akordioak eta baldintzak" adosten hasiko direla iragarri dute Gure Esku Dagoko kideek.
Santiagoko zubitik sartu da Hendaiako martxa Irunera, herri bera garela eta erabakitzeko eskubideak mugarik ez duela adieraziz. Festa giroan egin dituzte hiru martxak eta Irungo Zabaltza plazan batu dira.
1.500 bat lagun bildu dituen ekitaldian, herritarrekin batera koloretako eta mezuz betetako hautetsontzi erraldoia izan da protagonista. Gure Esku Dagok daraman ibilbidearen errepasoa egin du Zelai Nikolas bozeramaileak, eta etorkizunean ere jarri du begirada, Euskal Herriko txoko ugaritan iragarri baitituzte dagoeneko herri galdeketak. Ekimenaren eskualdeko eragileek ere hartu dute hitza eta jakinarazi dute akordioak eta baldintzak abiatuko dituztela, bertan ere herri galdeketak egin ahal izateko.
Nafarroan eta Bizkaian, galdeketa gehiago
Asteburu berean, herri galdeketetarako hainbat hitzordu ezagutarazi dituzte. Nafarroan, udazkenetan Bakaikun egingo dute erreferenduma, eta 2017ko udaberrian, beste hamabost herritan: Altsasu, Lakuntza, Larraun, Lekunberri, Leitza, Areso, Goizueta, Arano, Lesaka, Bera, Etxalar, Igantzi, Arantza, Araitz-Betelu eta Irurtzun.
Bizkaian, Lea-Artibaiko sei herrik jakinarazi dituzte galdeketak, datorren udaberrirako: Aulesti, Etxebarria, Lekeitio, Markina-Xemein, Mendexa eta Ondarroa.
Txingudiko martxen argazkiak:
.jpg)
Lapurditik Gipuzkoara igarotzeko unea, Santiagoko zubitik (arg: Pepe Aizpuru).
.jpg)
Martxetako bat, Hondarribiko kaleetan barna (arg: Gure Esku Dago Irun).
.jpg)
Hautetsontzi erraldoia, Irungo Zabaltza plazan (arg: Angula Berria).
.jpg)
(arg: Gure Esku Dago Irun).
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]
Higer lurmuturretik Creusera, Atlantikotik Mediterraneora, 300 gailurretatik igarota Euskal Herria eta Katalunia batuko dituen argi-lerro baten bidez herrien autodeterminazio eskubidea aldarrikatuko dute Pirinioetako Bidea ekimenean.
Lehenik, gure errespetua eta begirunea adierazi nahi diegu Koldo Mitxelena berari eta haren senide eta gertukoei. Ez baitu atsegina izan behar, haren izena daraman kultur guneak horrelako kulturaren ikuspegi hertsi eta zentsuratzailearen gune bilakatuta ikustea.