Joste Eguna ospatuko dute herri eta auzo ugaritan Gure Esku Dagoko lantaldeek. Ekainaren 21ean eginen duen ekitaldi nagusiaren aurrekaria izateko asmoa du: “Orain arte bildutako oihal zatiak josteko eguna izango da”.
Irailean Ficoban aurkezpena egin zutenetik gaur egun arte, dinamikak izan duen hedapena “izugarria” izan dela nabarmendu du Ainhoa Mendibil Gure Esku Dago-ko kideak: “Joan den urtearekin alderatuz, dinamika sendotu egin da”. Bereziki Nafarroako Erriberan eta Iruñerrian, zein Arabar Errioxan talde ugari sortu direla azpimarratu du Mendibilek. Era berean, Iparraldean lantaldea sortu izana ere nabarmendu du: “Ekaineko ekimenerako baino, dinamika garatzera begira sortu dute. Dagoeneko bi bilera egin dituzte”.
“Herri askotan aurkezpenak egiten ari dira eta pixkanaka hiriburuetan lokalak irekitzen ari gara”, adierazi du Mendibilek. Martxoan Gasteizko egoitza aurkeztu zuten eta Bilbokoa aurkeztu zuten. Ostiralean, berriz, Donostiakoa aurkeztuko dute.
70 ekimenetik gora antolatu dira ostiralean hasi eta igandea bitartean. Euskal Herrian ez ezik, New York-en eta La Platan ere ospatuko da Joste Eguna. Kontsultatu hitzorduak herriz herri.
Jostunak dokumentala
Abenduan aurkeztu zuen GEDk ordura arte dinamikak izandako ibilbidea biltzen duen dokumentala. Dagoeneko 120 emanalditik gora egin dira.
“Dokumentala egitean konturatu ginen dinamika oso-osoa sartu nahi bagenuen bost ordu baino gehiagoko dokumental bat aterako zela”, azaldu du Gure Esku Dagoko kideak. Horregatik ‘Jostunak +’ aurkeztu dute. Dagoeneko hiru jostunen testigantzak sareratu dituzte.
Dinamikaren webgunean atal berezi bat eskaini diote dokumentalari. Horrez gain, Euskal herriko herri eta auzo ugaritan eginen dituzten ekimenak jasotzen ari dira bertan.
Elkarlanean garatzen ari diren proiektua da, izan ere, EHU eta MUko ikasleak dira erabakitzeko eskubidearen aldeko dinamikan praktikak egiten ari direnak.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]
Higer lurmuturretik Creusera, Atlantikotik Mediterraneora, 300 gailurretatik igarota Euskal Herria eta Katalunia batuko dituen argi-lerro baten bidez herrien autodeterminazio eskubidea aldarrikatuko dute Pirinioetako Bidea ekimenean.
Lehenik, gure errespetua eta begirunea adierazi nahi diegu Koldo Mitxelena berari eta haren senide eta gertukoei. Ez baitu atsegina izan behar, haren izena daraman kultur guneak horrelako kulturaren ikuspegi hertsi eta zentsuratzailearen gune bilakatuta ikustea.