EPPKren komunikatuari buruzko zenbait ohar eta bestelakoak
EPPK preso politikorik gabeko Euskal Herriaz mintzatzen da. Gezurra dirudi, Euskal Herriaren askapen nazional eta sozialaren alde bizia arriskuan jarri duen kolektibo politikoak halako maxima aldarrikatzea, hau da, preso politikorik ez egotea, gutxienez film yankietan agertzen den bizikidetza bezalakoa, baina oso antzinako filmetan. Argi dago, gure helburuak lortu ezean, beti egongo da euskal preso politikorik.
Bere ordezkaritza politikoak, dena errazago izan zedin, espainiar eta frantses sisteman sartzea erabaki zuen, baina halako planteamendua da, hain zuzen ere, gure nazio eta klase etsaiari interesatzen zaiona. Hemen ez dago klase borrokarik, ez eta, Euskal Herriaren okupaziorik. Elkarren errespetua izan dezagun, presoak kalera, baketan bizi gaitezen eta, hala, mundu askea lortuko dugu.
Saiatu eta frogatu den bezala, historiaurreko pentsamoldea: nazio eta klase helburuen maila jaitsiz gero, “beste sektore batzuk” erakarriko ditugulakoan, ez dakigu ondo zertarako.
Amore ematearen atzean ez dago ezer, Euskal Herria independente eta sozialista izateko aukerarik gabe uztea besterik ez. Hain da handia kontua non, harroputz batzuek barre egiten dioten halako aldarrikapenaren aurrean erakutsitako konfiantza engainagarriari. Bai tristea burokratek, ahoberoek eta sozialdemokratek saldu eta beste batzuek erosten dutena, hau da, behekoentzat nahikoa den eta, gainera, goikoek oparitutako mundu idealarekin amets egiten.
"Euskal lurretan kokaturiko espainiar espetxeetan hil egiteaz gain, erail egiten da modu gupidagabean Espainiako kartzeletan bezalaxe. Euskal borrokalarien heriotzak ez du mugarik"
EPPKk eusten dio, premiazko neurri gisa, euskal preso politikoak Euskal Herriko espetxeetara hurbiltzeko aldarrikapenari, hori baita espainiar estatua gaur gaurkoz bere gain hartzeko prest dagoena.
Konbentziturik gaude euskal preso politiko asko ez datozela bat idazkiaren edukiarekin (azken urteotan EPPKk idatzitako beste askorekin bezala). Antza denez, Independentzia eta Sozialismoaren alde egindako borroka akats bat izan balitz bezala.
Estatu kapitalistak bere esku duen tresna errepresibo batek Igor González Sola erail eta gero, Euskal Herria okupatzen duen estatuetako baten mendekua eta gaitasun demokratikorik eza aipatzeak sutu egiten gaitu, eta, horrez gain, Frantzia errugabetzat jotzen da.
Hitz gogorrak izango dira batzuentzat, baina Sortuk, EH Bilduk eta gainerako egiturek eztitu baino ez dute egiten Euskal Herriarekiko agresioa, oro har, eta preso politiko (direnak) eta Euskal Herri langilearekikoa bereziki.
Preso politikotzat ez hartzea aurpegiratzen diote estatuari edo haren instituzio koertzitiboari. Datu aipagarri gisa, Igorren “suizidioaren” albistea argitaratzeko, Berria eta Naiz/Gara komunikabideek Igor euskal presoa zela aipatu zuten. ‘Ahazturik’, beraz, politiko terminoa. Era berean, ez zen agertzen Etxeraten euskal preso politikoen zerrendan. Bai izugarria!
Arestian esandakoa kontuan edukita, berezko duen engainu eta oportunismoarekin eta euskal sozialdemokraziaren erakunde-egituraren jabe gisa, Sortuk dio Igor euskal preso politikoa dela. Horri nagusikeria eta lotsagabekeria politikoa deitzen zaio, normalki, klase eta nazio interesak alde batean uztearekin lotuta egon ohi direnak, sozialdemokraziaren ezaugarri propioa. Sortuk ez du ezer berririk asmatu, langile klasearen traidoreek aurretik hainbat lurraldetan asmatutakoa edo praktikan jarritakoa izan baita.
Presoak Euskal Herrira. Euskal lurretan kokaturiko espainiar espetxeetan hil egiteaz gain, erail egiten da modu gupidagabean Espainiako kartzeletan bezalaxe. Euskal borrokalarien heriotzak ez du mugarik. Okupatzen gaituzten estatuetako indar militarrek, indar mertzenarioek, hainbat tresnak, adibidez, kartzelek… erail egin dituzte.
Orain, magia erabiliz, EPPKk ez du Autodeterminazioaren aldarrikapenik egiten (obedientzia estataleko ezker gehienak oraindik eskatzen dutena), bai egiten du, ordea, Independentziarena eta, era berean, Amnistia aldarrikatzen du, kontrakoa onartu arren, modu horretara, bidea guztiz galarazita edukiz. Izugarrizkoak dira euskal sozialdemokraziaren gutizia eta miseria oportunistak, Ezker Abertzale Ofizial eta Erreformistaren buruzagitza gorena den heinean.
Euskal Herriko Amnistia, Independentzia eta Sozialismoaren alde!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]