EPPK-k berretsi du “denen sufrimendua” amaitzeko urratsak emateko prest dagoela
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.
Euskal Preso Politikoen Kolektiboak (EPPK) astelehenean kaleratutako ohar batean berretsi du euren “betekizunik handiena” dela denen sufrikarioa amaitzea, eta horretarako pausoak emateko konpromisoa hartu du. “Mendekuan eta salbuespen legerian oinarritutako kartzela politikak indargabetu gabe segitzen duen arren”, gogorarazi dute. “Beste batzuek badute ere gure ziegen giltzarrapoen giltza, gure borondateak ez du hutsik egingo”. Preso guztiak etxeratzeko bidean urtarrilaren 7an Bilbon egindako manifestazio jendetsua eskertu du, eta ohartarazi egun hartan erakutsi zela “herri gogoa” dagoela sufrimendua amaiarazteko.
Apirilaren 17a Preso Politikoen Nazioarteko Eguna denez, EPPK-k probestu du haiei elkartasun mezua helarazteko: “Besarkada beroena bidali nahi diegu zapalkuntzari aurre egiteagatik eta askatasunaren alde borroka egiteagatik munduan gatibu diren militante iraultzaile guztiei, kasu ia denetan oso baldintza gogorretan”.
EPPK-ko kideen kasuan, kolektiboak baieztatu du urruntze eta sakabanatze politika amaitzea “luzaz itxarondako albistea” izan dela, sufrikarioa besterik ez duelako ekarri urte luzeetan. “Eskubideak urratzeko presoon babesgabetasuna indartu du eta gure senideak gupidarik gabe zigortu ditu”, salatu du. Isolamenduaren ondorioz errepideetan hil diren senitartekoak ere oroitu ditu.
Sufrimendua amaitzea xede
Datozen urteetarako helburu argia nabarmendu du: “Aurreko zikloaren ondorioak gainditu eta sufrikarioa amaitzea”. Sufritu duen ororen mina ahal bezainbeste arintzeko konpromisoa adierazi du EPPK-k. Agirian azpimarratu du denen eskubideak errespetatzeak Euskal Herriarentzat egoera onuragarria sortuko lukeela, “baita etorkizunari begira dituen erronka politiko eta sozialei aurre egiteko ere”.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.