EPOA Bilbon bilduko da, LGTB+ mugimendua eta ehundik gora eragile kalean bizkarrez dituela
European Pride Organisers Association-ek (EPOA) Bilbon egingo du bilera irailaren 19tik 23ra bitartean. Harro! Plataformak mobilizazioa deitu du irailaren 21ean, LGTBI+ borroka ez dagoela salgai adierazteko. 120 eragiletik gora batu dira deialdira.
2022ko EuroPride jaialdia zein hiriburutan burutu erabaki asmoz bilduko da EPOA bizkaiko hiriburuan, Bilboko Udalak eta Bizkaiko Foru Aldundiak bilera bertan egiteko proposamena egin ondotik –70.000 eurotik gora bideratu dituzte bilerarako–. Bilbo hautagaien artean ez badago ere, “elkarte honek defendatzen duen eredu asimilazionista eta merkantilistari aurre egiteko beharrean” ikusi da LGTBI+ mugimendua, eta helburu horrekin mobilizazioa deitu du Harro! Plataformak. Harro ez da €uroPride! Gure izenean ez! lemapean abiatuko da manifestazioa Bilboko Arriaga plazatik, 17:30ean.
“Neoliberalismoak LGTBI+ borrokarekiko duen estrategiaren” baitan kokatzen du bilera plataformak, Euskal Herrian hedatzen ari den estrategia, beren hitzetan. Nazioarteko egitasmoak antolatzeko saiakeretan bakarrik ez, beste hainbat kontutan ere antzeman daitekeela adierazi dute, adibide gisa jarriz gayentzako hotelen irekierak edo zenbait LGTBI+ elkartek instituzioetan daukaten hegemonia.
“Harro! Plataforma osatzen dugun LGTBI+ elkarteok kezkatuta agertzen gara instituzioak, LGTBI+ elkarte batzuen laguntzarekin, inposatzen ari diren ekimen hauen aurrean. Gure izena erabiltzen dute; lesbianen izena, maritxuen izena eta trans pertsonena, bazterretatik ateratzea lortu ez duten beste kolektiboekiko aplikatzen diren politika baztertzaileak estaltzeko”, salatu dute manifestaziora deituz publiko egindako idatzian. “Instituzioek jendarte eta hiri eredu baztertzaile, elitista eta kapitalista sustatzen duten bitartean, irekitasun eta tolerantzia irudia sortzeko” beren kolektiboa erabiltzen ari direla salatu dute.
Aipatu estrategiak turismo eredu txikitzailearekin duen lotura estua ere seinalatu dute, eta horrek hiriak “eskaparate huts” bilakatzen dituela salatu: “Alegia, parekidetasun eza, prekarietatea, pobrezia, bazterketa estaltzen duten parke tematikoetan”. Ildo horretan, argi utzi dute ez dutela prekarizatzen eta gentrifikatzen duen gay-friendly turismoa nahi: “Ez gure izenean. Ez dugu onartuko gu marka batean bihurtzea!”.
“Borroka bat onura ekonomiko eta interes politikorako xurgatzeko saiakera ez da berria, ez gure ez beste mugimenduetan ere”, azpimarratu dute. Horren jakitun, neoliberalismoaren aurrean zutik dirauten eragile sozial eta kolektiboekin sareak eta aliantzak ehuntzeko nahia agertu dute. Borroka intersekzionala dela argi dute, eta hargatik kapitalismoaren aurkako fronte guztien batasunera deitu dute manifestazioari dagokionez.
Gehiengo sozialaren atxikimendua
Sareak eta aliantzak ehuntzeko asmoari gogo onez erantzun die hainbat eragilek: EPOAren bisitaren ataritan, plataformak 120 eragile baino gehiagoren atxikimendua jaso du, manifestazioarekin bat eginez. “Gehiengo soziala kalean egongo da. Gehiengo soziala Harro! Plataformatik irailaren 21ean arratsaldeko 17.30ean Arriagatik abiatuko den manifestazioan egongo da”, adierazi du plataformak.
Euskal Herriko transmaribibollo kolektiboen gehiengoa, Espainiako Estatuko zenbait transmaribibollo kolektibo, mugimendu feminista, gazte eta ikasle mugimenduak, okupazio mugimendua zein sindikatu guztiak manifestazioan egongo direla jakinarazi du plataformak. “Kolektibo eta elkarte hauek, larunbatean EPOAren bilerara lagunduko gaituzte, ozen oihukatzeko: 'Harro ez da Pride. Ez gaude salgai!' ”.
Gaineratu dutenez, Bizkaiko Metaleko langileekin ere aliantza egin dute. Egun horretan borroka eguna antolatua dute langileek, eta arratsaldean bat egingo dute Harro!-k deitu duen manifestazioarekin.
Asteburu osoko egitaraua
Manifestazioa bakarrik ez, ekintza gehiago ere antolatu ditu plataformak astebururako, Zazpi Katu Gaztetxean. Irailaren 20an, ostiralean, Harro! Plataformanren aurkezpen tailerra eta “Zer ezkutatzen da Bilbao Bizkaia Pride-aren atzean?” hitzaldia egingo dira. Larunbatean ostera, goizean goizetik asimilazio prozesuen eta makroekitaldien eraginei buruzko mahai-inguruak burutuko dira. Ekimen nagusia den arratsaldeko manifestazio ostean, berriz, jaiari emango diote bide Zazpi Katu Gaztetxean egingo den “(H)ortz-adarra jo!” festarekin.
Manifestazio jendetsuak egin dituztean larunbatean Argentinako hainbat hiritan. Javier Milei presidenteak "pedofilo" deitu ditu LGBTIQ+ pertsonak Davoseko Munduko Ekonomia Foroan.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]