“Epaiketaren datak gainera datozkigu eta buru-belarri lanean hasi gara”
Jasotzen ari diren “berotasun eta hurbiltasuna” eskertu dute ohar batean. Epaiketaren aurka eta preso eta erbesteratuen egoera konpontzearen alde “mobilizazio herritar indartsu bat” aurreikusi dute.
11-13 sumarioko auzipetuak poliziaren eskuetatik jasotzen ari dira Entzutegi Nazionalaren zitazioa, irailaren 16an hasiko den epaiketan aurkeztu daitezen. Batzuei etxean agertu zaie polizia, beste batzuk komisaldegietara deituak izan dira zitazioa jasotzeko. Asteak dira abokatuei epaiketaren hasiera data jakinarazi zitzaiela. 47 pertsona daude auzipetuta sumarioan: Herrira, Jaiki Hadi eta Etxerat elkarteetako kideak, presoen bitartekariak eta abokatuak. Fiskalak 601 urteko espetxe eskaera egina du, "ETAren espetxe frontea" osatzea egotzita.
Auzipetuek epaiaren data ezagutu zenetik jaso duten berotasuna eta “elkartasun keinuak” eskertu nahi izan dituzte; lagun eta senideen, lankideen, auzotarren edo militantzia kideen eskutik. “Babestuak eta zainduak sentitu gara. Hurbil ditugun pertsona horiei guztiei bihoakie gure maitasuna eta esker ona”.
Epaiketa kezkaz bizi dutela aitortu dute, baina bidegabekeriari aurre egiteko “ilusioz” daudela ohartarazi ere. Koordinazio bilerak egiten hasi eta lantaldeetan antolatu dira, hiru helburu nagusirekin: epaiketari begirako beharrei erantzun (“lekukoak, defentsari dagozkionak, garraio bitartekoak eta abar”); gastu ekonomikoei aurre egin; epaiketa salatzeko eta “oinarrian dagoen preso eta erbesteratuen egoera konpontzeko aldarrikatuz mobilizazio herritar indartsu bat” antolatzea.
Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).
11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.
11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.
11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]
Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.
Irten aurretik, larunbateko manifestazio jendetsuan jasotako babesa eskertu dute auzipetuek. Epaiketara soluzioen aldeko mezuarekin doazela adierazi dute, presoen alorrean zein “konponbidearekin lotutako afera ezberdinetan”. 601 espetxe urteko zigorra eskatzen diete... [+]
Irailaren 16an hasiko da epaiketa Madrilen. Iraganeko estrategia errepresiboak atzean uztea eta preso eta iheslari politikoentzako “soluzio agenda bat” eskatu dute auzipetuek. Asteburuan mobilizazioak egin dira haien herrietan.
ELEAK-Libre mugimenduak datorren irailaren 14an Bilbon egingo den 11/13 sumarioko 47 euskal herritar auziperatuen aurkako epaiketa salatzeko antolatu den manifestaldian parte hartzeko deia luzatzen dio euskal jendarte osoari. Makro epaiketak makro erantzuna jaso behar behar du.
Deialdiak biderkatu dira: auzipetuen herrietako ekimenek mobilizazioak deitu dituzte asteburuan. Gehiengo sindikalak kontzentrazioak antolatu ditu Hego Euskal Herriko hiriburuetan ostiral eguerdirako. Hilaren 12an Ernaik mobilizatzera deitu du, eta Etxeratek edo Sarek irailaren... [+]
Irailaren 12rako elkarretaratzeak deitu ditu gazte antolakundeak Hego Euskal Herriko lau hiriburu eta lau heziguneetan. Makroepaiketaren aurka eta auziperatutako lagunekin elkartasunez kalera ateratzeko deia egin diote euskal gazteriari.
Asteazkenean hasi eta larunbatera bitarte, egitarau mardula antolatu dute, “elkartasun uholdea” sortzea helburu. Asteburuan, auzipetuen herrietan mobilizazioak deitu dira Euskal Herri osoan. Irailaren 16an hasiko da epaiketa Espainiako Auzitegi Nazionalean, eta... [+]
150 norbanako ezagunek, eragilek eta sindikatuk euren babesa adierazi diote 5ak Gasteizen kanpainari eta Arabako auziperatuei. Patxi Zubizarreta idazleak landu du manifestua eta Jose Angel Cuerda alkatea, Maider Unda, Pou anaiak, Evaristo, Juanito Oiarzabal edo Toti Martinez de... [+]
Irailean ikasturte politikoa hastearekin makroepaiketa berri bat abiatuko da Espainiako Erreinuko Auzitegi Nazionalean. 2007ko 18/98 epaiketaz geroztik euskal herritar gehien epaituko dituen epaiketa da. Baita ere espetxe zigor eskari handienarekin hasten dena: 8 eta 20 urte eta... [+]
Irailaren 16an hasita, euskal presoen eskubideen defentsan aritutako 47 euskal herritar epaituko dituzte Espainiako Auzitegi Nazionalean: osasun arloko profesionalak, abokatuak eta presoen eskubideen aldeko eragileetako kideak dira auzipetuak. IrtenBidera. Giza eskubideak,... [+]