Epaiketaren atarian Cabacasen senide eta lagunei babesa agertu diete
Euskal gizarteko ehun pertsona inguruk "erantzuleek inpunitaterik ez edukitzea" eta "justizia egitea" eskatu dute larunbat honetan irakurri duten manifestu batean. Urriaren 15ean Iñigo Cabacasen auzia epaituko da.
Larunbat honetan, irailak 29, esparru ezberdinetako hainbat lagunek sinatutako manifestuaren aurkezpena egin dute Bilboko Kafe Antzokian. Bertan, "justizia egitea" eta "erantzuleek inolako pribilegiorik ez izatea" eskatu dute.
Horrez gain, urriaren 14an, 19:00etan, Alba lorategietan biltzeko deialdia zabaldu dute. Epaiketa hurrengo goizean hasten da eta epaitegiaren aurrean gaua igaro nahi dute. Horrela, ekimen horrekin, familia eta lagunei babesa eta elkartasuna adierazi nahi diete. Hau da larunbatean irakurritako manifestua:
Manifestua
2012ko apirilaren 5a zen. Athleticek Schalke 04 taldearen kontra partidu oso berezia jokatu zuen eta 35 urte eta gero Europa Leageren semifinalerako klasifikatu ostean, milaka bilbotar zein bizkaitarrek kaleak poztasunez eta jai giroz bete zituzten.
Bertan zen Iñigo, lagunen artean, garaipena ospatzen, ertzain multzo bat bertara inguratu eta gomazko balak botatzen hasi arte. Ertzain batek Iñigo zegoen lekura apuntatu, gomazko balak jaurti eta Iñigo larriki zauritu zuen. Apirilaren 9an zenduko zen, autopsiak onartzen duen moduan, gomazko bala baten ondorioz. Nabarmendu behar da gomazko balen erabilera Europako herri gehienetan debekatuta dagoen materiala dela.
Bere guraso Manu eta Finak, ez dute berriro bere semearen irribarrea ikusterik izango. Iñigoren lagunek ez dute sekula bere adiskidetasunaz gozatzerik izango. Iñigo hil zuten. Edonor izan zitekeen hildakoa apirilaren 5ko gau horretan, zu, ni, edonor, ospakizunetan kalean izateagatik hil bait zuten Iñigo.
Gure eskubideak babesteko helburua luketenek urratu zioten bizitzeko eskubidea Iñigori, hil ostean, sakonki ikertu eta erantzukizunak hartu beharrean, heriotza ikertu eta salatzen dutenei oztopoak eta salaketak jarri, zein heriotzaren erantzuleak estaltzen jardun izan dira. Ezin dugu onartu gizahilketa hau argitu gabe geratzea.
Ez dugu beste munduko ezer eskatu nahi, solik denen onurarako liratekeen lau printzipioren errespetua:
- Gertatutakoaren egiaren aitortza.
- Justizia; erantzuleek inolako pribilegiorik gabe egindako kalteagatik erantzun dezaten.
- Kaltetutako familiari kalte-ordaina.
- Berriro ez errepikatzeko bermea.
Albiste hau Uriolak argitaratu du eta ARGIAra ekarri dugu CC by-sa lizentziari esker
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.