Eolikoen lasterketak ez du etenik: beste bi proiektu tramitatzen hasi dira Araban eta Bizkaian
Laminoriako lurretan Aixeindarrek zortzi dorre eoliko egiteko proiektua aurkeztu du Arabako Industria Administrazioaren ordezkaritzan. Bizkaian, Zallako zabortegitik gertu beste sei dorre eraiki nahi ditu Fisterra Energy multinazionalak, Euskal Haizie sozietatearen bidez.
Zentral eolikoen proiektuak etengabe ari dira aurkezten azken hilabeteotan sektore horretan diharduten multinazional eta konpainiak, eta Eguberri egunak izanik ere, tramitazio eskaerekin jarraitu dute. Oraingoan, beste bi proiektu eraikitzeko asmoa erakutsi dute, bata Araban, Arraia-Maeztu. Iruraiz-Gauna eta Donemiliagako udalerrien lurretan, eta bestea Bizkaian, Gordexola, Zalla eta Gueñes artean.
Arabako proiektua Laminoriako lurretan joango litzateke eta Aixeindarrek bultzatu du, Iberdrolak eta Eusko Jaurlaritzaren Euskal Energiaren Erakundeak osaturiko sozietateak. Zortzi dorre izango lituzke zentral horrek eta 40 MW-ko indarra sortuko lukete dorre guztiek orotara. Asteartean argitaratu zuen Industria Administrazioaren Arabako lurralde ordezkariak baimen eskaera EAEko aldizkari ofizialean; jakinarazpen horrekin proiektua eraikitzeko lehen tramiteak martxan dira beraz.
Azazetako parke eolikoa bikoizteko proiektua
Laminoriako zentrala, Azazetakoaren ondoan joango litzateke, azken hau ere Aixeindarrek bultzatuta. Hau da, ofizialki bi parke eta proiektu ezberdin diren arren, denera 180 metroko garaiera duten 16 dorre eraikiko lirateke inguru horretan eta 80 MW-ko indarra sortuko lukete.
Arabako Aldundiak berrikitan ingurumen baimena eman dio Azazetako proiektuari, talde ekologistek sarritan salatu duten arren natur pasabide kritiko bat dela eta arriskuan dauden animalia espezieak kaltetuko lituzkeela zentralak, aldundiaren txostenak berak onartzen duen bezala. Ikusteke dago mendikatean aerosorgailu kopurua bikoizteak nola eragingo duen eskaera berri honen tramitazioan.
Eguen mendian sei dorre, Zallako zabortegiaren gainean
Asteazken honetan EAEko aldizkari ofizialak beste proiektu baten berri eman du, oraingoan Bizkaian. Zallan, Eguengo mugarri edo ilsoaren –aerodromo zaharra dagoen tokitik gertu– eta Rigadaseko gainaren artean kokatu nahi ditu sei haizerrota Fisterra Energy multinazionalak Euskal Haizie SL filialaren bidez, 36,6 MWko potentziarekin orotara.
Ingurua oso ezaguna da bertako herritar eta mendizaleentzat, hainbat natur ibilbide igarotzen baitira handik. Zallako Udalak duela urte gutxi interes botanikoko baso eremu bat sortu zuen Eguenen, hango biodibertsitate eta pasaiaz jabetzeko begiratokiekin.
Hain justu, mendilerro horren magalean dago, baita ere, Zallako Las Lagunas zabortegia, bertan izandako sute, kamioien trafiko eta irregulartasunengatik –besteak beste Zabalgarbiko erraustegiko eskoriak eramateko– makina bat kexa eta salaketa izan dituena.
Lursailaren jabeak hitzarmena sinatu du Lurgaia Fundazioarekin eta Sagarrak talde ekologistak deialdia zabaldu du landaketara batzeko. Zaraobe Institutuko ikasleak asteartean aritu ziren zuhaitzak landatzen.
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Duela hiru urte onartutako Klima Aldaketaren aurkako legean jasota zegoen neurria
Laborantza industrialak, urtegiek eta kutsadurak ondorioztaturiko "gaitzeko presioengatik" desagertzekotan dira ehundaka espezie. Bilakaera hori saihesteko asmoz, "berehala hartu beharreko aldaketak" galdetu dituzte Nature aldizkariak urtarrilaren 8an... [+]
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
Inor ez ala denok. Klima larrialdia inork ez pairatzeko aldaketak bideratu ezean, behintzat guztiek pairatu dezagula. Zuk –irakurle–, nik –Jenofa–, haiek –pobreak– eta haiek –aberatsak–. Satisfaziorik ez zidaten eragin Los... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Sudurrak egia dio. Zaila da sudurra engainatzea. Usaimena saihestea ezinezkoa da. Sudurretik garunerako lotura bidearen ikerketa zirraragarria, liluragarria, zoragarria da makina bat ikerlarirentzat. Usainaren eta memoriaren arteko zubia azkarrena ez bada, bizkorrenetakoa bai... [+]
Duela 180 milioi urte Pangea kontinentea zatitu zenerako ikasia zuen aingirak Thetis itsasoa zeharkatzen. Ordudanik kontinenteak mugituz joan dira, eta aingira espezieak ezberdinduz. Jatorrizko arbaso beretik bereizi diren 20 aingira espezieen artean, gurea da, ibai-aingira edo... [+]
Gaizki erabilitako zorionak eta buklean errepikatutako urte berri on guztiak atzean utzita, berriz ere hasi da gurpila martxan –inoiz gelditu al da?– eta gu arnasa hartzen –edo horrelako zer edo zer–. Honetan ere artzaina izatea abantaila da, ardi-lanetan... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Laga hondartzaren ezaugarri naturalen leheneratzea duela hiru hamarkada abiatu zen, eta aurrera darrai etenik gabe, erlojuz kontrako lehengoratze mailakatuan.
Laga (Bizkaia) gune aparta da, natura eta gizarte ikuspegitik oso esanguratsua. Kostaldeko legeak eta Urdaibaiko... [+]
Hodeiak murrizten ari dira eta horrek eragin nabarmena du klima-aldaketan, NASAko ikertzaile-talde batek ondorioztatu duenez. Terra satelitearen datuak aztertuta, ikusi dute azken 20 urteetan, pixkanaka, baina etengabe, murriztu dela hodeien estaldura. Amerikako Batasun... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]