Enpresen iraunkortasunean ingurumenak duen garrantziaz jabetzeko formazioa gaur Usurbilen
Usurbilgo Lanbide Eskolan elkartuko dira asteazken honetan ekonomia eraldatzailean dabiltzan kooperatiba eta enpresak, euren jarduerak ingurumenean duen inpaktua eta biodibertsitatea zaintzeak ekonomiaren eta pertsonen osasunerako duen garrantzia aztertzeko. Beterri Saretuz ekimenak antolatu du saioa eta ondoren instalazo fotovoltaikoetara bisita gidatua egingo dute.
Ekonomia eraldatzailearen Beterri-Buruntzako sareak formazio saioa antolatu du asteazken honetarako, eskualdeko enpresetako ordezkariek ingurumenaz hitz egin dezaten, eta biodibertsitatea zaintzeak euren jardueren iraunkortasunean duen garrantziaz hausnartzeko.
Ingurumena enpresen iraunkortasunaren parte izenburupean egingo du formazioa Beterri Saretuzek, Usurbilgo Lanbide Eskolan 11:00etan hasita, eta Isladak aholkularitza kooperatibako Aiala Zubieta arituko da gidari. "Askotan pentsatzen da ingurumenean inpaktu negatiboa soilik munduko enpresa handiek sortzen dutela, baina enpresa handi zein txiki, industrial zein zerbitzuetakoak, denon jarduera eragin dezake ingurumenean".
Kooperatiba horretako kideak ARGIAri azaldu dioenez, "ekosistemek enpresa eta pertsona bezala egiten diguten ekarpena zehazten" saiatuko dira, eta etxekolanak eramango ditu enpresa bakoitzak, "ideia batzuk hartu eta norbere erakundean zer egin dezakeen ikusteko". Zubietarekin elkarrizketa sakonagoa argitaratuko du ARGIAk laster, gai horren inguruan.
Instalazio fotovoltaikoetara bisita
Asteazken goizeko saioa amaitzeko, Beterri Saretuzek Usurbilgo Lanbide Eskolako instalazio fotovoltaikoa ezagutzeko bisita gidatua antolatu du. Azadu dutenez, egitura guztiak agerian dituen bakarrenetakoa da Usurbilgoa eta "dena ikusi ahal izango dugu".
Honakoa Beterri Saretuzek aurten antolatzen duen hirugarren eta azken formazio saioa da. Aurretik, entzute metodologia nola garatu eta enpresetan berdintasuna nola landu aztertzeko saio bana egin dira, Andoainen eta Hernanin, hurrenez hurren. Pasa den astean, berriz, eskualdeko proiektu eraldatzaileetan dabiltzan Emakumeen II. Foroa egin zuten.
Egitasmoko kideek jakinarazi dute oraindik aukera dagoela izena eman eta asteazken honetako saioan parte hartzeko.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]