Enpresaburu bat atxilotu dute Bizkaian zortzi behargin esplotatzea egotzita
Lau langile migratzaileak dira, eta ez zeukaten egoitza-baimenik ezta kontraturik ere. Ustez, Zamudioko Ajos y Cebollas del Txorierri enpresaren lantegian giltzapetuta zeuzkan negozioaren jabeak, eta 26 orduz jarraian behartzen zituen lan egitera. Enpresaburuak salaketak faltsuak direla esan du, eta epaitegian deklaratu beharko du.
Espainiako Poliziak enpresari bat atxilotu du abuztuaren 17an Zamudioko (Bizkaia) bere lantegian beharginak esplotatzeagatik. Ugaldeguren industrialguneko Ajos y Cebollas del Txorierri enpresan elikagaiak ontziratu eta manipulatzen lan egiten zuten zortzi langileek.
Horietatik lau etorkinak ziren. Ez zeukaten egoitza-baimenik ezta kontraturik ere, eta enpresariak hori baliatu zuen lan baldintza zaurgarriak mantentzeko. “Maratoiak” egin behar zituzten langileek: goizeko zazpietan hasi eta hurrengo eguneko goizeko bederatzietan bukatu. Salaketaren arabera, 26 orduz jarraian behartzen zituen lan egitera, eta bost euro ematen zizkien ordu horretako bakoitzagatik.
Etorkinek enpresan bertan egiten zuten lo, giltzapetuta, eta ezin zuten enpresari ezta bere kokalekuari buruzko daturik eman. Lan istripuren bat sufritzen bazuten ere, medikuarenera joaten zirenean, informaziorik ez ematera derrigortzen zituen lantegiaren jabeak, A.Rodriguezek.
Enpresari bizkaitarrak, ordea, salaketak faltsuak direla esan du. Eldiario.es hedabideari azaldu dionez, egia da lau langile kontraturik gabe zeuzkala, baina esan du berak ez zuela inor esplotatzen. "Ezartzen ei genien lanaldi luzea gezurra da. Hori ez. Hemen jendea nahi zuenean etortzen zen lanera, eta nahi zuenean egiten zuen alde. Inor ez da 26 orduz jarraian lanean egon”. Bestalde, Rodriguezek enpresaren barruan dagoen pertsona bati egotzi dio gertatuaren errua: salaketak Ajos y Cebollas del Txorierriren izen onari min emateko prestatu duten plana dira.
Ikerketa
EAEko Gobernuaren Ordezkaritzak asteazkenean iragarri zuenez, langileak izan ziren enpresaburua salatu zutenak. Espainiako Poliziaren Bilboko egoitzara joan, eta gertatzen ari zena kontatu zieten. Abuztuaren 17a baino lehen, Bilboko Atzerritarren eta Mugen brigadako agenteak eta Bizkaiko Lan eta Gizarte Segurantzako Ikuskaritzako funtzionarioak lantegira sartu ziren.
Epaiketari begira
Poliziaren aurrean deklaratu ostean, enpresaburua aske gelditu da. Baina, oraindik, epaitegi aurrean agertu beharko da: langileen eskubideen aurkako delitu bat egozten zaio, eta Gizarte Segurantzako eta lan eremuko legedia hausteagatik 70.000 euroko isuna ezarri diezaiokete. Bitartean, ikertzaileek lekuko babestutzat hartu dituzte salaketa egin duten langileak, errepresaliak ekiditeko asmoz.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]
Iparvending enpresak langile bat kaleratu zuela salatu zuen iraila amaieran ESK sindikatuak, eta kaleratzearen oinarrian enpresaren zein Ertzaintzaren “tratu iraingarria eta arrazista” zegoela. Kaleratutako langile Hamza Benzrira Gasteiztarrarekin hitz egin du... [+]
“Hodeia” izen etereoak ezkutatzen ditu ur eta energia kantitate handiak kontsumitzen dituzten zerbitzariz betetako pabiloiak. Bada, adimen artifizialak ere badu B aldea: Asia, Afrika eta Hego Amerikako milioika pertsonen lan esplotazioa. The Washington Posten... [+]
Plantillaren batasuna eta determinazioa, baita ELAko erresistentzia-kutxa ere, funtsezkoak izan dira gatazkan; akordioak lanaldi partzialeko lanaldiak luzatzea ere aurreikusten dute.
ELA eta LAB sindikatuek deituta greba egingo dute erresidentzia pribatu eta etxebizitza komunitarioetako langileek ekainaren 29 eta 30ean. Sektorearen "lehen hitzarmen probintzial duina" eskatzen dute. Manifestazioa egingo dute ostegunean 11:00etan Plaza Berritik... [+]
Haien egitekoaren ezagupen eskasa eta lan baldintza txarrak salatu dituzte AESH langileak. Elbarritasun egoeran diren ikasleak laguntzen dituzte egunerokotasunean hezkuntza zentroetan.
Europar Batasunean hilekoaren minaren ondoriozko baja aitortu duen lehen estatua da Espainiakoa. Abortuaren Legearen erreformak jaso ditu neurriok.
Asteko zazpi egunetan bederatzina orduz lan eginda, hilean 200 euro ordaintzen zizkieten. Langileak egoera irregularrean daudenez, enpresariek baldintza horietan lan egitera behartzen zituzten, bestela Poliziari abisatu eta herrialdetik botako zituztela mehatxu eginda.