Eneritz Artetxe Eizagirre nagusi Hondarribian
- Gipuzkoako Bertsolari Txapelketako bosgarren final-zortzirena jokatu da gaur Hondarribiko Itsas Etxean. Artetxe, saioa irabaztearekin bat, final-laurdenetara sailkatu da.
Hondarribiko Itsas Etxean izan du zita gaur Gipuzkoako Bertsolari Txapelketak. Areto bete zale izan da gaurkoan bertsolariei adi. Sei bertsolari hauek aritu dira gaurkoan:
- Ane Beloki Lopez
- Aratz Igartzabal Bidegain
- Eneritz Artetxe Eizagirre
- Maddi Aiestaran Iparragirre
- Oier Aizpurua Olaizola
- Unai Gaztelumendi Arandia
Lan puntuagarriak amaituta, Eneritz Artetxe Eizagirre izan da garaile, 482,5 punturekin. Horrela, zuzenean sailkatu da final-laurdenetara: zehazki, Irungora, urriaren 27an. Honela geratu da sailkapena:
Eneritz Artetxe Eizagirre -------------------------- 482,5
Aratz Igartzabal Bidegain ----------------------- 478
Unai Gaztelumendi Arandia ---------------------464,5
Oier Aizpurua Olaizola ------------------------------445
Maddi Aiestaran Iparragirre ------------------ 444,5
Ane Beloki Lopez ---------------------------------- 419,5
Gai jartzen Iban Narbaiza Cevidanes ibili da. Epaileak hauek izan dira: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia aritu da.
Bihar jokatuko da hurrengo saioa, Andoainen. Sarrerak, betiko moduan, bertsosarrerak.eus atarian daude eskuragai; baita bihar Bastero kulturguneko txarteldegian saioaren aurretik, aurretik agortu ez badira.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.
Gipuzkoako Bertsolari Txapelketako lehen asteburua jokatuta, Lazkaoko eta Elgoibarko saioen txanda da orain. Irailaren 21ean izango da lehenengoa, eta 22an bigarrena. Sarrerak eskuragai daude bertsosarrerak.eus atarian.
Urretxuko Labeaga aretoan jokatu da 2024ko Gipuzkoako Bertsolari Txapelketako lehen final-zortzirena. Irabaztearekin batera, final-laurdenetara sailkatu da Rekondo. Bihar jokatuko da hurrengo final-zortzirena, Lasarte-Orian.
Gipuzkoako Bertsolari Txapelketako bigarren saioa jokatu da igandean Lasarte-Oriako Manuel Lekuona Kultur Etxean. Puntu gehien bildu ditu Iturriotzek, eta, beraz, final-laurdenetan abestuko du. Datorren larunbatean izango da hurrengo saioa, Lazkaon.
Hiru hilabete iraungo ditu txapelketak eta finala abenduaren 14an jokatuko da Donostiako Illunben. Saio guztietarako sarrerak www.bertsosarrerak.eus webgunean daude eskuragarri.