Energiaren Nazioarteko Erakundeak zentral nuklearrak irekita mantentzeko eskatu dio Espainiako Gobernuari
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia atzeratzeko.
Nuklearren lobbya ez dago geldi, eta oraingoan Energiaren Nazioarteko Erakundea (IEA) izan da Espainiako Gobernua “ohartarazi” duena Espainiako Estatuko zentral nuklearren itxiera planak ekar ditzakeen ondorioez. 2019an onartutako desnuklearizazio plan horren arabera, 2027 eta 2035 artean azken zazpi erreaktoreak itxi beharko lirateke Espainiako Estatuan.
IEAko zuzendari nagusi Faith Birolek esan du, energiaren sektoreak asteartean Madrilen antolatutako konferentzia batean, Pedro Sánchezen gobernuak zentral nuklearrak ixteko egutegia “berriz pentsatu” beharko lukeela. Horretarako, Alemania jarri du adibide gisa, eta herrialde horretan zentral nuklearren itxierak izandako “eragin negatiboa” aipatu du. Alemaniak 2023ko apirilaren 15ean itzali zituen bere azken hiru zentralak, eta Fukushimako hondamendi nuklearraren ondoren hasitako trantsizio prozesu baten azken pausoa izan zen.
“Ez da, duela urte batzuk bezala, kontzientzia ekologiko kontu bat. Herrialdeak preparatu behar dira segurtasun energetikoko garai berri baterako”
Faith Birol (IEA)
Birolek egungo testuinguru geopolitiko eta klimatikoa hartu ditu ahotan zentral nuklearren itxieraren kontra jartzeko: “Ez da, duela urte batzuk bezala, kontzientzia ekologiko kontu bat. Herrialdeak preparatu behar dira segurtasun energetikoko garai berri baterako”, esan du.
Hala, nuklearren lobbyaren argudio berak erabili ditu IEAko buruak bere hitzaldian, elektrizitate ekoizpenari lotuak: Ukrainako gerra dela-eta europar herrialdeen “menpekotasun” energetikoa gutxitu beharra, auto elektrikoen eskariaren gorakada, datu zentro erraldoien sorrera, edo klima aldaketaren aurrean etxeetan “aire girotua” eduki behar izatea, besteak beste.
Ekitaldia Energiaren Klubak eta Fundación Naturgyk antolatu dute. Almaraz eta Trilloko zentral nuklearren akziodun nagusietakoa da Naturgy, eta 1.900 milioi euroko etekinak izan zituen iaz. Enpresa horretako presidente Francisco Reynesek pasa den astean eskatu zuen Almarazko itxiera atzeratzea, eta gauza bera egin zuten zentralaren akziodun diren Iberdrolak eta Endesak ere.
Espainiako Gobernua ez da bakarra nuklearren lobbyaren presioa jasaten ari dena. Belgikak, esaterako, berriki onartu du herrialde hartako bi erreaktoreren bizia beste hamar urtez luzatzea; eta Alemanian bertan, eztabaidagai dago itzalitako azken hiru erreaktoreak berriz ere martxan jartzea.
“Itzul dadila borroka antinuklearra”
Zentral nuklearrak irekita mantentzeko presio horren inguruan hitz egin du Ekologistak Martxan taldeko kide Marisa Castrok 97FM irratian. Azaldu duenez, nuklearren lobbya “kontraerasoan” ari da toki guztietan: “Garoña itxi behar zutenean ikusi genuen bezala, orain Almaraz itxi behar dutenean ere ari gara ikusten gauza bera. Beti egiten dute”, dio militante antinuklearrak.
“Zentral batek, ezarritako egutegitik harago funtzionatzen segi dezan, diru inbertsio ikaragarriak behar ditu (...) Hobe lukete diru hori guztia gastatuko balute benetako energia iturri garbietan"
Marisa Castro (Ekologistak Martxan)
Castrok berrikitan artikulua idatzi du El Salto egunkarian gai horren harira: “Zentral batek, ezarritako egutegitik harago funtzionatzen segi dezan, diru inbertsio ikaragarriak behar ditu bere segurtasuna eta epe luzeko funtzionamendua bermatzeko. Hobe lukete diru hori guztia gastatuko balute benetako energia iturri garbietan eta etorkizuneko teknologietan”. Bere esanetan, energia nuklearrak ez du biziraungo babes publikorik gabe, “eta hori da nuklearren lobbya bilatzen ari dena”.
97FM irratiko esatariak Castrori galdetu dio ea ez ote den “nekagarria” ustez gaindituta zeuden 1980ko hamarkadako eztabaidetara itzultzea. Zentzu horretan, Ekologistak Martxaneko kideak gogorarazi du 1980ko hamarkadan 30 zentral nuklear egin nahi izan zirela Espainiako Estatuan, eta azkenean zazpi besterik ez zirela egin protesten ondorioz: “1980ak itzultzen badira, itzul dadila baita ere borroka antinuklearra”.
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Copernikusek eta Munduko Meteorologia Erakundeak urte hasierako ikerketak berretsi dituzte: Europak bero errekorra hautsi du. Gutxienez 413.000 kaltetu eta 335 hildako izan ziren iaz ekaitz eta uholdeengatik, Europan.
Sendabelarrak non bildu galdetuz idazten didate eta bide bazterrei erreparatzeko esan ohi diet. Erromantizismoak kalte egin digu bizitzako esparru askotan eta hemen ere bai, sendabelarrak ez baitaude mendi tontorretik gertu dauden bide zidorretan (bakarrik), ezta kostatik bertan... [+]
Apirilak asaba zaharrengana garamatza. Apirila urte osoaren gakoa izango da. Lurrak antolatzea, ongarriketa osatzea, haziak plantatzea, pardak, makilak, sareak, lokarriak atontzea… Hamaikatxo lan bada, sasoi berrirako urratsik handiena, gero uda eta udazkena azkurriz eta... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gaur aurkezten dugun intsektuaren izen zientifikoak, besteak beste, bi gauza azaltzen dizkigu: alde batetik, gorria dela (ez erabat) eta ez duela hegorik. Okerrak ez dira biak ala biak, baina gorria ez da bere kolorazio bakarra, eta hegoak ere izan baditu, baina beraien tamaina... [+]
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Komunitateari buruzko artikulu segida honekin hasi nintzenean, Antoine eta Antoine zeuden etxean, gazta-ganbara hutsik zegoen, hiltegirako bueltak asterokoak ziren eta hiru egunetik behin egiten genuen gazta. Hau idazten hasi naizenerako, Picardieko lagunak jaioterrira joan... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]