Energia konpainien gaineko zerga berezia bertan behera uztea adostu du Espainiako Gobernuak, EAJ eta Juntsekin
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen gaineko zerga ere leundu nahi dute eta EAEren kasuan bertako ogasunaren eskutan utzi nahi dute eskumena. Orain Espainiako Kongresuan bozkatu behar dituzte neurri hauek.
Espainiako Gobernuak azkenean erabaki du –abenduaren 31n amaituko zen– energia-konpainiei ezohiko irabaziengatik ezarritako aparteko zerga kentzea, baita bankuen irabaziei gainekoa leuntzea ere. Zerga iraunkor bilakatzea eragotziko duen lege zuzenketa baten bidez egin dute, eta aldi berean adostu du EAJrekin EAEko foru-ogasunek bankuen tributua kudeatzeko konpetentzia. EAJk asteazkenean ohar batean iragarri du Sánchezen gobernuarekin zehaztu duen lege proiektuak enpresa multinazionalentzat gutxieneko tasa globala %15ean finkatzen duela.
Azken boladan enpresa multinazional handien –750 milioi eurotik gorako negozio bolumena dutenen– gaineko zerga iraunkor bilakatzeko aukera eztabai iturri izan da Espainiako Gobernuaren eta bera babesten duten alderdien artean, eta lege aurreproiektuan zuzenketak egiteko azken egunean egin dituzte aldaketak. Azken asteotan presio handia egin dute Espainiako Estatuko energia enpresa handiek, eta “inbertsio estrategikoak arriskuan egon zitezkeela” adierazi, besteren artean Repsoleko buru Josu Jon Imazek.
Ezkerreko alderdiek, EH Bilduk, ERCk eta Sumarrek zuzenketen aurka proposamenak aurkeztu dituzte. EAJ eta Junts nahikoak izan dira ordea PSOErekin aurrera ateratzeko multinazional hauen mesederako legedia.
Juntsek baieztatu zuenez, ez du energetikoen gaineko zergaren betikotzea babestuko baldin eta horrek Repsolek Tarragonan duen 1.100 milioi euroko inbertsioa kaltetzen badu (Repsolek Katalunian dituen balizko asmoak aipatu zituen). EAJ ere enpresen gaineko zerga indargabetzearen alde agertu da, jeltzaleak izan baitira zerga kentzeko zuzenketa onartua izan dela publikoki zabaldu dutenak. Jeltzaleek ziurtatu dute prest leudekeela energia enpresen gaineko zergaren jarraipena onartzeko EAEko ogasunen eskuetan utziz gero. “Erabaki garrantzitsu honek euskal autogobernua indartu egiten du”, esan du Aitor Estebanek.
Kontrara, Imanol Pradalesek, EAEko lehendakariak aurreko urriaren 22an adierazi zuen “halako zergak ez direla herrialde bat industrialki garatzeko aukerarik onena”. Ia aldi berean, EAJko burua den Andoni Ortuzarrek baieztatu zuen energia enpresen gaineko zergak ekarriko lukeela“urredun arrautzak erruten dituen oiloa hiltzea”.
Beste aldean badira zerga hau betikotzeko eskatu dutenak: EH Bildu, ERC eta Sumar hain zuzen ere. Asteazkenean azpimarratu dute “azken hilabeteetan bankuek zein energia enpresek iragarritako irabaziak errekorrak izan direla”. Duela aste bi Ignacio Sánchez Galanek, Iberdrolako presidenteak, adierazi zuen ingelesez –barre eginez– zerga horrek “oso gutxi suposatzen duela bere kontuetan”. Naizek publikatu duenez, aurten Iberdrolak %50ean handitu ditu bere irabaziak.
“Araba ez dago salgai” eta “Makroproiekturik ez” lelopean egin dute deialdia. Urriaren 26an elkartuko dira 18:00etan “etekin pribatuak bermatzera” bideratuta dagoen eredu energetikoa eta “instituzioek jokatzen duten papera”... [+]
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]
2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
BP, Shell, Chevron, ExxonMobil eta TotalEnergies enpresek 100.000 milioi dolar (90.100 milioi euro) banatuko dituzte euren inbertitzaileen artean, inoizko ordainsari handiena. Ukrainako gerraren ondorioz, 2023 urtean etekinen errekorra gainditu dute burtsan kotizatzen duten... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
Yasuni: Ez da teleberrien eta komunikabie erraldoien berri printzipala izan baina… Joan den abuztuaren 20an Ekuadorko Errepublikako herriak (17,8 milioi biztanle) baietz borobila (%59 alde) eman zion kontsulta konstituzional batean, hauteskunde presidentzialekin batera,... [+]
2030. urterako autoen %15 erabat elektrikoa izatea aurreikusi badute ere, horiek hornitzea ez dela errentagarria izango nabarmendu du Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek, Iruñean egindako bilkura batean.
“Ekuadorreko amazonas” bezala ere ezaguna da parke nazionala –2.000 zuhaitz, 204 ugaztun, 610 hegazti, 121 narrasti eta 250 arrain espezie aurkitu dituzte bertan–. Yasunidos eragilea izan da galdeketa egitearen alde eta zonalde natural hori ustiatzearen... [+]
Azken hiru urteetan material arraroen ustiaketa industriaren ingurumen-eragina asko handitu dela adierazi du agentziak, uraren kontsumoa bikoiztu delako, hondakin kopuruak ugaritu direlako, eta berotegi-efektua ekartzen duten gasen isuriek " oso maila altuan"... [+]
Argindarraren %31 eolikoak eta fotovoltaikoak produzitu dute, eta erregai fosilek %27. Lehen aldiz apurtu dute marka hori berriztagarriek.
Nagusiki petrolioaren eta gasaren sektorean inbertitzen segitu arren, energia berriztagarrietan bideraturiko inbertsioetan zentratzen du bere komunikazioa Frantziako multinazionalak. Azken bi urte eta erditako agirien aztertzen aritu da Bloom Gobernuz Kanpoko Erakundea, eta... [+]