Herritarrei eta Hernaniko enpresei energia aholkularitza eskainiko die.
Hernaniko energia bulegoa ireki zen atzo Burujabetzen Etxean, Iturolan, eta zerbitzua eman nahi die energiaren alorrean Hernaniko herritarrei zein enpresei. Ainara Atorrasagasti Ingurumen zinegotziak, Patxi Ibarguren Tokiko Garapeneko zinegotziak, Libe Sologaistua Energia teknikariak eta Fermin Arruabarrena Enherkomeko teknikariak parte hartu zuten atzo aurkezpenean.
Energia bulegoak Hernaniko herritarrei, zein enpresei emango die aholkularitza zerbitzua energiaren arloko hainbat gairen inguruan: faktura energetikoa; komunitate energetikoa eta bazkidetza; diru-laguntzak; birgaitze energetikoa; teknologia berriztagarriak; eraikinen eraginkortasun energetikoa edota zaurgarritasun energetikoa. Hezkuntza eta sentsibilizazio lanak ere sustatuko dira bertatik.
Arreta aurrez aurrekoa, telefono bidezkoa edo emailez eskainiko du energia bulegoak. Horretarako, astearteetan eta ostegunetan, goiz eta arratsaldez egongo da zabalik, 10:00etatik 13:00etara eta 15:00etatik 18:00etara eta asteazkenetan, soilik goizez.
Iaz, sei hilabetez (azarotik apirilera) egon zen zabalik energia bulegoa. Udalaren eta Enherkomen arteko elkarlanari esker eta orain jarraipena egingo da. «Tarte horretan, 444 herritarrei eman zitzaien zerbitzua», adierazi zuen Fermin Arruabarrenak. %80a 45 urtetik gorakoak eta %70a emakumeak eta %30a gizonezkoak. «Datuek erakutsi dute Hernanin energiaren inguruko kezka eta aholkularitzaren beharra badutela herritarrek eta gazteagoengana iristea izan behar da erronketako bat».
Gehienek, faktura energetikoari buruzko kontsultak egin zituzten, baina izan ziren eraikinaren eraginkortasun energetikoari, komunitate energetikoari edota teknologia berriztagarriei buruzko kontsultak ere.
Emandako aholkularitzari esker, herritar horien artean gasaren eta elektrizitatearen fakturan 300.000 euro aurreztu dutela kalkulatu da.
Hernaniko merkatari eta ostalariek euren kontsumo energetikoa hobetzeko eta faktura ere errealitatera doitzeko, egitasmo pilotua sustatu dute Udalak eta Enherkomek.
Aurtengo urtean zehar, mota ezberdinetako merkataritza eta ostalaritzarako bederatzi establezimenduren kontsumo energetikoaren azterketa egin da eta euren kontsumoa optimizatzeko aholkularitza jaso dute, Enherkomen eskutik.
Horrela, 18.032 euro aurreztu ahal izan dute (kopuru osoaren %23,95).
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]