Energia berriztagarrien zazpi proiektu berri iragarri dira abuztu hasieratik Nafarroan

  • Sustrai Erakuntza Fundazioak jakitera eman duenez, abuztuaren 1etik aurrera energia berriztagarriei lotutako gutxienez zazpi proiektu berri jarri dira jendaurrean Nafarroan, eta horietako batzuk bereziki eragin handikoak. Proiektuok zein testuingurutan kokatzen diren ere azaldu du fundazioak.


2021eko abuztuaren 24an - 10:40
Azken eguneraketa: 12:55
Haize-errotak Erreniegan. (Argazkia: Dani Blanco)

Sacyr enpresa taldeak Iruñerriko iparraldean hiru industrialde eoliko ditu proiektuan, Erro, Esteribar, Anue eta Olaibar haranetan. Berez proiektu bakarra da, artifizialki hirutan banatua, eta sortuko lukeen elektrizitatea Orkoieneraino eramatea aurreikusten du, 25 kilometroko linea elektriko batekin, Ezkabarte eta Txulapain haranak, eta Berriobeiti eta Orkoien udalerriak zeharkatuz.

Hiru parkeek 141,7 megawatt dituzte guztira, eta, horretarako, 200 metroko altuera duten 29 aerosorgailu aurreikusten dituzte. Hauek eraikitzeko behar diren azpiegitura erraldoien ondorioz, pagoei, haritzei eta pinuei eragiten dieten azalera natural garrantzitsuak suntsituko dira, guztira 46 bat hektarea kaltetuz; hori linea elektrikoak eragindako kaltea kontuan hartu gabe. Eta hori guztia hegazti-faunan aberatsa den ingurune natural batean; izan ere, ikerketek berek identifikatu dute saguzar eta harraparien kolonia garrantzitsuak daudela, hala nola miruak, putreak, sai zuriak, arranoak, gabiraiak, belatzak eta ugatzak, besteak beste.

Estellerrian ere bai

Andia mendilerroaren hegoaldeko magalean –Urbasa-Andia Parke Naturalean– haize-sorgailuak Lezaun eta Gesalaz haraneko (Iturgoien) udalerrietan kokatuko lirateke, horietako batzuk Parke Naturalaren mugari itsatsita (proiektuaren arabera 200 metrora). Eta 25 kilometroko luzera duen ebakuazio-linea elektrikoa ere eremu babestu horretan barneratuko litzateke 3,24 kilometroz, Lezaun, Gesalaz, Goñi, Etxauri, Oltza eta Orkoien udalerriak zeharkatuz.

Industrialde eoliko honek 52 megawatteko potentzia instalatua du, eta bere 13 aerosorgailuek 180 metroko altuera izango lukete. Hemen ere beste 45 hektarea inguruko landaredia kaltetuko litzateke. Proiektuaren Ingurumen Eraginaren Azterketan hautemandako hegazti-faunaren artean putreak, arrano beltza, sai zuria, belatz handia eta ugatza daude, besteak beste.

Hortaz, “ustez klima-aldaketari aurre egiteko eraiki nahi diren proiektu horiek natura-ingurunean eragin oso larriak dituztela ikusten dugu”, dio Sustrai Erakuntza Fundazioak. Klima aldaketaren ondorioz, “mendiko basoak eta klima heze eta hotza iparralderantz eta altitude handiagoko eremuetara mugituko dira, eta, beraz, Nafarroan haien presentzia murrizten joango da. Horri gehitzen badiogu proiektu eoliko horiek basoak suntsitzen dituztela, ikusiko dugu etorkizunean biodibertsitatea eta klima aldaketaren aurkako ekosistema babesleak desagertzeko arrisku larrian egongo direla Nafarroan, eta are tresna gutxiago izango ditugu aurreikusitako klima aldaketei aurre egiteko”.

Makro-poligono hauetan ez du konponbiderik ikusten fundazioak eta, beraz, beste eredu energetiko batera jotzeko beharra ikusten du, lurraldean zehar instalazio txikietan banatutako ekoizpen berriztagarria barne hartzen duena eta, gainera, energia-kontsumoa pixkanaka jaitsiko duena. Berriztagarrien eztanda berri hau sakonago jarraitu nahi duenarentzat, fundazioak energia berriztagarrien booma sakon aztertzen duen liburuxka kaleratu du aurten bertan. ARGIAko erreportaje honetan ere landu genuen gaia.


Kanal honetatik interesatuko zaizu: Energia berriztagarriak
2024-12-17 | Usurbilgo Noaua
Parke eolikorik ez momentuz, Usurbil eta Zizurkil arteko Ezkeltzu mendian

Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]


2024-12-10 | Leire Ibar
74.000 paneleko zentral fotovoltaiko berri bat eraikitzen hasi dira Nafarroan

GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]


2024-12-05 | Estitxu Eizagirre
Beste bederatzi makro-eoliko eraiki nahi dituzte, oraingoan Gipuzkoako Beizaman eta Bidania-Goiatzen

Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]


Meaka-Irimo herri plataformaren urtebetea

Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]


2024-11-08 | Egurra Ta Kandela
Eusko Jaurlaritzaren ildo estrategikoak

Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]


2024-11-05 | Estitxu Eizagirre
Zentral fotovoltaiko eta eolikoen olatua
Araba, sakrifikatu nahi duten alaba?

Hego Euskal Herrian energia berriztagarrien makroproiektuen zaparradari zenbakiak jarri dizkiogu erreportaje honetan. Datuek marrazten duten mapan, Nafarroak gori-gori jarraituko du eta Araban daude kontzentratuta EAEn enpresek egin nahi dituzten energia zentralen %75,4. Hori... [+]


Urumeako Mendiak Bizirik
“Eolikoen enpresak harroago datoz herri txikietara”

Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]


Euskal Herriko zentral eoliko handiena Urumeako mendietan

Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]


Harreman toxikoez

Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]


Arabako makroproiektuak gelditzeko eskatu dute milaka manifestarik Gasteizen

Arabako hamazazpi talde, elkarte eta herri mugimenduk deituta, milaka lagun elkartu dira larunbat arratsaldean Gasteizen, euripean. Bilbo plazatik abiatutako manifestazioak Foru plaza bete du ibilbidearen amaieran. Arabako landa eremua mehatxatzen duten makroproiektu guztien... [+]


2024-10-23 | ARGIA
“Makroproiekturik ez” manifestazioa egingo dute larunbatean Gasteizen

Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]


2024-10-23 | Josu Salegi
Errota altua eta mendia

Dozena bat bertsotan


2024-10-23 | Hala Bedi
Iñigo Leza (Araba Bizirik!):
"Araban herri asko kinka larrian daude, proiektu hauek aurrera eramanez gero desagertuko lirateke”

Makroproiektuen aurkako manifestazioa izango da, larunbat honetan, urriaren 26an, arratsaldeko 18:00retan Gasteizko Bilbo plazatik abiatuta.


2024-10-23 | Estitxu Eizagirre
Arabako Aldundiaren txostena Jaurlaritzari II
Laminoriako haize-errotak jarri nahi dituzten lekua EAEn hegazti nekrofago gehien dagoena da

Arabako Foru Aldundiak Eusko Jaurlaritzara ekainaren 14an bidali zuen txostena irakurrita, nekez irudikatu daiteke haize-errotak jartzeko leku ezegokiagorik Laminoria eta Azazeta proiektuentzat Aixeindar SA enpresak hautatu duena baino: EAE osoan nekrofago espezie gehien bizi... [+]


Eguneraketa berriak daude