Energia berriztagarrien Lurralde Plan Sektorialaren dokumentuak, publiko Eusko Jaurlaritzaren webgunean
Eusko Jaurlaritzak Energia Berriztagarrien Lurralde Plan Sektoriala egiteko agindua jaso zuen 2019an Eusko Legebiltzarrak hala eskatuta. Oraindik prozesu hori bidean da, eta itxura guztien arabera asko luzatuko den arren, zebait dokumentu publiko daude Eusko Jaurlaritzaren webgunean bertan, alegazioak egin ahal izateko. Besteak beste, zentral fotovoltaikoak eta eolikoak non eraiki daitezkeen zehazten dute dokumentu eta planoek.
Eusko Jaurlaritzak EAEko Energia Berriztagarrien Lurralde Plan Sektorialaren (LPS) prozesua abiatzeko eskaera jaso zuenetik hiru urte igaro diren arren, aurten ekin dio lan horri, horretarako enpresa bat kontratatu du, laguntza teknikoa emateko. Momentu honetan hainbat dokumentu jadanik sarean daude ikusgai, herritarren parte-hartze memoriei dagokiena eta aurrerapen dokumentua, besteak beste.
Azkeneko honetan zentral fotovoltaikoak eta "eskala handiko" eolikoak non joan daitezkeen agertzen dira xeheki, esklusioguneak zein diren, baita horiek ezartzeko "gune garbi optimoak" ere azalduz, lehentasunezkoak zein bigarren mailakoak.
Esaterako, planoetan agertzen denez, Arabako Lautadan eta Arabako Errioxan joan daitezke zentral fotovoltaiko gehientsuenak. Zentral eolikoak, berriz, lurralde osoan sakabanatuta agertzen dira mendilerro ugaritan. Gipuzkoan bakarrik haize erroten 35 alineazio zenbatu daitezke, ARGIAri eolikoen kontrako mugimendutik azaldu diotenez, beti ere kontuan edukita behin behineko dokumentu bat dela eta balizko tokiak agertzen direla planoetan.
2019ko Jasangarritasun Legearen bidez eskatu zion urte hartan Eusko Legebiltzarrak Energia Berriztagarrien inguruko LPSa egitea Eusko Jaurlaritzari. Honek hitz eman zuen bi urtetan egina egongo zela, baina 2022an esleitu dio prozesu hori enpresa bati, bi urterako, hortaz gutxienez 2024ra arte ez da amaituko. EH Bilduk salatu zuenez "argi dago ez dela legealdi osoan onartuko, eta litekeena da 2025era arte atzeratzea".
Halako plan sektorial bat izatea ezinbesteko jotzen dute eragile eta alderdi ugarik, berriztagarrien sektorean desarautze nabarmena dagoelako eta urteotan zentral eolikoak eraikitzeko proiektuak izugarri biderkatu direlako han eta hemen.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Iazko azken hatsean Txinako gobernuak Yarlung Zangbo ibaiaren behe-arroan proiektu hidroelektriko handia abian jarriko duela iragarri izanak, urak harrotu ez, sutan jarri dituela dirudi gure artean. Esan dezakegu alarmaren eskala osoa kurritu dutela iruzkinek: munduko handiena... [+]
Otsailaren 5ean Donostian "Trantsizio energetikoa eztabaidan: aukerak eta arriskuak" izenburua duen mahai-inguruan parte hartuko dute Mikel Otero EH Bilduko trantsizio ekologikorako arduradunak eta Aitziber Sarobe natur kontserbazionistak. Ekitaldi hau lau talde... [+]
Green Capital enpresak ahoz jakinarazi dio Zizurkilgo Udalari Ezkeltzuko proiektua "behin betiko bertan behera uzteko erabakia". Udalak positibotzat jo du erabakia, "zalantza handiak sortzen baitzituen ingurumenari, paisaiari eta ondareari eragingo lizkiokeen... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Duela hiru urte onartutako Klima Aldaketaren aurkako legean jasota zegoen neurria
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]
Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Hego Euskal Herrian energia berriztagarrien makroproiektuen zaparradari zenbakiak jarri dizkiogu erreportaje honetan. Datuek marrazten duten mapan, Nafarroak gori-gori jarraituko du eta Araban daude kontzentratuta EAEn enpresek egin nahi dituzten energia zentralen %75,4. Hori... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]