Eneko Anduezak PSE-EEko idazkari nagusi izaten jarraituko du
PSE-EEren zuzendaritza berriak alderdikideen %95en onespena jaso du. Anduezak proposatutako Batzorde Exekutiboan aurreko 26 kideetatik zortzi aurpegi berri daude soilik.
PSE-EEren hamargarren kongresuak Eneko Andueza berretsi du alderdiko idazkari nagusi gisa, kargura aurkeztu den hautagai bakarra. Ostiraletik igandera bitartean Donostiako Kursaal jauregian eginiko euskal sozialisten bilgunea Anduezaren hitzartzearekin amaitu da, zeinetan alderdia etorkizuna gidatzeko "gai eta prest" dagoela adierazi duen: "Historiarako kongresua izan da, ilusioaren, indarraren, ideien eta itxaropenaren kongresua".
PSE-EEren Batzorde Exekutiboak presidente kargua berreskuratu du, 2021ean Idoia Mendiaren lekukoa hartuta Andueza idazkari izendatu zutenetik alderdi sozialistak ez baitu presidenterik izan. Cristina González aukeratu dute kargurako, egun Arabako sozialisten idazkari nagusia dena. Besteak beste, Miguel Ángel Gonzálezek eta Begoña Gilek batzordean jarraituko dute Antolakuntza eta Erakunde Politika arloak zuzenduz, hurrenez hurren, eta aurrerantzean Denis Itxaso Etxebizitza idazkari nagusia izango da.
Batzordean sartuko dira, esaterako, Jon Nogales Arabako foru diputatua, Politika Ekonomiko eta Eraldaketa Digitaleko Idazkaritzan hain zuzen ere; Susana García Chueca Garraio eta Mugikortasun Jasangarriaren arduradun gisa; Ana López Uralde Berdintasuneko idazkari gisa edota Estíbaliz Canto Hezkuntza eta Kultura arloko buru gisa. Guztira 30 kidek osatuko dute euskal sozialisten zuzendaritza berria, horietatik hemezortzi gizonezkoak eta hamabi emakumezkoak.
EH Bilduren proposamenari ezezkoa
Anduezak azaldu duenez, alderdiaren helburua euskaldunen kezka-iturri nagusiak konpontzea da: aipatu ditu, besteak beste, "neurria emango duen" Osasun Publikoa, pertsona orok izatea etxebizitza duin baterako sarbidea, "lanpostu duinagoak" eta "berdintasun handiagoa".
EH Bilduk aurreko astean EAJri eta ezker konfederalari zerrenda bateratuak osatzeko proposamena luzatu zieten, Espainiako eta Europako hauteskundeetara begira. Proposamena kritikatu du PSE-EEko idazkari nagusiak: "Ez dugu nahi, beste batzuek bezala, fronte komunen Euskadi. Iraganean gertatu zen hori, eta badakigu nola amaitu zen".
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Parisko Auzitegi Korrekzionalaren arabera, 2,9 milioi euro desbideratu zituen Frantziako RN Batasun Nazionalak 2004 eta 2016 artean. Le Penez gain, alderdiko beste 24 kide ere errudun jo dituzte. Helegitea aurkeztuta ere, RNko buruzagia ezingo da aurkeztu 2027ko Frantziako... [+]