"Gaur gure udal eta diputazioek ezkerrerago begiratzen dute”
Eneko Andueza PSE-EEko idazkari nagusia bere alderdikideez inguratuta agertu da jendaurrean udal eta foru hauteskundeen balorazioa egiteko. Eskerrak eman dizkie alderdi sozialistari botoa eman dioten herritar guztiei, “zuei esker modu eztabaidaezinean jarraitzen dugu izaten abertzalea ez den ezkerreko lehen alderdia Euskadin”, esan du.
“Lortu dugu alderdi sozialistaren mezua iristea Euskadiko txoko guztietara, merezi duen indar eta arreta guztiarekin”, azaldu du Anduezak. Emaitzen balorazio “oso positiboa” egin du PSE-EEko politikariak.
“Duela lau urte esan genuen emaitza haiekin herritarren konfiantza irabazi genuela. Gaur esan dezakegu pauso bat gehiago eman dugula eta konfiantza hori berretsia izan dela beste behin boto-kutxetan. Eta esan dezakegu gaur Euskadi sozialistagoa dela, eta gure udalek eta gure diputazioek ezkerrerago begiratzen dutela”, aldarrikatu du txalo artean.
EAJren eta EH Bilduren artean “oso polarizatua” egon den kanpaina izan dela nabarmendu du Anduezak, eta hauteskundeak bi alderdi horien arteko lehia bat bezala aurkeztu nahi izan dutela, baina “emaitzek arrazoia kendu diete”.
EAJ eta PSEren arteko itunek EAJri kalte egin ote dioten galdetzean, idazkari nagusiak gaineratu du orain denak haien eksuetan daudela eta alderdi guztiekin hitz egin beharko dutela etorkizuna zein izango den erabakitzeko.
“Alderdi sozialista tokia aurkitu du garbi uzteko beste behin hau herri plurala dela, eta herritarrek aniztasun hori nahi dutela”. PSE-EEk irabazi ohi duen eta irabazi duen hainbat udal esanguratsutako emaitzak azpimarratu ditu Anduezak, Ermua edo Portugalete kasu.
Gasteizen Maider Etxebarriak lorturiko emaitzak ere aipatu ditu –bigarren gelditu da sei eserlekurekin, EH Bilduren atzetik–. “Sozialistak inoiz baino erabakigarriagoak gara gure lurraren etorkizunerako”, esan du.
“Euskal sozialisten partetik, eskerrik asko eta gabon guztioi. Aurrera!”, oihu eginez amaitu du bere hitzartzea Anduezak.
Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.
EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]
Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.
Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.
Eduardo Barinagak uko egin dio zinegotzi akta jasotzeari, ABBk emandako aginduarekin bat ez datorrelako. EAJk hautagaitza aurkeztu ezean, PPk lortuko du alkatetza Arabar Errioxako herrian. Hori da PPk jarritako baldintzetako bat Gasteizen EH Bildu alboratu eta PSE-EAJ gobernu... [+]
Larunbat honetan Hego Euskal Herriko udalak osatuko dira, maiatzaren 28ko hauteskundeen ondoren. Udalerri batzuetan ez dago zalantzarik zeinek hartuko duen aginte makila, baina beste batzuetan indar orekak ez daude garbi eta alderdiek mugimenduak hasi dituzte hautagaiak... [+]
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]
Hauteskundeetara deituak izan dira azken egunotan espainiar hiritarrak, juntetxe, parlamentu edota udaletxeetako partaideak hautatzera, erakunde horiek berriztatzera, eta hor ari dira orain guztiak, analisietan, kalkuluetan, noren esku eroriko boterea, norekin lortuko aliantzak,... [+]
EAJ eta PSE-EE alderdiek gobernagarritasun ituna berretsi dute. Horrela, akordioari esker EH Bildu lehen indar geratu den leku ugaritan elkarrekin gobernatzeko aukera izango dute. Gasteizko Udalean, Gipuzkoako Batzar Nagusietan eta beste hainbat udaletan, beraz, egoera argitzen... [+]
Gobernagarritasunerako hainbat aukera utzi dute iragan igandeko hauteskundeek Nafarroan, baina haien osaketarako bidea korapilatsua da, eta Espainiako hauteskunde orokorrak uztailaren 23ra aurreratzeak are eta gehiago korapilatu du prozesua.
Hautesleen % 27 ordezkatzen dute eta “hiriko lehen indar aurrerakoia” izanik ordezkaritza printzipio demokratikoari helduko diotela adierazi du Iruñeko EH Bilduko alkategai Joseba Asironek.
Sua eta mina piztu dizkigu PSNren hauteskunde kartel eleaniztunak. "Barrenak behar dira Nafarroan 2023. urtean botoa zortzi hizkuntzatan eskatzeko, euskara baztertuta. Putakumeak. Urdeak. Ezta itxura egiteko ere".
Halako purrustadak irakurri dira egun hauetan Euskal... [+]