Enegarrenez eraso diote German Rodriguezen plakari
Asteburuan hautsi dute hilarriaren ondoko xafla, itxura guztien arabera palanka baten bitartez, Iruñeko SF78 Gogoan plataformak salatu duenez
Enegarrenez egin diote eraso German Rodriguezen omenezko xaflari. Asteburuan izan da. Itxura guztien arabera, identifikatu gabeko erasotzaileek palanka baten bitartez xafla kentzen saiatu dira. Ez dute lortu, baina ahaleginean izkinetako bat apurtu dute. Sanferminak 78 Gogoan plataformak salatu du gertaturikoa, ohar baten bitartez.
1978ko Sanferminetan Espainiako Polizia Nazionalak hildako LKIko militante iruindar gaztearen omenezko hilarria eta plaka Orreaga karrikan daude. Xaflak honako testu hau dauka izkiriaturik, euskaraz zein gaztelaniaz: “German Rodriguez Saizen oroimenez. Poliziak tiroz hil zuen 1978ko uztailaren 8an”.
Ez da monumentuari eraso egiten dioten lehen aldia. SF78 Gogoan plataformak oroitarazi duenez, lehendabizikoz mailu kolpeka txikitu zuten. Horren ondotik, lehergailu bat jarri zioten. 2005ean, Yolanda Barcina alkate zelarik, obra batzuen aitzakiatan kendu egin zuten, “eta herritarren presioa ezinbestekoa izan zen berreskuratu eta birkokatu ahal izateko”. Gogoan taldearen eskulturak ere jaso izan ditu erasoak. Hark daukan plakak hala dio: “1978ko Sanferminetan pairatutako polizia erasoaren biktimen oroimenean”.
German Rodriguezen omenezko hilarria zein Gogoan estatua Memoria Gune izendatu zituen Nafarroako Gobernuak, 2019ko ekainaren 18ko akordio baten bitartez. 2018ko Nafarroako Memoria Historikoaren Guneen Foru Legearen arabera, “Nafarroako Foru Administrazioari dagokio memoria guneen kontserbazioa eta babesa bermatzea”. Germanen hilarria eta plaka Iruñeko Udalaren akordio baten bitartez ezarri zirenez, jabetza udalarena berarena da.
Irungo tren geltokian, Aduanaren eraikinaren atzealdean dagoen Pequeña Velocidad pabiloiak zutik jarraituko du, 1936ko gerraosteko giltzapetze-sistema beldurgarriaren lekuko gisa, talde memorialisten borrrokaren ondorioz. Pabiloia frankistek erabili zuten 1936tik 1942ra,... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Memoria Demokratikoaren Legea bete eta Lasa eta Zabala bahitu eta torturatu zituzten Donostiako La Cumbre eraikina memoria historikorako gune bihur dezaten exijitu dute Gipuzkoako Batzar Nagusietan. Jauregia 2023an Donostiako Udalari utzi behar zion estatuak, baina prozedura... [+]
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.
Elkarte memorialisten ustetan, Rozalejoko Markesaren Jauregia, Nafarroako Memoriaren Institutua kokatuko litzatekeen tokia, "omenaldi, oroimen eta oroimenerako lokal bat" izan daiteke, eta Maravillas Lamberto izena eraman. Manifestariek adierazi dute ez dela nahikoa... [+]
Tafallan, nekazal giroko etxe batean sortu zen 1951. urtean. “Neolitikoan bezala bizi ginen, animaliez eta soroez inguratuta”. Nerabe zelarik, 'Luzuriaga’ lantegian hasi zen lanean. Bertan, hogei urtez aritu zen. Lantegian ekintzaile sindikala izan zen;... [+]
Talde memorialistek deitutako manifestazioa Erorien monumentuan hasiko da 18:00etan eta Gazteluko plazan bukatuko da. Amaierako ekitaldian El Drogas, Gran Ritxarson, Ilargigorri eta La Chula Potrak esku hartuko dute, besteak beste. Gaia orokorrean nola dagoen azaldu dugu... [+]
Jesus Carreraren erailketaren 80 urteurrenean udal adierazpena plazaratu dute Hondarribiko udalbatza osatzen duten alderdi politiko guztiek.
Eraispenaren aldeko elkarteek manifestazioa antolatu dute larunbatean Iruñean. Irrintzi Plazan manifestazioaren deitzailea den Koldo Amatriarekin hitz egin dugu.
Elkarte memorialistek kritikatu egin dute Iruñeko Udalak Erorien Monumentua eraisteari uko egiteko hartutako erabakia. Memoria Demokratikoaren Legea “oker interpretatzea” egotzi diote Joseba Asiron alkateari, eta mobilizazio batera deitu dute urtarrilaren... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]