Emakunde Lehendakaritzara lotuta egoteko erabakia berriro aztertzeko eskatu diote Urkulluri
Txaro Arteaga Emakundeko lehen zuzendariak eta Itziar Fernandez idazkari nagusiak agiri bat sinatu dute Iñigo Urkulluri eskakizun formala luzatuz. Emakunde berriro Lehendakaritzan egotea eskatu dute. Euskal Herriko hainbat talde feministek idatzi bat sinatu dute politika publiko berdinzaleen alde.
1988an Txaro Arteaga Ansa eta Itziar Fernández Mendizabal arduratu ziren Emakunde martxan jartzeaz eta garatzeaz. Arteaga izan zen lehen zuzendaria, eta Fernandez, berriz, lehen idazkari nagusia. Orain, biek agiri bat sinatu dute Iñigo Urkulluri Berdintasun Institutua Lehendakaritzara lotuta mantentzeko erabakia berrikusteko eskatuz.
Idazkiak hasieran dionez, “inoiz gerta ezin zitekeen zerbait gertatu da 1988an Emakunde abian jartzeko zuzendaritzako arduradun izendatu gintuztenetik, Lehendakaritzari atxikitako erakunde autonomo bat izatea zen haren nortasun-ezaugarria".
Gogorarazi dutenez, Emakunde “gure herrialdeko emakumeen borrokaren emaitza instituzionala” litzateke, “gure historiaren parte". Haien ustez, "aitzindariak” izan ziren, eta horregatik, Emakundek eta EAEk politika feministetan beti izan dena izaten jarraitu behar dutela diote: “Erreferente bat”.
Txaro Arteagak eta Itziar Fernándezek Lehendakaritzak hartutako erabakia deitoratu dute: "Harritzen gaitu demokrazia pertsonen bizitzan eragiten duten faktore sozial, kultural eta ekonomikoen aniztasunari atxikitako konplexutasun guztia barne hartzen duten herrialde-politiketatik soilik eraiki daitekeen garai honetan Emakunde bezalako erakunde bat herrialdearen helburuak proiektatzen diren toki instituzionalean inskribatuta ez egoteak".
Etorkizuna
Bien ustez, "etorkizun zalantzagarria” da datorrena. Inguruabar horretan, “lankidetzak, elkartasunak eta pertsonen bizitza erdigunean jartzen duten politika sortzaileek datozen belaunaldientzako gizarte bidezkoago baten oinarriak ezartzea” ahalbidetuko dutela espero dute.
Honako ondorioak ateratzen dituzte idazkian: "Horregatik, eta Emakunde herria sortzeko ezinbesteko tresna instituzionala dela uste dugunok asko garelako, lehendakariari eskatzen diogu bere erabakia berriz azter dezala eta Emakunde Lehendakaritzan egon dadila berriro".
Euskal Herriko Koordinadora Feministaren babesa
Adierazpenok bere egin dituzte Euskal Herriko Koordinadora Feministako kideek ere. Erabaki hori “urteetan zehar berdintasun politika publikoen inguruan landutako eta eraikitako adostasunen aurka” doala salatu dute, eta ez hori bakarrik, “berdintasun politika publiko duinen aurkako erabakitzat” ere jo dute. “Oso mingarria da praktika feministetan aritzen garenontzat”, azaldu dute. Hori horrela, Euskal Herriko Mugimendu Feministaren parte diren 34 talde eta eragilek salaketa publikoa aurkeztu dute Lehendakaritzaren erabakiaren aurka, eta Eusko Jaurlaritzari eskatu diote ahal bezain laster zuzen dezan bere "hanka sartzea".
Emakunde Lehendakaritzan. Berdintasun politika publiko duin batzuen alde idazkiarekin oraindik bat egin ez dutenek posible dute hala egitea honako eposta helbidera idatzita: zaintzakerdigunera@gmail.com.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Interneten gero eta joera matxista handiagoa dela eta, mutil gazteak sentsibilizatzen saiatuko da emakunderen Gizonduz programa, eta kirol-arloko irakasleak eta profesionalak trebatuko ditu.
Emakundek Azaroaren 25erako zabaldutako kanpainaren arabera, pornografia bihurtu da haur eta gazteen sexu indarkeria eskola. Egitasmoa kontrastatu dugu aditu zein arituekin, eta EAEko instituzioen koherentzia falta kritikatu dute: sexu-heziketaren premia aldarrikatzen duten... [+]
Emakundek Pornoa emakumeen aurkako indarkeriaren eskola bat da leloa aukeratu du azaroaren 25erako, Emakumeen Aurkako Indarkeriaren Kontrako Eguneko kanpainarako. Nerea Melgosa Eusko Jaurlaritzako Berdintasun sailburuak adierazi du nagusiki kontsumitzen den pornoa emakumeen... [+]
Emakundek diruz lagunduta eta EDE Fundazioaren parte-hartzearekin, Suspergintza erakundeak gida bat osatu du adineko emakumeek bikotearengandik edo bikote ohiarengandik pairatzen duten indarkeria matxista detektatzeko eta egoera horietan esku-hartzea bultzatzeko.
Euskadiko prostituzioari buruz Emakundek argitaratu duen azken txostenak emakumeengan jarri du arreta berriro, eta negozioa mugitzen duten enpresaburuen papera gutxietsi du. La trata de mujeres y niñas con fines de explotación sexual en Euskadi: necesidades y... [+]
Emakundek Jaietan emakumeen aurkako indarkeria matxista prebenitzeko tokiko prozesuak sustatzeko Gida osatu du EAEko hiru lurraldeetako aldundiekin eta EUDELekin elkarlanean. Gida hau EAEko udaletara igorriko dute, bi urtez pandemia dela-eta jaiak ohiko eran egin gabe egon... [+]
Pikara aldizkariak, Berria egunkariak eta Lucía Martinez Odriozola EHUko kazetaritza irakasleak (hil ondoren) jaso dute aurtengo Emakunde Saria, “genero-ikuspegia duen eta berdintasunarekin konprometituta dagoen komunikazio eta kazetaritzaren alde egindako... [+]
Emakumeek pairatzen duten edertasun-kanon zorrotza, hipersexualizazioa, gorputzen nahitaezko 'perfekzioa' edota gorputzen merkantilismoa bistaratu eta salatu nahi ditu kanpainak, besteak beste. Salaketa egitera mugatu ordez, itxaropen mezua ere hedatu nahi du Emakundek.
Nazio Batuak Emakumeak erakundeak nazioartean abian jarri duen Generation Equality ekimenak berdintasunaren aldeko eta indarkeria matxistaren aurkako itun sozial eta herritarra lortzea du helburu. EAEn Emakundek hartu du erronka horren gidaritza, eta ehun bat euskal erakunde ari... [+]
Berrizko dantzari-dantza, Antzuolako Mairuen alardea eta Tolosako bordon-dantzan berdintasuna bultzatzeko emandako urratsak jaso ditu Emakundek aurkeztu berri duen ikerketak. “Emakumeek Euskal Autonomia Erkidegoko tokiko jaietan parte hartzeko estrategiak" txostena... [+]
Askabide elkarteak prostituzioan aritzen diren eta gizarte bazterketa egoeran dauden emakumeak artatzen ditu. Haien egoera ikusgarri egitea, haiek gizarteratzea eta ahalduntzea da diru asmorik gabeko elkartearen asmoa.
Ehunka herritar elkartu dira Sestaoko Kasko plazan, larunbatez, ostiraleko hilketa matxista salatzeko. Euskal Herriko beste hainbat herritan salatu dute hilketa mugimendu feministaren eta erakundeen eskutik.
Bortxa matxistaren aurkako gida teknikoa aurkeztu dute asteazkenean Izaskun Landaida Emakundeko zuzendariak eta Gorka Urtaran Eudeleko presidenteak Gasteizen. Indarkeria matxista jasan duten emakumeei, erreparaziora bidean laguntza eskaintzeko hainbat irizpide... [+]
Prostituzioan ari diren edota bazterketa egoeran dauden emakumeekin lanean 35 urte daramatza Askabide elkarteak, haien beharrei erantzuteko eta haien egoera hobetzeko laguntzen. Berdintasunaren aldeko aurtengo Emakunde Saria jaso du elkarteak.