Emakumeen itxuraren gaineko presioan jarriko du fokua Emakundek martxoaren 8 honetan
Emakumeek pairatzen duten edertasun-kanon zorrotza, hipersexualizazioa, gorputzen nahitaezko 'perfekzioa' edota gorputzen merkantilismoa bistaratu eta salatu nahi ditu kanpainak, besteak beste. Salaketa egitera mugatu ordez, itxaropen mezua ere hedatu nahi du Emakundek.
Emakume Langilearen Nazioarteko Egunerako astebete falta dela, egun horri begira landutako kanpaina aurkeztu du Emakundek. Berdintasun, Justizia eta Gizarte Politiketarako sailburu Beatriz Artolazabalek eta Emakundeko zuzendari Izaskun Landaidak eman dute ezagutzera kanpaina astelehenean egindako agerraldian. Azaldutakoaren arabera, "neskek, eta emakumeek oro har, euren gorputzen eta itxura fisikoaren gainean jasaten duten gehiegizko presioan" jarri dute aurten fokua, bistaratu asmoz "edertasun-kanon zorrotza", " hipersexualizazioa", "gorputzen nahitaezko 'perfekzioa'" edota "gorputzen merkantilismoa".
Kanpaina arrazoitu dute Artolazabalek eta Landaidak. Lehenaren arabera, emakumeek jasaten duten presio estetikoak horien bizitza eta askatasuna mugatzen ditu, eta sare sozialen bidez presio hori areagotu egin da, emakumeen gorputzen gero eta esplotazio mediatiko handiagoaren ondorioz. Landaidak, bere aldetik, emakumeen kosifikazioa eta sexualizazioa hartu ditu ahotan, berdintasun ezaren eragile gisa. Bi fenomeno horiek, bere hitzetan, "emakumeak gizaki bezala ikustetik urruntzen" dituzte, emakumeekiko enpatia eta emakumeen balioa murriztea baitakarte. Eta horrek, seinalatu duen bezala, lotura zuzena du emakumeen aurkako indarkeriazko jarrerekin. Emakume eta neskatoak gorputz hutsetara murriztea saihestu beharra azpimarratu du Landaidak, hala egitea elikadura nahasmenduen eragile izan daitekeela iritzirik.
Kanpainak, salaketa hutsean geratzetik urruti, itxaropen mezua ere helarazi nahi duela azpimarratu dute. Alde batetik gizartea interpelatu nahi du, emakumeenganako presio estetikoaren kalteez kontziente bilakatu dadin; eta bestetik, gauzak aldatzeko eta "datozen belaunaldiei etorkizun hobea eskaintzeko" garaiz gabiltzala ulertarazi nahi du. Horrez gain, neska gazteei ere bidali nahi die mezua: berez duten balioaz ohartarazi nahi ditu, itxura fisikoa alde batera.
Lau neskato ditu protagonistatzat kanpainak, eta egunero jasotzen dituzten presio estetikoz jositako mezuen bonbardaketaren aurrean, beren buruari galdera bat egiten diote: "Benetan? Hau da guretzat nahi duzuena?". Galdera horren atzetik plazaratzen du kanpainak bere lelo nagusia: "Garaiz gaude neskatoei beste etorkizun bat eskaintzeko, haien gorputz eta itxuraren gaineko presiorik gabe". Martxoaren 15era arteko ibilbidea izango du kanpainak, eta presentzia izango du hedabideetan, ikastetxeetan, osasun zentroetan zein enpresetan.
Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]
Azaroaren 30eko Greba Orokorretik "indartuta" eta "saretuta" atera dira feministak. Jone Gil Landaburu, Euskal Herriko Mugimendu Feministako kideak nabarmendu du horri esker mugimendu feministak zaintzaren auzia erdigunean jarri duela. Horrez... [+]
Martxoaren 8a egun garrantzitsua da mugimendu feministarentzat, eta azken urteetako olatuari jarraiki, aurten ere ehunka herri eta hiritako kaleak beteko dituzte emakume langileen eskubideen aldeko aldarriz. Azaroaren 30eko greba orokorraren ildotik, zaintza eskubide publiko eta... [+]
Martxoak 8a “borroka eta salaketa eguna” dela gogorarazi du Euskal Herriko Mugimendu Feministak, eta mobilizazioetara batzeko deia zabaldu du. Aldaketa kultural eta instituzional sakonak eskatu ditu, emakumeen aurkako indarkeriei aurre egiteko.
Asteartean onartu du Eusko Jaurlaritzak 2024ko lan egutegia. Idoia Mendia Eusko Jaurlaritzako lehendakariordeak martxoaren 8a jaiegun izendatzea proposatu zuen, baina ez egun hori ez beste efemeride feministarik ez da jai izango.
Zea Maysen kantu ezagunaren bertsio bat doinutu dut neure kolkorako. Martxoa joan da ta jarri diot izena, originaletik gutxi duela badakidan arren. Heldu da apirila, eta zin dagizuet, benetan, nik ez nuela honi buruz hitz egin nahi. Martxo moretuak gainkarga dakarkigu... [+]
Euskal Herriko Emakume Migratu Feminista Zaintzaile Soziosanitarioen Elkarteko kidea da Soraya Agirre. Berak orduka egiten du lan zaharrak zaintzen, baina elkarteko %90 egoiliarrak dira, zaintzen duten zaharraren etxean bizi direnak. Alokairua lortzeko eta lan baldintzak... [+]
Pandemiak kolektiboki zenbateraino eragin gaituen sakonean aztertu gabe jarraitzen badugu ere, ez da gehiegizkoa “gureak” egin ditugun aldarrikapenak utzi dizkigula esatea. Horietako bat, zaintzak erdigunean jarri behar ditugula behingoz.
Zaintzaren auzia geroz... [+]
Genero berdintasunaren aldeko eta biztanleriaren zati handi bat pobretzearen aurkako borrokan, ikasgeletan alternatiba errealista eta bidezkoak lantzeko unitate didaktikoa plazaratu du Steilas sindikatuak: “Eskola ekofeminista eraiki dezagun”. Haur Hezkuntzatik... [+]
Denon bizitzak erdigunean. Zaintzak irauli dena aldatzeko lelopean abiatu berri du epe luzerako mobilizazioa Euskal Herriko mugimendu feministak. Otsailaren 1ean Gasteizen egindako prentsaurrekoan eman zuten dinamikaren berri. Ainhoa Olaso Sopelarekin hitz egin dugu eta azaldu... [+]
Mugimendu feministak epe luzerako prozesu bat jarri du martxan, zaintza sistema iraultzeko helburuarekin. Mobilizazio-prozesu gisa planteatu dute, eta lehen mugarria Martxoaren 8an jarriko dute.
Ostiral honetan egin dute auzi saioa Nafarroako Auzitegi Nagusian eta bertan Fiskaltzak eskatu du 15 hilabeteko zigorra 2021eko Martxoaren 8an, Nafarroako Legebiltzarraren aurrean Ainhoa Larunbek foruzain bati egindako ustezko erasoagatik.
Emakumeen Nazioarteko Egunean ere, ijito feministok ikusgai izan nahi dugu eta mugimendu feministan arrazakeriaren kontrako borroka txertatzen lagundu nahi dugu. Horretarako, ezinbestekoa dugu emakume arrazializatuen eta, zehazki, ijitoen errealitateak ezagutzera ematea... [+]
Milaka emakumek hartu dituzte kaleak Euskal Herriko Mugimendu Feministak deitutako Martxoaren 8ko mobilizazioetan. Zaintza sistema publikoa, eta antolakuntza eta borroka feministaren beharra izan dira aldarri komunak.