Emakume komikilari talde baten eskutik, kalean da bigarren ‘Tupust!’ liburua
2019an argitaratu zuten lehenengo liburua, eta oraingoan bigarrena egin dute. Eskaerak egin daitezke.
Ainara Azpiazu Axpi hernaniarrak Tupust! liburuaren bigarren zatia kaleratu berri du, beste hainbat emakume komikilarirekin batera. 2019an argitaratu zuten lehenengo liburua, eta oraingo honetan bigarren edizioa edo zatia da plazaratu dutena. Autoedizioaren aldeko apustua egin dute, eta salgai jarri dute 18 euroan. Axpik azaldu duenez, irailaren 30era arte egongo da zabalik eskaerak egiteko epea: «liburuaren bidalketak urriaren hasieran egingo ditugu, eta urriko lehen asteetan zuekin izango duzue», aipatu du Axpik.
Komiki liburua labetik atera berri dute eta ilusioz gainezka daude jendeak irakurtzeko eta iritziak jasotzeko: «txukuna dator alea, eta orain falta zaigun bakarra da irakurleek eskuratzea, iritziak entzuteko irrikatan baikaude!». Gainera, aurreratu dute liburua erosten duten lehen 200 lagunentzat Axpiren postal bat datorrela opari.
Gonbidatu berriak, bigarren liburuan
«Lehen alea kaleratu genuenetik bi urte pasa dira eta liburua poliki-poliki sukaldatzen aritu gara denbora honetan», kontatu du Axpik. Guztira, hamazazpi lan bildu dituzte antologian, 21 egilerenak: «errepikatzen dugunok, alea aurrera ateratzeko barne talde batean lanean aritu gara bi urte hauetan». Hori ez ezik, bigarren zati honetan hamar egile gonbidaturen lanak ere bildu dituzte.
Aurreko liburuan ni-aren ardatzean aritu ziren; eta orain, berriz, zu-a izango da erdigunea. «Proiektuari forma ematen hasi ginenean, luzera begirako planteamendua egin genuen, eta lehen alerako gaiak segida izateari atea zabaldu nahi genion, ale gehiago etortzea polita izango zelako. Oraingoan, zu-a hartu dugu gai. Horrelako gai batek askorako eman dezake, konkretua izan arren oso modu zabalean ulertua izan daitekeelako; sortzekoan bidea markatzen duena, baina oso bide zabala, norberaren adierazpenari toki egiten diona», deskribatu du hernaniarrak.
Eta koloreei dagokienez ere gauza bera gertatu dela azaldu du. Urdina eta laranja aukeratu dituzte elkarren «osagarri» direlako; «iruditzen zaigu horrek lanari identitatea emateaz gain, batasuna ere ematen diela barruan egon daitezkeen estilo ezberdinei».
Lotura honetan eskatu daiteke liburua: https://tupust.bigcartel.com/product/tupust-zu-aurresalmenta
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
ARGIAko erredakzioaren eskutik, sei irakurgai proposamen.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]