Emakume ijitoen aurkako bi diskriminazio kasu salatu dituzte Bilbon
Neska gazte talde bat jarraitu eta inguratu dute lurrin denda batean, eta langileetako batek ijito izateagatik jarraitu izana onartu die, grabaketa batean jasota dagoenez. Arropa denda batean, aldiz, polizia talde batek bi emakume ijito aldageletara eraman eta inolako azalpenik eman gabe biluzarazi ditu, miaketa egiteko. Urtarrilean Bilbon gertatutako jazarpen kasuak dira biak, eta horien bidez zazpi emakume diskriminatu dituztela salatu dute AMUGE Euskadiko Emakume Ijitoen Elkarteak eta Romi Berriak ijito gazteen elkarteak.
AMUGE Euskadiko Emakume Ijitoen Elkarteak eta Romi Berriak ijito gazteen elkarteak agerraldia egin dute astelehen goizean, ijito izateagatik zazpi emakumek pairatutako diskriminazioa salatzeko. AMUGEren egoitzan bildu dira, eta AMUGEko arduradun Tamara Claveríak eta diskriminazioa jasandako zazpi emakumeetako batek, Manuela Vegak, eman dute gertakarien berri.
Urtarrilean jazotako bi kasu eman dituzte ezagutzera, Bilboko denda banatan gertatutakoak. Lurrin denda batean izan zen bata, eta 17 eta 21 urte bitarteko neska gazte taldea da kaltetua. Gazteek kontatu dutenez, dendako langile batek atzetik jarraitu zien, "barrezka eta jazarpen-jarrera argiarekin". Hori gutxi ez, eta jarraipenari batu zitzaizkion langile gehiago, neska taldea zazpi langilek inguratzeraino. Beren burua egoera horretan ikusirik, gazteek erreklamazio-orria eskatu zuten, eta behin dendatik ateratakoan AMUGEra jo zuten gertatutakoa salatzera. Kaltetuek audio bat grabatu zuten jazarriak izan ondoren, eta bertan entzun daiteke nola onartzen duen langileetako batek ijito izateagatik jarraitu dituela, bezperan emakume ijito batek lapurtu egin zuela argudio gisa erabilita.
Bigarren diskriminazio kasua arropa denda batean jazo zen. 30 urte inguruko bi ahizpa dendan zeudela "sei bat" polizia agente agertu ziren, eta bikotea aldageletara eraman zuten. Inolako arrazoirik eman gabe biluzarazi egin zituzten, barruko arropetan utziz, miaketa egiteko. Erasoa jasandako emakumeek kontatu dutenez, agenteei galdegin zietenean ea ijito izateagatik ari ziren horrela jarduten, mehatxu batekin erantzun zien horietako batek: arrazista izatea leporatzeagatik salatuko zituela erantzun zien, zehazki.
AMUGE eta Romi Berriak elkarteek azpimarratu dute bi kasuetan "larrituta, jazarrita, jendaurrean lotsatuta eta estigmatizatuta" sentitu direla diskriminazioa pairatu duten emakumeak. Gertakari isolatu izatetik urruti, "enpresa-kultura baten isla" direla ere azpimarratu dute, zeinak barneratuta daukan ijitoak susmagarritzat jotzea. AMUGEk 2021ean egindako ikerketan oinarritu dira baieztapena egiteko: testing metodologia baliatuz, Bizkaiko hogei establezimendutan sartu ziren, eta horietako hamaseitan ijitoen aurkako aurreiritzietan oinarritutako jarrerak antzeman zituzten langileengan.
Salaketa publikoa egitearekin batera, kexa administratiboak eta zigor arloko salaketak ere jarri dituzte. "Merkataritza-establezimenduetako kontratazio-politikek eta jendearentzako arreta-politikek pertsona guztientzako berdintasun- eta errespetu-tratua bermatzea eskatzen dugu, eta enpresek aurreiritzi arrazistetan oinarritutako jarduerak prebenitzeko eta horietan esku hartzeko protokoloak izatea. Ardura horiek argi zehazten ditu Espainiako Estatuko 15/2022 Lege Integralak, tratu-berdintasunari eta diskriminaziorik ezari buruzkoak", adierazi dute bi elkarteek.
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]
Iragarritako heriotza baten kronika. Donostiako Udalak Egiako Kaleko Afari Solidarioak debekatu ditu, «segurtasunaren» aitzakian. Bizpahiru urte dira Egian segurtasuna guztien ahotan dagoela, eta azken hilabeteotan, talde eskuindarren gorakadarekin, egoerak okerrera... [+]
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Aste mugitua izaten ari da Donostian, Kaleko Afari Solidarioen bueltan dabilen jendearentzat. Astelehenean beren aurkako kontzentrazioa egin zuten dozenaka pertsonak, inolako baimenik gabe eta Ertzaintzak esku hartu gabe, eta tentsio handia izan zen. Horrek hauspotuta, Eneko... [+]
Poliziek arrazaren araberako "profilak" egiten dituztela azaldu du Europako Kontseiluaren txosten batek, eta komisarietan pertsona migranteek eta ijitoek arrazismo sistematikoa pairatzen dutela seinalatu. Melonik poliziak babestu ditu: "Gure polizia-indarrek... [+]
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]
Herritarren segurtasunik ezaren kezka gero eta handiagoa da gure auzo eta hirietako elkarrizketetan, batez ere kalean bizirik dirauten Magrebeko gazteek eragindako lapurreten eta gatazken inguruan. Badirudi egoera horiek areagotu egin direla azken hilabeteetan, eta alarma eta... [+]