Emakume batek jazarpena salatu ondoren, beste 30 emakumek seinalatu dute gizon bera
Gizon batek egindako jazarpena salatu du Irati Rusiñol hendaiarrak sare sozialetan. Komisarian ere jarri du salaketa. Salaketa publiko egin ostean, beste 30 emakumek esan dute gizon beraren erasoak jasan dituztela. Rusiñolek adierazi du beste inori halakorik egin ez diezaion egin duela salaketa publikoa.
Rusiñolek Euskadi Irratian eta Berria egunkarian kontatu du gertatutakoa. Jazarpena azaroaren 15ean hasi zen, Hendaian. Supermerkatu batean ezagutu zuen gizona, erreflexologoa zela zioen karta bat eman zionean eskura. Hizketan aritu ziren luzaz, bazihoala esan zion arte. Orduan, bere etxera gonbidatu zuen, eta besarkadak eman zizkion, eta eskatu ez alde egiteko. Musukatzen ere saiatu zen. Ataka hartatik ateratzeko, Rusiñolek etxeraino laguntzeko aukera eman zion, gero agurtzekotan. Iruditu zitzaion gizonak “afekzio falta” zuela. Telefono zenbakia eman zion.
Gau berean hasi zitzaion deika, eta sexu harremanez hizketan hasi. Hurrengo egunetan jazarpena telefonoz, Whatsappez, helbide elektronikoz, Facebookez eta Instagramez egin zion. Gelditzeko eskatu zion behin baino gehiagotan, baina gizonak jarraitu egin zuen. “Prostituta bat zara!”, esan zion uzteko eskatu zion horietako batean.
Rusiñolek salaketa jarri zuen polizia etxean. Era berean, Facebooken kontatu zuen gertatutakoa. Gizonaren izena, adina, bizitokia eta elkarrekin trukatutako mezuen irudiak zabaldu zituen. Ondoren, 30 emakumeren mezuak jaso ditu esanez gizon beraren erasoak jasan dituztela. Rusiñolek Euskadi Irratiari adierazi dio emakume batzuek eraso arinagoak izan dituztela eta beste batzuek okerragoak, tartean batek aipatu duela gizon horrek bortxatu zuela. 30 emakumeetako inork ez du salaketarik jarri. Rusiñolek animatu ditu salaketa jartzera, baina pausoa inork ez duela eman esan du. Adierazi dio Berria-ri “amorru pixka bat” eman diola, baina ulertzen duela jarrera.
Berak esan du sostengua jaso duela salaketa publiko eginda, on egin diola. Gehitu du haren asmoa zela, salaketaren bidez, gizonak bera ez gehiago jazartzea, eta beste inori gauza bera ez egitea.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]