Bartzelonako emakume batek bere etxea Airbnb-n alokatuta zegoela ikusi eta okupatu egin behar izan du berreskuratzeko, La Vanguardiak argitaratu duenez. Berak jarritako salaketaren ondorioz errentari ugarik salaketak jarri dituzte, euren etxeak bigarren batzuek turistei alokatzen ari direla ikustean.
Barceloneta auzoko etxebizitza alokatu zion andre batek finantza munduan omen zebilen Timur izeneko gazte bati, hilean 950 euroren truke eta turistei berralokatzea espreski debekatuz kontratuan. Hilabetera konturatu dira euren pisua Airbnb-n gaua 200 euroren truke alokatzen zela; hau da, hilean ia 8.000 euro lortzeko aukerarekin.
Errentaria gertatzen ari zenaz ohartu zenean, maizter faltsuarekin harremanetan jartzen saiatu zen baina alferrik izan zen. Horregatik, etxea berreskuratzeko gau baterako alokatu zuen pasa den astean, sarraila aldatu eta bertan da ordutik.
La Vanguardiak argitaratu duen salaketa honen ondotik, Timur delakoak alokatutako etxe ugari ari dira deskubritzen. Legeak espresuki debekatzen ditu lizentziarik gabeko pisu turistikoekin lotutako praktika hauek.
Bartzelonako Udalaren pisu turistikoen legea hausten dute horrelako pisuek, baina zaila izaten da frogatzea. Udalak 30.000-600.000 euro arteko isunak jar ditzake auzi hauengatik, baina errealitatea da orain arte ez duela bakarra egin. Govern-ak Airbnb plataformari jarri zion 30.000 euroko isuna 2014an, baina errekurtsoa jarri eta Kataluniako Auzitegi Gorenak arrazoia eman zion. Udalak ere 2016 amaieran 600.000 euroko isuna jarri zion Airbnb-ri, baina oraindik helegitearen erantzunaren zain daude.
Airbnb bezalako plataformek legez kanpoko turista pisuen negoziorako erraztasunak ematen dituztela salatu dute behin baino gehiagotan Bartzelonako bizilagun mugimenduek. Izan ere, plataforma hauetan gehiago dira tasak ordaindu gabeko negozioa bilatzen duten sare eta jabeak, “jendea ezagutu eta hilabete amaierara iristeko sos batzuk lortu” nahi dituzten bizilagunak baino.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
