Emakume bat larri dago ZIUn, Ertzaintzak Donostian foam jaurtigai batekin jo ostean
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi du.
Ertzaintzaren foam jaurtigai batek belarri atzealdean jo ostean, 44 urteko emakume bat larri dago, Donostiako ospitaleko zaintza intentsiboko unitatean ingresaturik. Agenteen karga batean zauritu zuten Donostian, Reale Arena estadioaren inguruetan, Realaren eta Paris Saint Germainen arteko futbol partiduaren aurretik poliziak egindako oldarraldietan.
Eusko Jaurlaritzako Segurtasun Sailak jakinarazi du barne ikerketa zabaldu duela eta emakumearekin eta haren familiarekin harremanetan jarri dela, gertaturikoa argitzeko. Era berean, epaitegiari eskatu dio auzitegi-mediku batek aztertu dezala nola zauritu zen. "Euskal jarraitzaile erradikalek sorturiko istiluen barruan, inpaktu bat jaso zuen buruan", dio Ertzaintzak gaztelania hutsean argitaraturiko oharrak.
Bai emakumeak eta bai haren familiartekoek garbi dute foam bala batek jo zuela. Senarrak xehetasun osoz kontatu dio gertaturikoa Noticias de Gipuzkoa egunkariari. Azaldu duenez, 9 urteko semearekin eta familia osoarekin joan ziren partidua ikustera, eta estadiora klubeko aplikazioarekin sartzeko internetek konexio bila aldendu zen emakumea errepide aldera.
"Bere gainetik pasa ziren lurrean zegoela"
Errondo pasealekuaren erdian zegoela, estaldura aurkitu ondoren estadiora bueltan zela, "bat-batean soinu bat entzun zuen eta ertzain-ilara bat ikusi zuen agertzen. Burmuinean pilotakada bat jo zioten 20-30 metroko distantziatik", adierazi du senarrak. Azaldu duenez buruaren parean egin zioten tiro: "Gehien haserretzen nauena da gainetik pasa zirela bera lurrean zegoenean. Eta hori zutik jartzen saiatu zela, baina berriz erori zen zorabiatuta".
"Bat-batean soinu bat entzun zuen eta ertzain-ilara bat ikusi zuen agertzen. Burmuinean pilotakada bat jo zioten 20-30 metroko distantziatik"
Emakumea hasiera batean estadiora sartu zen, baina ondoezik zegoela ikusita irten egin ziren eta lehenik Bidasoako ospitalera eta ondoren Donostiakora eraman zuten. Medikuek familiari azaldu diotenez, barne odol isuri garrantzitsua du eta hurrengo orduak funtsezkoak izango dira bere osasun egoerak nola eboluzionatzen duen ikusteko.
Senarrak haserrea azaldu du polizia operatiboarekin eta Ertzaintzak azken partiduetan izandako jokabidearekin, eta ahal bezain pronto salaketa jarriko duela ziurtatu du.
Ertzaintzaren Erne, Esan eta Sipe sindikatuek ere, beren aldetik, ikerketa eskatu dute Donostian asteartean futbol partidua zela-eta abian jarritako polizia operatiboaren inguruan. Salatu dute agente gutxi zeudela eta material eskasa izan zutela eskura; zortzi ertzain zauritu zirela ziurtatu dute.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
“Ahots propioa duen sare bezala” gorpuztuta, eta torturatuen aitortza eta erreparazio publiko, sozial eta ofiziala helburu, otsailaren 15ean eratu eta aurkeztuko du bere burua Euskal Herriko Torturatuen Sareak. Tortura jasan duten 700 pertsona baino gehiagorekin... [+]
Polizia ez zegoen lanean ustezko gertakaria jazo zenean.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]