Elurraren turismoari lotutako espekulazioa salatu du Kataluniako Stop Jocs Olímpics plataformak
Baqueira Beret-eko eski estazioan eman du prentsaurrekoa 2030eko Neguko Joko Olinpikoak antolatzeko 'Bartzelona-Pirinioak' hautagaitzaren kontrako Stop JJOO plataformak, luxuzko 38 etxebizitza eraikitzen ari diren lekuan bertan.
Plataformako kide Bernat Lavaquiol eta Alidé Sans-ek salatu dute neguko turismoari eta zehazki eskiari lotutako espekulazio urbanistikoaren ondorioz, bertako herritar eta langileek geroz eta zailagoa dutela etxebizitza eskuratzea, batez ere Aran, Cerdanya eta Pallars Sobirà eskualdeetan.
Baqueira Bereten eraikitzen ari diren etxebizitzetako bakoitzak 2 milioi euro balio duela-eta, Lavaquiolek adierazi du eskualde horietan dauden lursail urbanizagarri apurrak –batzuetan gainera birkalifikatu behar izan dira– "luxuzko bigarren edota hirugarren etxebizitzak" eraikitzeko baliatzen ari direla, eta lurrari lotutako espekulazio horren ondorioz hazi egiten dela bertan egonkortu nahi dutenentzako etxebizitzen balioa: "Baqueira-ren jabeek natura suntsi dezakete eta mundu guztia isildu egiten da; Pirinioetako omertá da".
Azaldu duenez, Aran bailarako etxebizitzen %54 bigarren edo hirugarren etxebizitzak dira eta, batez beste, urtean 18 egunez besterik ez da egoten norbait bertan.
Bestalde, Stop JJOO plataformak salatu du eski estazio pribatuek jasotzen dituzten diru-laguntza publikoek Baqueira Beret-ekoa moduko proiektu urbanistikoak hauspotzen dituztela. Hainbat adibide aipatu ditu kolektiboko kide Alidé Sansek, Bausen udalerrikoa tartean, bertan bizi diren pertsonen halako hiru jasotzeko ahalmena izango duen urbanizazioa hain justu.
Gauez ere martxan
Stop JJOO plataformak emandako prentsaurrekoaren bueltan, sare sozialetan hainbat erabiltzailek gogorarazi du Masellako eski estazioa gauez ere zabalduko dutela, astean bi egunez, martxora bitarte. Energia-gastuaz gain, animaliengan sor dezakeen kaltea ere salatu du hainbat eragilek.
Hiri bat Olinpiar Jokoen antolatzaile izendatzen dutenean, biztanleen artean ilusioa sortzea da helburuetako bat. Asko dira hartu beharreko erabaki polemikoak, eta herritarren babesa izateak lana errazten du. Hala ere, 2017an Nazioarteko Olinpiar Batzordeak (NOB) Paris... [+]
Nazioarteko Olinpiar Batzordeak onartu du gizonezkoek ere lehiatu ahal izango dutela taldekako igeriketa artistikoan, 2024an Parisen egingo diren Joko Olinpikoetan.
Litekeena da 2024an Baionako festak beste data batean egin behar izatea, eta bertan behera geratzeko arriskua ere badago, bertan egon beharko luketen polizia gehienak Pariseko Joko Olinpikoetan izango direlako.
Iñigo Llopis igerilari donostiarrak hiru domina irabazi ditu Munduko Txapelketan eta 2021eko Tokio Paralinpiar Jokoetatik zilarra ekarri zuen etxera. Konporta Kirol Elkartean aritu ondoren, Basque Team klubean dabil gaur egun, “Gipuzkoan maila handia dago”... [+]
2030eko Joko Olinpikoen hautagaitzaren inguruan uztailaren 24an egingo den galdeketari begira dago Stop JJOO plataforma. Puigcerdá herrian deitutako manifestazioa, datozen asteetan egingo dituzten ekintzen abiapuntua izan da.
Txinan, Neguko Joko Olinpikoak egin diren zonaldean, elurrik egin ez eta artifizialki sortutakoa baliatu dute. Kataluniako Pirinioetan ere elur gutxi egin du, eta eski estazio askok ezin izan dute normaltasunez funtzionatu. Halere, 2030eko Neguko Jokoak begi-puntuan,... [+]
Kataluniako Gobernuak bi galdeketa egingo ditu uztailaren 24an Pirinioetako herrietan, 2030eko Neguko Olinpiar Jokoen hautagaitzak daukan babesa neurtzeko. Kirol probak egingo diren herrietan galdera izango da: "Kataluniako Gobernuak aurkeztu beharko luke hautagai zerrenda,... [+]
Beijingeko neguko jokoetarako villa olinpikoa eraikitzen ari zirela, Jin dinastiako aztarnategi handi bat azaleratu zen.
1935 urteaz geroztik landutako lurrak hormigoitu eta 2024an eginen diren Olinpiar Jokoetarako igerileku bihurtu nahi dituzte lekuko instituzioek. Desobedientzia eta okupazioaren bidetik dabiltza megaproiektu honen aurka borrokan. Hiri batetik bestera, Joko batetik bestera,... [+]
Atenas, 1896ko apirilaren 6a. Lehen Joko Olinpiko modernoak inauguratu zituzten. 241 atletek –guztiak gizonezkoak– parte hartu zuten 10 eguneko kirol ekitaldian. 125 urte igaro dira.
Txinako Gobernuak egindako “genozidioa eta gizateriaren aurkako krimenak” salatzeko, ez dute ordezkari diplomatikorik bidaliko neguko jokoetara, baina atletek joan ahal izango dute. Txinak irmo erantzun du: “AEBek ordaindu egingo dute boikotagatik”.
2024an Parisen jokatuko diren Olinpiar eta Paralinpiar Jokoetako prestakuntza gune izango da Hendaia. Bertako hainbat azpiegitura erabiliko dituzte bost kirol diziplinetarako: petanka, zazpiko errugbia, eskubaloia, tenisa eta aulkidun tenisa.
Paris, 1900. Aro modernoko bigarren joko olinpikoetan lehen eta azken aldiz jokatu zen ofizialki zesta puntako lehiaketa; ondoren, 1968ko Mexikoko jokoetan eta 1992ko Bartzelonakoetan ere pilota erakustaldiak izan ziren, baina ez zen lehiaketa ofizialik jokatu.
Emakume atleten harreman pertsonalak, gorputz ederrenen zerrendak eta matxismoz jositako titularrak ikusi ditugu hainbat hedabidetan, Olinpiar Jokoez informatzerakoan. Aurreko edizioetako joerari eutsi dio kazetaritza mota batek.