Elon Musken Tesla blokeatzen ari dira Suedia, Danimarka, Norvegia eta Finlandiako langileak
Auto elektrikoen ekoizlerik handiena den Tesla enpresako Suediako 120 mekanikarik grebari ekin zioten urriaren 27an, hitzarmen kolektiboa negoziatzeko, eta inguruko herrialde eta sindikatu nagusietara zabaldu da Musken aurkako boikota. "Elkartasun greba" deritzonaren bidez enpresari milioiduna presionatzen ari dira eta Teslaren ekoizpena blokatzea lortu dute, hainbat sektoretako langileen laguntzaz.
Elon Musk milioidunak ez du Suediako 120 mekanikariekin hitzarmen kolektiborik sinatu nahi izan, baina langileok antolatu egin dira eta IF Metall sindikatuak bultzatuta, Teslako jabeak espero ez zuen erantzuna ematen ari dira. Urriaren 27tik greban daude, eta Teslako ekoizpena blokatzen ari dira hainbat sindikaturen laguntzarekin. Suediako ia guztiak batu dira protestara, baita inguruko herrialdeetakoak ere: Danimarka, Norvegia eta Finlandiako langileak ere nazioarteko auto elektrikoen ekoizle handiena presionatzen ari dira, boikotaren bidez.
Suediako zamaketariak blokatzen ari dira autoak euren portuetan deskargatzea, eta hori ekiditeko Muskek Danimarkako portuetara bidali zituen ontziak. Baina han ere oztopoak jarri dizkiote: 3F sindikatuak –Danimarkako handiena– bat egin du langile suediarren grebarekin eta bide hori ere itxi diote. “Enpresak bezala, mugimendu sindikala eta langileak babesteko borroka ere globalak dira. Gure elkartasunarekin presio handiagoa egingo diogu Teslari. Espero dugu lehenbailehen mahaian esertzea negoziatzeko eta hitzarmen bat sinatzea”, adierazi du 3F sindikatuko garraio sektoreko Jan Villadsen-ek.
Garbitzaileak, elektrikariak, mantenuko langileak, garraiolariak, zamaketariak edota postariak elkartu dira mekanikarien borrokara, eta Tesla blokatzea lortu dute: zamaketariek ez dute autorik deskargatzen, elektrikariek ez dute karga punturik prestatzen edo konpontzen, taxi gidariek ez dute Tesla autorik hartuko mekanikariek hitzarmena izan arte, eta abar.
Zergatik batu dira Teslaren boikotera inguruko herrialdeetan?
3F sindikatutik argitu dutenez, Suedia, Norvegia eta Danimarkak “elkartasun gatazka” deritzon eredua dute, eta horrek ahalbidetzen du hainbat sektore eta tokitako langileek ere Teslaren jarduna blokatzea. IF Metall sindikatuak salatu du Tesla multinazionala saiatu dela grebari aurre egiteko beste mekanikari batzuk kontratatzen, baina sindikatuen eta langileen elkartasuna enpresari milioiduna baino indartsuagoa izan dela erakutsi dute.
Norvegia, Finlandia eta Danimarkako sindikatuek elkartasunezko greba egin dute, besteak beste, azpimarratzeko hitzarmen kolektiboa edukitzea ezinbestekoa dela herrialde horietan, batik bat. Langileen gutxieneko soldatak eta lan baldintzak hitzarmen kolektiboen bidez finkatzen dira, eta suediarren %90 dago hitzarmenen batek babestuta. Beste herrialde batzuetan gutxieneko horiek legez finkatuta daude, Langileen Estatutuen bidez.
Mekanikariek hasi zuten greba gero eta oihartzun handiagoa izaten ari da, eta astez aste boikotera elkartzen ari dira sindikatu gehiago; ikusteko dago Europan noraino zabalduko den. Elon Muskek, negoziazioari bide eman ordez, zera esan du grebari buruz: “Hau erokeria da”.
Joan den astean, Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Akordio batetik “urrun” daudela adierazi dute eta martxoko eta apirileko bost greba egunetarako deialdia egin diete irakasleei. Lehenengoa... [+]
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.